Pe E Te Silafia?

(O tali i nei fesili e mafai ona maua i mau o loo taʻua i le Tusi Paia, ma o le lisi atoa o tali, o loo lomia i le itulau e 27. Mo nisi faamatalaga faaopoopo, suʻe i le lomiga o le “Insight on the Scriptures,” lomia e le Watchtower Bible and Tract Society of New York, Inc.)

1. O le ā le taʻu o le faamasinoga maualuga a Iutaia? (Galuega 5:27, NW)

2. E pei ona faasino mai e le aposetolo o Ioane, o le ā le vaitaimi e faataulauina ai e Iesu nisi o mea e tusa ai ma le fuafuaga a le Atua? (Faaaliga 1:10)

3. O ā auupega e tolu na iā Koliata ina ua sau e tau ma Tavita? (1 Samuelu 17:45)

4. O ai le avā a Hosea? (Hosea 1:3)

5. O ai na iloaina ua sosola tagata Suria ia na siʻomiaina Samaria? (2 Tupu 7:3-5)

6. O le ā le mea na tuuina atu e le tupu o Asueru i lana pulega uma, i le taimi na filifilia ai Eseta e avea ma ana masiofo? (Eseta 2:18)

7. O le ā na fetalai mai ai Ieova sa lē lelei mo Atamu ina ua mavae ona foafoaina o ia? (Kenese 2:18)

8. O le ā na faatonuina e Ieova Iosua e fai i solofanua a fili o Isaraelu, lea na faalaeiauina ai Isaraelu ina ia faalagolago iā Ieova mo le puipuiga? (Iosua 11:6)

9. O le ā e mafai ona liliueseina ai le ita? (Faataoto 15:1)

10. Aiseā na tusia ai faatomuaga e amata ai le tele o salamo? (Salamo 3-9)

11. O le ā le faaupuga na faaaogā e Iopu e faaalia manino ai na toetoe lava a aunoa ma se mea na sao mai ma ia? (Iopu 19:20)

12. O le fale o ai na iai Iesu ina o tuuaʻia o ia e le ʻautusiupu ma le ʻau Faresaio, ona o le aai ma inu faatasi ma le ʻauaolafoga ma ē agasala? (Luka 5:29, 30)

13. O le ā le vaega o manu sa faaaogā e osi ai taulaga sa faasāina i le Tulafono a Mose ona ʻai? (Levitiko 7:23-25)

 Tali i Fesili

1. Le ʻau Saniterini

2. “O le aso o le Alii”

3. O se pelu, se tao ma se tao leoleo

4. O Komeri

5. O lepela e toʻafā

6. O aso mālōlō

7. ‘⁠E le lelei ina toatasi  o ia’

8. E vaea uaua o vae o a latou solofanua, ma susunu o latou kariota i le afi

9. O se tali filemu

10. Ina ia faailoa ai le tusitala, ma saunia faatonuga tau musika, ma saunia faamatalaga i le māfuaaga po o le fuafuaga o le salamo

11. O “le paʻu o oʻu nifo”

12. I le fale o Levi po o Mataio

13. O le gaʻo