Talu mai le 2018, ua faamatilatila ai i a tatou mekasini mo le lautele se mataupu e tasi mo lomiga taʻitasi. E aofia nei mekasini uma i a tatou Meafaigaluega mo le Aʻoaʻo Atu. O lea, e mafai ona tatou faaaogāina nei mekasini i le faiva. E mafai foʻi ona tatou ave ni nai mekasini pe a tatou ō e faatau pe faimalaga. E tatou te lē faaaogāina mekasini e suʻesuʻe ai le Tusi Paia ma tagata, ae e mafai ona faaosofia ai le naunau o se tagata e aʻoaʻo atili e faatatau i le Atua.

A o faagasolo le lua talanoaga ma se tasi, ia faasoa atu se mau ma taʻua se mataupu o loo i se lomiga e ono fiafia i ai o ia. O se faataʻitaʻiga, pe afai o se tagata tausi aiga po o se isi o loo feagai ma mafatiaga ma popolega, e te ono faapea atu: “E iai se mataupu manaia na ou faitau ai talu ai nei e faatatau i lenā tulaga. Pe e mafai ona ou faaali atu?” Pe a ia faaalia le fiafia, e mafai ona e ofo i ai se kopi o le mekasini pe lafo atu foʻi i ai e ala i le initaneti, e tusa lava po o lau uluaʻi asiasiga. E ui e lē o lo tatou sini le tufatufaina o mekasini, ae e mafai ona fesoasoani na mekasini ina ia maua ai i latou e naunau e faatatau mea ua latou aʻoaʻoina.​—Ga 13:48.