Pe e Tāua le Faaaloalo iā te Oe Lava?
AISEĀ E TĀUA AI LE FAAALOALO IĀ TE OE LAVA?
O tagata e manatu mamafa iā i latou lava, e mafai ona latou taulima faafitauli o le olaga ma e lē fiugofie.
-
Ua faaalia i suʻesuʻega o i latou e lē manatu mamafa iā i latou lava, e aafiagofie i le popole, lotomafatia, ma tau lē ʻai pe e soona ʻai foʻi. E masani ona latou faaaogāsesēina le ʻava malosi ma tagofia fualaau faasāina.
-
O tagata e manatu mamafa iā i latou lava e latou te lē faatusatusa i latou i isi, ma e faigofie ai ona latou faamasani ma atiaʻe faauōga māfana ma isi. Peitaʻi, o i latou e lē manatu mamafa iā i latou lava, e masani ona faitio ma iʻu ai i le faaleagaina o faiā ma isi.
-
O tagata e manatu mamafa iā i latou lava, e tumau e tusa po o ā faafitauli e latou te fesagaʻia. E latou te lē faatagaina se mea e taofia ai i latou mai i le ausia o se sini. I se faaeseesega, o i latou e lē manatu mamafa iā i latou lava, e latou te soona faatelē se faafitauli laʻitiiti ma o le a faigofie ai ona latou faavaivai.
MEA E MAFAI ONA E FAIA
Ia filifili ni uō lelei. Ia faauō atu i tagata e faaalia le faaaloalo, e manatu mamafa iā te oe ma faalaeiauina oe e faia mea lelei.
Ia fesoasoani i isi. Pe a e faaalia le agalelei i isi ma faia mea lelei mo i latou, aemaise i ē e lē mafai ona toe taui mai lo tatou agalelei, o le a e lagona le fiafia moni. E tusa foʻi pe e lē iloa e isi a tatou galuega lelei na fai, ae e tatou te lagona pea le fiafia.
Ia fesoasoani i lau fanau ia manatu mamafa iā i latou lava. O se tasi o auala e faia ai faapea, o le faataga lea o i latou e foʻia faafitauli e mafai ona latou taulimaina. E fesoasoani lenā i fanau e feagai ai ma tulaga faigatā i le olaga, ma iloa le auala e foʻia ai faafitauli. O le faia faapea, o le a latou faaalia ai le manatu mamafa iā i latou lava i le taimi lenei, ma pe a avea foʻi i latou ma tagata matutua.
MEA O LOO FAIA E MOLIMAU A IEOVA
O sauniga ma polokalame tauaʻoaʻoga faale-Tusi Paia a Molimau a Ieova, e fesoasoani i tagata e faaleleia ai o latou olaga, ma iloa ai le auala e faaalia ai le manatu mamafa iā i latou lava.
O A MATOU SAUNIGA I VAIASO TAʻITASI
I a matou sauniga faalevaiaso, e matou te faalogologo ai i lauga faale-Tusi Paia, ia e masani ona talanoaina ai fautuaga i le auala e faaalia ai le manatu mamafa. E leai se totogi o a matou sauniga ma e mafai ona auai ai so o se tasi. O se faataʻitaʻiga, o le a e aʻoaʻoina i a matou sauniga . . .
-
māfuaaga e tāua ai oe i le Atua
-
le auala e maua ai se fuafuaga moni o le olaga
-
auala e atiaʻe ai ni faauōga e māfana ma tumau
O le a e maua ai foʻi ni uō moni e alolofa ma “fetausiaʻi.”—1 Korinito 12:25, 26.
Ina ia aʻoaʻo atili e faatatau i a matou sauniga, saʻili i le jw.org mo le vitiō O ā Mea o Loo Faia i se Maota mo Sauniga?
POLOKALAME MO LE SUʻESUʻEINA O LE TUSI PAIA
E matou te faia suʻesuʻega faale-Tusi Paia e aunoa ma se totogi e faaaogā ai le tusi Se Olaga Fiafia e Faavavau! O loo aofia i lenei tusi mau autū, manatu e faigofie ona fefulifulisaʻi ai, fesili faatupu manatu, vitiō faagaeeloto, ma ata mananaia. O a matou suʻesuʻega faale-Tusi Paia, e fesoasoani i tagata e iloa ai e tāua i latou ma faaleleia ai o latou olaga.
Ina ia iloa aogā o le suʻesuʻeina o le Tusi Paia faatasi ma Molimau a Ieova, saʻili i le jw.org mo le vitiō Aiseā e Suʻesuʻe ai le Tusi Paia?
E te Ono Fiafia Foʻi
ALA MAI!
Le Auala e Faaalia ai le Faaaloalo
E tatau ona faaalia le faaaloalo i taimi uma; ae lē na o ni taimi patino. E faapefea ona e faaalia le faaaloalo i lau paaga?
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.
MOLIMAU A IEOVA
Auai i a Matou Sauniga
Iloa atili e faatatau i a matou sauniga. Saʻili se nofoaga lata ane o loo faia ai a matou sauniga.
