Pe E te Silafia?

(E maua tali o fesili nei i mau o le Tusi Paia o loo siiina atu, ma o loo i le itulau e 27 ia tali. Mo nisi faamatalaga faaopoopo, ia tagaʻi i le tusi ua lomia e Molimau a Ieova, “Insight on the Scriptures.”)

1. O lē fea malo na pulea e Kuresa, Tariu, Asueru, ma Aretaseta? (Esera 4:5-7)

2. I lana tala faatusa e tusa i le tele o le malosi o loo iai i le laulaufaiva e pulea ai le tino atoa, o le ā na faatusaina i ai e Iakopo le laulaufaiva? (Iakopo 3:3, 4)

3. O ai le uluaʻi tagata na faaaogāina le suafa o le Atua? (Kenese 4:1)

4. O fea o tusia ai igoa o i latou uma e faatuatua ma faamaoni iā Ieova? (Faaaliga 20:12)

5. O lē fea meaola e fetaui i ai faamatalaga e faatatau i le Leviatana lea o loo i le Iopu 41:1-34?

6. O le ā na faia e le masiofo o Vasati, lea na ita ai le tupu o Asueru, ma faateʻa ai iā te ia? (Eseta 1:12, 19)

7. O ai o tane e 12 ia na auina atu e Mose e asiasi i le nuu o Kanana, na foʻi mai ma se tala lelei? (Numera 14:6-8)

8. O le ā le umi e saisaitia ai Satani i le tō e lē gata? (Faaaliga 20:1-3)

9. O le ā na faaaogāina e Elia e faauuina ai Elisaia e avea ma ona sui? (1 Tupu 19:16, 19)

10. Ina ua luʻia le pule a Mose ma Arona, na faapefea ona faailoa mai e Ieova, na filifilia Arona ma lona aiga e tuu i ai le faiva faaositaulaga? (Numera 17:1-11)

11. O ai na folafola muamua e Saulo e avatu iā Tavita e fai ma ana avā? (1 Samuelu 18:17-19)

12. O le ā le ituaiga tali e “liliueseina ai le ita”? (Faataoto 15:1)

13. E pei ona taʻua e Iesu, o ai na fetalai o le a “tino e tasi” le tane ma lana avā? (Mataio 19:4-6)

14. Ina ua molia e tagata Iutaia Paulo e faapea ua ia tataʻi ese tagata i se isi lotu e tapuaʻi ai i le Atua, o ai na soloia lea mataupu i le faapea atu e lē o solia ai se tulafono a Roma? (Galuega 18:12-16)

15. I le talafaatusa a Iesu e tusa o se alii na tuua lona aiga e saʻili “sona ao e fai ai o ia ma tupu,” o le ā na ia tuuina atu i auauna? (Luka 19:12-24)

16. O lē fea masina na māeʻa ai ona fausia e Solomona le malumalu i Ierusalema? (1 Tupu 6:38)

 Tali o Fesili

1. Peresia

2. O se foeuli itiiti o se vaa telē

3. Eva

4. “O le tusi o le ola”

5. O le korokotaila

6. Na musu lava o ia e oo atu i luma o le tupu

7. O Iosua ma Kalepo

8. 1,000 tausaga

9. O lona ofu tele

10. I tootoo o alii sili uma o ituaiga e 12 o Isaraelu, e na o le tootoo o Arona na matala mai fuga ma fua mai ai sekati matutua

11. O lona afafine ulumatua o Merapa

12. O le tali filemu

13. O le Atua

14. O Kaliona le suikonesula i Akaia

15. O mina

16. O le masina o Pula, o lona valu lea o masina o le kalena paia