“Na Ou Lagona ai le Pāʻia o Loʻu Loto”

I le tausaga e 1994, na lomia ai e Molimau a Ieova se polosiua e faatatau i le faigatā o le fesagaʻia o le maliu o sē e pele. Talu mai lenā taimi, e toʻatele ua faamāfanafanaina i lea polosiua.

E leʻi leva atu nei ona maua se tusi mai se tasi ua faitau i lea lomiga, e nofo i Pennsylvania, i le Iunaite Setete o Amerika, ma i lona lotofaafetai tele na ia faapea mai ai: “I le taimi muamua na maua ai laʻu polosiua, na ou faapea, ‘E ese le manaia o le tusi.’ Peitaʻi ane, faatoʻā ou talisapaia lava lona tāua ina ua maliu laʻu tama teine i le lua vaiaso ua tuanaʻi. I loʻu mafatia tele ma i le saʻilia o se fesoasoani, na ou faitauina ai loa le polosiua. O le taimi la lea na ou lagona ai le pāʻia o loʻu loto. O loo talanoaina ai mea uma o loo oʻu faanoanoa ai ma aumai ai se faamāfanafanaga mo aʻu.”

O loo iai i le polosiua Pe a Maliu se Tasi e Pele iā te Oe tali o fesili nei: Pe mafai faapefea ona ou onosaia loʻu faavauvau? Pe mafai faapefea ona fesoasoani mai isi? Pe iai ea se faamoemoe mo ē ua maliliu?

Atonu a lē o oe, ia po o se tasi e te iloa, o le a maua ai se faamāfanafanaga i le faitauina o lenei polosiua e 32 ona itulau. E mafai ona e talosaga mo sau kopi e ala i le faatumu o le pusa o loo i lalo ma lafoina atu i le tuatusi saʻo e maua i le itulau e 5.

□ Lafo mai saʻu kopi o le polosiua Pe a Maliu se Tasi e Pele iā te Oe.

□ Faamolemole faafesootaʻi mai aʻu mo se suʻesuʻega faale-Tusi Paia i le aiga e aunoa ma se totogi.