Le Auala e Maua ai Se Olaga Faaleaiga Fiafia

NA TUSI mai Graciela mai Anitenitina, i Amerika i Saute e faapea: “Sa ou faitauina mekasini o Le Olomatamata ma le Ala Mai! mo le 40 tausaga. I le taimi lenei, ina ua mavae le tele o tausaga, e mafai ona ou faapea atu ma le mautinoa ua faataunuuina oʻu manaʻoga e na lomiga. Na fesoasoani mai ia te aʻu talu mai loʻu laʻitiiti, oo mai i loʻu talavou, a o faia laʻu uō ma faasolo mai ina faaipoipo, ma i le tausia aʻe foʻi o laʻu fanau e toʻaono.

“Ua fesoasoani mekasini i laʻu tane faapea foʻi ma aʻu i le tausia aʻe o la ma fanau e toʻafā o loo matou nonofo faatasi pea i le aiga. Ou te faaaogāina lelei mekasini e talanoa atu ai i laʻu fanau faapea foʻi ma o latou faiaʻoga i le aʻoga. Ou te faitauina saʻo mai lava se mataupu o le Awake! pe a matou talanoa ma ni fomaʻi e faatatau i nisi o faafitauli tau le soifua mālōlōina. Ona o le faasologa o mataupu o loo i le mekasini e faapea le matua o loo iai i le faavaa “Fesoasoani mo Fanau o Loo Faalētonu i le Aʻoaʻoina o Mea” (Fepuari 22, 1997), na ma iloaina ai o se tasi o a ma tama teine o loo iai le faafitauli e aʻoaʻoina ai mea.”

O lomiga a le Sosaiete o le Olo Matamata e mafai ona fesoasoani i aiga e fesagaʻia le anoanoaʻi o faafitauli o loo latou feagai ma mauaina le fiafia faatasi i le olaga. Mo se faataʻitaʻiga, o le tusi e 192 itulau o Le Ala e Maua ai le Fiafia i le Aiga e mafai ona aogā mo tane, avā, mātua, fanau, mātua o mātua—ioe, i tagata taʻitoʻatasi uma lava o le aiga. E aofia ai i ona mataupu aogā ia mataupu nei o loo mulimuli mai: “Ia Aʻoaʻo Lau Tamaitiiti e Afua Mai a o Tama Meamea,” “Fesoasoani i Lau Tama Talavou Ina ia Agaʻigaʻi i Luma ma Manuia Ai,” “Ia Puipui Lou Aiga Mai Taaʻiga e Faaleagaina Ai,” ma le “E Mafai Ona E Manumalo Mai Faafitauli e Faaleagaina ai se Aiga.”

Mo sau kopi, faamolemole faatumu le kuponi o loo avatu ai ma auina mai i le meli, e faaaogā ai le tuatusi o loo saunia atu po o so o se tuatusi talafeagai o loo i le itulau e 5 o lenei mekasini. O le a e maua ni fautuaga patino e mafai ona fesoasoani ia te oe e foʻia ni faafitauli ma e mafai ona avea ai le olaga o se aiga o se mea e fiafia ai e pei ona finagalo Lē na Foafoaina Mea ia faapena ona iai.

□ Auina mai mo aʻu se kopi o le tusi Le Ala e Maua ai le Fiafia i le Aiga.

□ Faamolemole faafesootaʻi mai aʻu mo se suʻesuʻega faale-Tusi Paia i le aiga e aunoa ma se totogi.

[Ata i le itulau 32]

O Graciela ma lona aiga