E Masalosalo ae Saʻiliʻili Pea

NA TUSI atu i le ofisa o le lālā a Molimau a Ieova i Slovenia, se tamāloa e faapea na papatisoina o ia o se Katoliko Roma, ma sa ia talosaga atu ai: “Faamolemole auina mai mo aʻu se kopi o le polosiua O le ā e Manaomia e le Atua Mai ia i Tatou? Ou te fia maua foʻi ni faamatalaga i se auala e mafai ai ona aumaia e lē aunoa i loʻu fale le mekasini o le Ala Mai!”

Na faapea atu le tamāloa: “Ou te faamoemoe e tou te lē toʻatamaʻi i laʻu tala lenei. Sa tele lava ina ou masalosalo e tusa ai o lotu, peitaʻi ina ua ou faitauina le Ala Mai!, na matuā oʻu teʻi lava ona sa aunoa ma se agaga fia pulepuletutū na atagia mai ai, ae sa faamatalaina mataupu i se auala e tuusaʻo ma aogā.” Ona ia faasino atu lea i se mekasini faalelotu ua lauiloa ma faapea mai, ua matuā faavaleaina ai lava mafaufau o tagata.

Na faamatala e le tamāloa le māfuaaga na ia lē faatumuina ai le kuponi o i le pito i tua o le Ala Mai! e talosaga ai mo se polosiua o le Manaomia, ae ua ia filifili e tusi atu lava o ia. Na ia faapea atu: “Sa ou lē manaʻo e faamatagā le Ala Mai! Sa ou manaʻo e teu atoa lelei le mekasini!”

O le polosiua e 32 ona itulau, O le ā e Manaomia e le Atua Mai ia i Tatou? o loo iai lesona e 16. Ua faailoa mai i nei lesona, aʻoaʻoga faavae a le Tusi Paia, ma aumaia faamatalaga mai le Tusi Paia e faaalia ai mea e manaʻomia ona tatou faia ina ia finagalo malie mai le Atua ia i tatou. Pe afai e te fia maua foʻi se kopi o lenei polosiua, ia faatumu le kuponi o loo pipii atu i lenei itulau, ona meli mai lea i le tuatusi lena e i le kuponi po o se tuatusi talafeagai lea o loo lisi atu i le itulau e 5 o lenei mekasini.

□ Auina mai mo aʻu se kopi o le polosiua O le ā e Manaomia e le Atua Mai ia i Tatou?

□ Faamolemole faafesootaʻi mai aʻu e tusa ai ma le faia o se suʻesuʻega faale-Tusi Paia i le aiga e aunoa ma se totogi.

[Ata i le itulau 32]

113 miliona kopi 240 gagana