O se Tusi mo Talavou

Na tusi atu se teine aʻoga mai le iunivesite o Arkhangelsk, i le ofisa o le lālā o Molimau a Ieova i Rusia. Na ia faamatala e faapea na tuuina atu iā te ia se mekasini e se Molimau na la fetaui i le auala. Na ia tusi e faapea: “Na faatupu ai loʻu manatunatu i le olaga ma le mea o loo ou iloa e faatatau i le Atua ma lotu. O lea la ua ou manaʻo nei e suʻesuʻeina le Tusi Paia. Ua ou fia malamalama atili e faatatau i lē na tuuina mai lona ola mo a tatou agasala ma faaolaina ai i tatou, e ui e na te lē iloa i tatou.”

Ua faaauau faapea lana tusi: “O loo outou faia se galuega o loo sili ona manaʻomia, aemaise lava le faamatalaina i tamaiti o le eseesega o le lelei ma le leaga. Auā foʻi, ua pei i latou o ni omomi, e latou te mitiia mea uma e latou te faalogo ma vāai i ai, ma suia ai o latou uiga.” E iai le uso ma le tuagane o lenei teine e taufai laiti iā te ia, ma na ia talosagaina le tusi, Fesili ua Fesili Mai ai Talavou—Tali e Aogā. Ua faapea mai o ia: “Ou te faamoemoe o le a fesoasoani iā i laʻua i le aʻoga, faapea ma le olaga.”

E mafai foʻi ona maua sau tusi. O lenei tusi ua fuafuaina faapitoa e fesoasoani i talavou e tusa ai o faafitauli o loo latou fesagaʻia i nei aso. Faatumu le kuponi ma meli atu i le tuatusi o loo iai i le kuponi po o le tuatusi talafeagai o loo i le lisi o tuatusi i le itulau e 5 o lenei mekasini.

□ E fia maua saʻu tusi Fesili ua Fesili Mai ai Talavou—Tali e Aogā.

□ Faamolemole faafesootaʻi mai aʻu mo se suʻesuʻega faale-Tusi Paia e aunoa ma se totogi.