‘⁠E Aʻoaʻo ai ma Iloa ai Mea’

O upu o i luga, o le auala lenā na faamatala ai le Ala Mai! e se tamāloa e 26 tausaga le matua e nofo i Laufanua Maualuluga o Papua Niu Kini.

I se tusi na avatu i le ofisa o le lālā i Papua Niu Kini, na ia tusi atu ai e faapea: “Ou te faamālō atu iā te outou ona o le lomiaina o nei mataupu o mea moni matagofie e aʻoaʻo ai ma iloa ai mea i la outou mekasini lauiloa o le Ala Mai!” Na faamatala e le tamāloa e faapea: “E ui lava e lē o aʻu o se tasi o le faatuatuaga o Molimau a Ieova, ae ou te matuā fiafia lava e faitau atoa kopi o le mekasini o le Ala Mai! ia sa ou nonōina mai i aʻu uō. . . . O taimi uma lava ou te faitauina ai se kopi, e oo ai lava iā te aʻu se lagona ou te fia tusi atu e faamālō iā outou taumafaiga aogā. Ae a ou taumafai e tusi atu, ae toe taunuu mai foʻi se isi kopi ma lē mafai ai lava ona fai atu laʻu tusi.”

Na faaiʻu mai lenei tagata fiafia e faitau e faapea: “E tusa ai ma loʻu manatu, e matuā tāua moni lava le Ala Mai! i so o se tagata faitau. Ou te matuā faafetai tele atu ai lava mai le taʻele o loʻu loto.”

Ua saunia e le Ala Mai! faamalamalamaga i le tele o mataupu. O le mea e sili ona tāua, ona e mafai ona ati aʻe ai le mautinoa i folafolaga a Lē na Foafoaina Mea e uiga i se lalolagi fou filemu lea o le a suia lenei faiga o mea o loo iai nei.

Ua faamatilatila mai i se polosiua e 32 itulau, O le ā e Manaomia e le Atua Mai ia i Tatou? lenā fuafuaga a le Atua, ua saunia ai faamatalaga mai le Tusi Paia e faaalia ai le mea e manaʻomia ona tatou faia ina ia maua ai lana faamaoniga. E mafai ona e talosagaina se kopi o lenei polosiua e ala i le faatumuina o le kuponi lenei ma lafo atu i le meli i le tuatusi o loo faaalia i le kuponi po o se tuatusi talafeagai o loo lisiina atu i le itulau e 5 o lenei mekasini.

□Auina mai mo aʻu se kopi o le polosiua, O le ā e Manaomia e le Atua Mai ia i Tatou? Faailoa mai le gagana

□Faamolemole faafesootaʻi mai aʻu e tusa ai ma le faia o se suʻesuʻega faale-Tusi Paia i le aiga e aunoa ma se totogi.