O se Tusi e Aogā

TALU ai le tele o talavou o loo oofu i ni ofu e matagā ma o ni aʻega mo sina taimi, o se tulaga e faafiafiaina ai le vaai atu o loo iai ni talavou o loo taumafai ina ia onomea o latou laʻei. I Balykchy, o se aai i Kyrgyzstan, lea sa avea muamua ma malo o le Soviet Union, na iai ni talavou na mananaʻo e puʻeina so latou ata i ituaiga o lāʻei o loo vaaia i le faavaa o le tusi Fesili ua Fesili Mai ai Talavou—Tali e Aogā. Na ō atu talavou i se tagata puʻeata ma talosagaina so latou ata ia pei o le ata o loo iai i le faavaa o lea tusi. O loo faaalia i lalo lo latou ata na puʻeina.

Ina ua māeʻa le puʻega ata, ona tuu lea e le ʻautalavou o le tusi i le puʻeata. E leʻi faaalia sona naunau tele ona o le taimi lea e leʻi talitonu ai o ia i le Tusi Paia. Ae ina ua foʻi atu le ʻautalavou i ni nai aso mulimuli ane e aumai lo latou ata, na ia taʻu atu faapea, na te leʻi faitau lava i se tusi faapea i lona olaga. Na ia taʻua lona lē iloaina le iai o nei fautuaga aogā i le Tusi Paia, ma na ia fia iloa atili. O le iʻuga la, ua amata sana suʻesuʻega o le Tusi Paia.

E mafai foʻi ona maua sau tusi faapea. Ua fuafuaina faapitoa lava lenei tusi ina ia fesoasoani i talavou e tusa ai o faafitauli o loo latou feagai ai i nei aso. Ia faatumu le kuponi o loo i lalo ma lafo atu i le tuatusi o loo iai i le kuponi po o le tuatusi talafeagai o loo i le lisi i le itulau e 5 o lenei mekasini.

□ E fia maua saʻu tusi Fesili ua Fesili Mai ai Talavou—Tali e Aogā.

□ Faamolemole faafesootaʻi mai aʻu mo se suʻesuʻega faale-Tusi Paia e aunoa ma se totogi.