“Le Mekasini Pito Sili Ona Lelei o Loo Maua Nei”

NA MAUA talu ai nei e faatonu o le Ala Mai! se tusi mai ia Lisel, o se teine aʻoga e 18 tausaga le matua e i le vasega maualuga i le Iunaite Setete. Na ia tusi e faapea:

“O lea ua uma ona faaulu loʻu igoa i le matāʻupu tau le talafaasolopito i le kolisi. E iai se pepa o galuega tusitusi i le aʻoga e manaʻomia ona faia i ai ni sāʻiliʻiliga, ma ua ou filifili e tusia i laʻu pepa le matāʻupu e uiga i le tetee atu o Molimau a Ieova faasaga i faiga faa-Nasi i Siamani ona o o latou talitonuga i le mea ua tonu i le taimi o le Pulega faa-Nasi. Ou te fia talosagaina le lisi o lōmiga o loo aumaia ai faamatalaga lena foʻi o loo tuuina mai i le faaiʻuga o le matāʻupu o le Awake! o lona matua ‘Molimau a Ieova—Lototetele a o Fesagaʻi ma Osofaʻiga a Nasi,’ lea sa aumaia i le lōmiga o Iulai 8, 1998. Sa matuā lava saunia sāʻiliʻiliga na faia mo lena matāʻupu ma na tusia i se auala e lelei le faagasologa o ona manatu lea afai ou te tusia i laʻu pepa tau o le ʻafa o le talitonuga aʻiaʻi ma le moni, o le iʻuga e oo i ai o le a avea lea o se molimau mataʻina i le komiti e gafa ma le togiina o laʻu galuega.

“Faafetai lava mo le faaauauina pea ona sauniunia o le mekasini pito sili ona lelei o loo maua nei. I lōmiga taʻitasi, ou te mauaina ai ‘lesona e faatatau i le auala e tusitusia ai ni tala’ e matuā sili atu i soo se mea lava o loo mauaina i laʻu aʻoga, ma o lea ua faaauau ai pea ona uunaʻia aʻu ina ia faaleleia atili galuega o loo oʻu tusia. Ia outou iloa loʻu talisapaia o a outou taumafaiga.”

[Ē Ana le Ata i le itulau 30]

Ata i le ogatotonu: Państwowe Muzeum Oświęcim-Brzezinka, courtesy of the USHMM Photo Archives