“Ua Soona Toʻatele Naʻuā le Lalolagi”—Pe e Iai ea se Vaifofō?

I le 1960, na oo ai le faitau aofaʻi o le lalolagi atoa i le tolu piliona. E oo mai i le tausaga e 2000, ua faaluaina lena faitau aofaʻi. E tusa ai ma le faamatalaga i le nusipepa o le Vancouver Sun: “O le tai fanaʻe o le fanau tama i tagata, ua matuā faateteleina i le lima pepe fou e fananau mai i totonu o le sekone e tasi.” Ua iai nei i le lalolagi ia le 23 aai tetele ua matuā faatoʻateleina, ua sili atu ma le 10 miliona tagata e ʻaināina, ma o le fua faatatau e oo atu i le tausaga e 2025, ua oo le faitau aofaʻi o le lalolagi, i le sefulu piliona!

Ua faaalia e saienitisi le popole ona o le matuā mafatia o le a oo i ai le ekositema po o le ola o meaola i le lalolagi ua lamatia ona o lea faatuputupulaʻia. E manaʻomia e tagatanuu taʻitoʻatasi o le lalolagi ia meaʻai, vai, ma ni fale, ma a o faatuputupulaʻia le faitau aofaʻi o tagata, ua faateleina ai foʻi mea e manaʻomia mo le faaaogāina, faapea ma otaota. O le luʻi ua tulaʻi mai o le taumafai lea e taofiofia le lē pulea o le soona faatuputupulaʻia o aai tetele. E tusa ai ma le faamatalaga a le Sun, o nei aai tetele, ‘ua avatu uma i ai alamanuia mai nuu i tua ae ua aumaia ai le tele o otaota oona.’

Po o iai ea se vaifofō i le tulaga ua faaupuina e faapea “ua soona toʻatele naʻuā lalolagi?” E fiafia lava ona ua folafola mai e le Tusi Paia e faapea, o le a faalaa mai le Atua i mataupufai a tagata. Ia aʻoaʻo ina ia iloa le auala o le a ia faia ai lenei mea ma po o le ā le iʻuga o le a iʻu i ai. E mafai ona e faia faapea e ala i lou mauaina o le tusi, Le Poto e Taʻitaʻia ai i le Ola e Faavavau. Ua matou valaaulia oe ina ia e talosagaina se kopi o lenei tusi e ala i le faatumuina o le kuponi o loo i lalo ma aauina atu i le meli i le tuatusi o loo iai po o se tuatusi talafeagai o loo lisiina atu i le itulau e 5 o lenei mekasini.

□ Ia aauina mai iā te aʻu se kopi o le tusi, Le Poto e Taʻitaʻia ai i le Ola e Faavavau.

□ Faamolemole faafesootaʻi mai aʻu mo se suʻesuʻega faale-Tusi Paia e faia e aunoa ma se totogi.