Pe E te Silafia?

(O tali i nei fesili e mafai ona maua i mau o loo taʻua i le Tusi Paia, ma o le lisi atoa o tali, o loo lomia i le itulau e 31. Mo nisi faamatalaga, suʻe i le lomiga o le “Insight on the Scriptures” ua lomia e Molimau a Ieova.)

1.Aiseā e sesē ai i se tagata ona taumafai e tauimasui atu mo ia po o isi? (Roma 12:19)

2.Aiseā e faasāina ai e Ieova le tapuaʻia o faatusa? (Isaia 42:8)

3.Na faapefea ona manatu Iesu i lona tofiga i le lalolagi mai le Atua? (Ioane 4:34)

4.O fea na faauuina ai Tavita e fai ma tupu, ma faia aʻe ai lona aai a o leʻi siitia atu i Ierusalema? (2 Samuelu 2:1-4)

5.E tusa ai o le faamatalaga a Ioane, o le ā le maatāua na faaata mai e le nuanua lea na siʻomia ai le nofoalii o Ieova? (Faaaliga 4:3)

6.O fea le isi nofoaga e mautinoa na nofo ai Paulo ina ua aveina o se pagota i Roma? (Galuega 28:13)

7.O le ā le taʻu faafatusolo na faasino atu e Ieremia iā Ierusalema ina ua ia vavaloina atu ma le faanoanoa lona faaumatiaga? (Auega 2:2)

8.O ai le tupu lea na gaoioi faatagā valea ai Tavita ona o le mataʻu? (1 Samuelu 21:12-15)

9.Aiseā na avea ai o se agasala matuiā le gaosia pe e faaaogā e le tagata lava ia o le suauu e faauuina ai, lea na fetalai atu ai Ieova iā Mose? (Esoto 30:31-38)

10.O ai le soo lea na ‘matuā feeseeseaʻi ai’ Paulo ma Panapa ma iʻu ina ō eseese ai i laʻua? (Galuega 15:36-41)

11.E tusa ai o le Ioane 3:16, o le ā le faavae e maua ai e se tasi le ola e faavavau?

12.O le ā le taʻu na faasino atu i ai Kerisiano o le uluaʻi senituri mo uso talitonu? (3 Ioane 14, LT)

13.O ai lea na mātauina i lana momoʻe e avatu le tala iā Tavita? (2 Samuelu 18:27)

14.Aiseā na lē faatagaina ai Mose e ulu atu i le Nuu o le Folafolaga? (Numera 20:7-12)

15.O ai lea na iloa lelei i le aveina “ma le soona teleaʻi” o lana kariota? (2 Tupu 9:20)

 Tali o Fesili

1.Auā ua fetalai mai Ieova: “O iā te aʻu le taui ma sui, ou te taui atu”

2.Ua na o ia e tatau i ai le tapuaʻiga, le viiga, ma le mamalu

3.Sa pei o se meaʻai iā te ia

4.Heperona

5.Samaraki

6.Puteoli

7.“Tama fafine a Iuta”

8.Akisa, le tupu o Kata

9.Na vaai i ai e paia, e faailoa ai le tāua ma le paia o mea e faatulaga e Ieova

10.Mareko

11.O le faatuatua iā Keriso

12.Aumea Mamae

13.Aimaasu

14.Na gaoioi o ia ma le mateletele ma lē taulau ai ona viia le suafa o Ieova ina ua saunia le vai mo tagata Isaraelu

15.Ieu