“E Tatau Ona Ou Iloa Atili”

I LE tausaga ua mavae na tusi mai ai se fafine e faapea: “O ananafi, na ou maua mai ai i le meli le polosiua lea na ou talosagaina, O le ā e Manaomia e le Atua Mai ia i Tatou?” Sa ia faamatala mai e faapea, muamua atu, na ia maua ai ni faasilasilaga se lua o le polosiua. Na faapea mai o ia: “Sa ou faatalitali lava ma le naunau i le taimi e taunuu mai ai, auā ina ua uma ona ou faitauina le faasilasilaga, sa ou iloa ai, e tatau ona ou iloa atili. Ina ua ou maua le polosiua, sa ou faitauina loa lava. E matuā talafeagai mea uma o loo iai i la outou polosiua ma o loo faavae mai i le Tusi Paia.”

Na ia faaiʻu mai e faapea: “Ua ou lagona e tatau ona ou faia loa se gaoioiga e tusa ai ma mea na ou faitauina.”

E matou te talitonu, o le a e maua ai foʻi e oe aogā mai le faitauina o le polosiua e 32 itulau, O le ā e Manaomia e le Atua Mai ia i Tatou? E lē gata i le lesona faatupu manatu o loo iai, ae o le a e maua ai foʻi isi lesona e aofia ai “O Ai Iesu Keriso?” “O Ai le Atua?,” “O le ā le Fuafuaga a le Atua mo le Lalolagi?,” ma “O le ā le Malo o le Atua?” Afai e fia talosaga sau kopi, ia faatumu le kuponi lenei ma aauina atu i le meli i tuatusi o loo taʻua i inei po o se tuatusi talafeagai o loo lisiina i le itulau e 5 o lenei mekasini.

□ Auina mai ia te aʻu se kopi o le polosiua, O le ā e Manaomia e le Atua Mai ia i Tatou?

□ Faamolemole faafesootaʻi mai aʻu mo se suʻesuʻega faale-Tusi Paia i le aiga e aunoa ma se totogi.