Pe E te Silafia?

(O tali i nei fesili e mafai ona maua i mau o loo taʻua i le Tusi Paia, ma le lisi atoa o tali o loo lomia i le itulau e 31. Mo nisi faamatalaga suʻe i le lomiga o le “Insight on the Scriptures” ua lomia e Molimau a Ieova.)

1. I le miti a le Tupu o Nepukanesa, o le ā sa fai mai ai le agelu o le a tuuina atu i le laau telē lea sa tatuu i lalo, ma o le ā sa uiga iai lenei mea? (Tanielu 4:16)

2. O le ā sa ofoina atu e Samasoni i tagata Filisitia i le tausamaaga o lana faaipoipoga, lea na avea mulimuli ane o se aso na ia fasiotia ai le 30 o tagata Filisitia i Asekelona? (Faamasino 14:12-19)

3. Ona o le lē mafai ona suia o le tulafono, o ai le taʻitaʻi o Papelonia lea na faamalosia ina ia lafoina Tanielu i le lua o leona? (Tanielu 6:9)

4. E toʻafia eunuka na auina atu e le tupu o Asueru e aami le masiofo o Vasati i ona luma ina ia faaali atu lona lalelei? (Eseta 1:10)

5. E pei ona taʻua e Iakopo, o ā mea e lua e faafinagaloina e le Atua i le “amio Atua e lelei ma le faamaoni”? (Iakopo 1:27)

6. Afai e lē manaʻo se pologa Eperu e saʻoloto mai lona matai, o le ā e ao ona fai e le matai? (Esoto 21:6)

7. O ai atalii e toʻalua o Eliapo le sā Reupenā na lagolagoina Koru i lona faasagatau atu iā Mose ma Arona? (Numera 16:1-3)

8. O ā mea e faamatagā ai le tino sa faasāina mo le fanauga a Isaraelu? (Levitiko 19:28)

9. O ai le tinā o Esekia le tupu? (2 Tupu 18:2; 2 Nofoaiga a Tupu 29:1)

10. E tusa ai ma upu a Solomona, o ā “mea uma lava i lalo o le lagi”? (Failauga 3:1)

11. O le ā sa faatonuina e Ieova Ieremia e fai ina ua susunuina e le tupu o Ioakima le tusi tāʻai ina ua uma ona ia faalogo i nisi o mea e taʻusalaina ai? (Ieremia 36:27-32)

12. O ai sa lauiloa i le avea ma ositaulaga ma se tusiupu poto? (Neemia 8:9)

13. Aiseā na mumusu ai atalii o Iakopo e ō ina ua fai atu lo latou tamā e toe foʻi i Aikupito e faatau mai nisi meaʻai i le taimi o le oge? (Kenese 43:1-5)

14. O le ā le auala na faia ai Atamu ‘i le faatusa o le Atua’? (Kenese 5:1)

15. O le ā le laulaau e malosi lona manogi sa faaaogāina e Iesu e faamatala ai le faamalosia e le ʻau Faresaio o le faia o sefuluaʻi, ae teena le “mea silisili o le tulafono”? (Mataio 23:23)

16. Sa faapefea ona tofotofoina e Ieremia le faatuatua o le ʻau sa Rakapā? (Ieremia 35:3-6)

17. Sa faapefea ona faasesēina e uso e toʻa sefulu o Iosefa lo latou tamā o Iakopo i le faapea atu iā te ia o Iosefa ua ʻaina e se manu feʻai? (Kenese 37:31-33)

18. E ui lava e iai nisi tagata e tino ese, ae o ai le tagata e aupito sili ona tino ese o loo taʻua i le Tusi Paia? (1 Samuelu 17:4)

19. I luga o ai le mauga lea na maliu ai Mose, ina ua māeʻa ona vaai i le Nuu Folafolaina? (Teuteronome 32:49, 50)

20. O fea sa faasaga i ai le fale fetafaʻi ma malumalu na mulimuli mai ai? (Numera 3:38)

 Tali i Fesili

1. “O le loto o le manu.” Lea na suia ai le mafaufau ma amio o Nepukanesa e pei o se manu”

2. O se tupua

3. Tariu

4. E fitu

5. “O le tausiaina lea o tamaiti ua mātua oti ma fafine ua oti a latou tane, ma ia taumamao ese mai faiga a le lalolagi”

6. E taʻitaʻiina o ia i se puipui po o se pou o le faitotoʻa ona “tui lea . . . o lona taliga i le au”

7. Tatano ma Apiramo

8. Peʻa

9. Avi

10. “O le mea ma lona tausaga”

11. Ina ia toe tusia se isi tusi fou e umī atu

12. Esera

13. Ona sa taʻu atu e le taʻitaʻi o Aikupito iā i latou e aua nei toe foʻi atu pe a aunoa ma le tama laʻitiiti o Peniamina

14. Ona sa iā te ia le tomai e mafaufau ai ma agavaa e maoaʻe atu na i lo o meafaiola uma i le lalolagi, e pei o uiga o le Atua ma faalogona mo amioga tatau

15 O le mili

16. Na ia tuuina uaina i o latou luma ma faatonuina i latou e feinu, o se gaoioiga e tetee atu ai i le faatonuga a o latou augātamā e aua le faia

17. Na latou fufui le ofu talaloa o Iosefa i le toto o le ʻoti ma faaali atu iā Iakopo

18. Koliata

19. Nepo

20. Sasaʻe