“Sa Iai Loʻu Manatu sa na o Aʻu Lava”

O UPU o loo i luga, sa faaleo mai e Ulrike, o se teine e 13 tausaga mai Kalifonia, i le Iunaite Setete o Amerika, e tusa ai ma lana suʻesuʻega na faia i le tusi Le Ala e Maua ai le Fiafia i le Aiga. Na ia tusi mai e faapea:

“Ou te matuā talisapaia le mea moni ua outou faaaofia ai i le mataupu ‘E Mafai Ona Taulau Manuia Aiga e Taitoatasi Mātua!’ Ua fesoasoani lenei mataupu ia te aʻu e avea ai o se tagata lelei ma sili atu ona fesoasoani i loʻu tinā ona o ia o se matua nofo toʻatasi. Sa fesoasoani foʻi lea mataupu ia te aʻu ou te matuā malamalama lelei ai e uiga i ona lagona. Sa iai loʻu manatu sa na o aʻu lava o loo tigā oʻu faalogona.” Na faaiʻu mai faapea le talavou: “Sa matuā tele se fesoasoani a lena tusi ia te aʻu!”

E faitau miliona tagata i le lalolagi aoao ua fesoasoani i ai lenei tusi e 192 ona itulau. O le tusi, Le Ala e Maua ai le Fiafia i le Aiga e mafai ona aogā mo tagata uma o le aiga—o tane, avā, o mātua, o fanau, o matua o mātua—ioe, o tagata uma lava. I ona mataupu e aʻoaʻo ai “Ia Aʻoaʻo Lau Tamaitiiti e Afua Mai a o Tama Meamea,” “Fesoasoani i Lau Tama Talavou Ina ia Agaʻigaʻi i Luma ma Manuia Ai,” “Ia Puipui Lou Aiga Mai Taaʻiga e Faaleagaina Ai,” ma le “Tausisia le Filemu i Lou Aiga.”

Ina ia maua sau kopi, faamolemole ia faatumu le kuponi lena ma auina atu i le meli i tuatusi na e i le kuponi po o se tuatusi talafeagai na o loo lisiina i le itulau e 5 o lenei mekasini. O le a e maua ni fautuaga patino e mafai ona fesoasoani i le foʻiaina o faafitauli ma matuā fiafia ai le olaga i le aiga e pei ona faafinagaloina e Lē na Foafoaina Mea.

□ Auina mai ia te aʻu se kopi o le tusi Le Ala e Maua ai le Fiafia i le Aiga.

□ Faamolemole faafesootaʻi mai aʻu e tusa ai ma le faia o se suʻesuʻega faale-Tusi Paia i le aiga e aunoa ma se totogi.