Pe E te Silafia?

(O tali i nei fesili e mafai ona maua i mau o loo taʻua i le Tusi Paia, ma o le lisi atoa o tali, o loo lomia i le itulau e 24. Mo nisi faamatalaga, suʻe i le lomiga o le “Insight on the Scriptures” ua lomia e Molimau a Ieova.)

1. Aiseā ua tautala ai Isaia i le lafoina o tupua auro ma tupua ario i peʻa i le aso o Ieova? (Isaia 2:20)

2. Aiseā na faatonuina ai tagata Isaraelu e aua neʻi seleseleina uma o latou pito fanua? (Levitiko 19:9)

3. I le tulafono Faa-Mose, o le ā na manaʻomia ona faia e se tagata pe afai e lavea iā te ia le mata pe paʻū ese ai le nifo o lana auauna? (Esoto 21:26, 27)

4. O le ā le taimi faatoʻā mafai ai ona tuua e se tagata fasioti tagata le aai o le sulufaʻiga? (Numera 35:25)

5. O le ā le umi o le taimi na va ai le taimi na tatalo atu ai Konelio i le Atua ma le taimi na taunuu atu ai Peteru e vaai o ia? (Galuega 10:30-33)

6. O le ā le gaoioiga na taʻua e Paulo e tatau ona faia i “e faatupu fevaevaeaiga, ma mea e tausuai ai”? (Roma 16:17)

7. O le ā le mala na faaoo mai e Satani i le tino o Iopu ina ua ia taumafai e faaluafesasi lona faamaoni? (Iopu 2:7)

8. O fea le nofoaga na iai tagata Isaraelu ina ua latou muaʻi mauaina le manai ma tausia ai le tulafono o le Sapati? (Esoto 16:1)

9. O le ā le auala na fasiotia ai e Euta le Ekelona le tupu o Moapi? (Faamasino 3:16)

10. O le ā le itumalo o Roma lea na faatūina ai ekalesia e fitu ia na auina atu i ai e Ioane feʻau? (Faaaliga 1:4)

11. O le ā e masani ona faatusaina i ai Iesu, ma aiseā? (Ioane 1:29)

12. O le ā le upu e faaaogā mo vai e tele o le lalolagi lea e faaeseese ai ma le laueleele? (Sapakuka 2:14)

13. O le ā le mea na faaaogā e Noa e puluti ai le vaa mai le sao atu i ai o le vai? (Kenese 6:14)

14. O le ā le mea na tupu i le lagi ina ua mavae le nofo tupu o Keriso? (Faaaliga 12:7)

15. O ai soo e toʻalua ia na auina atu e Iesu e sauniunia le faamanatuina o le Paseka? (Luka 22:7-13)

16. O le ā le manu na valoiaina le tiʻetiʻe ai o Iesu ma le manumalo i Ierusalema? (Sakaria 9:9)

17. Na poloaʻia ē e paiē ina ia faataʻitaʻi i ala o le ā le iniseti? (Faataoto 6:6)

18. O le ā na iʻu i ai ina ua faaaogā e Peteru lana pelu ina ua ia taumafai e puipuia Iesu? (Ioane 18:10)

19. O le ā le iniseti na taumafai ma le faaeteete Faresaio e faamamāina ese mai ina ia lē faaleagaina ai faaletapuaʻiga? (Mataio 23:24)

20. O ai na taʻua na sili lona faatāuaina o ona atalii na i lo o Ieova? (1 Samuelu 2:22, 29)

 Tali i Fesili

1. Talu ai ua tatau mo na atua se nofoaga pogisa ma le lē mamā na i lo o se nofoaga e mamalu ma tāua

2. Ina ia iai ni mea e seleseleina e tagata mamaʻi ma tagata ese

3. Ia faasaʻoloto le auauna

4. Pe a maliu le ositaulaga sili

5. Fā aso

6. Ia mataʻitūina ma taumamao ese mai iā i latou

7. Na ia taia Iopu i se maʻi papala leaga e aofia uma ai lona tino

8. I le vao o Sina

9. O se pelu e faataumaʻai itu

10. Asia

11. O se tamaʻi mamoe. Ona o le matafaioi faaletaulaga a Iesu

12. Sami

13. Pulu

14. O le taua lea na iʻu ina lafoeseina ai Satani mai le lagi

15. Peteru ma Ioane

16. O se asini

17. O le loi

18. Na ia tipiesea ai le taliga o Maliko le auauna a le ositaulaga sili

19. O le namu

20. O Eli le Ositaulaga Sili