“O le Tali i se Tatalo”

O le faamatalaga lenā a se tinā e iai sana tama tama e iva tausaga, ina ua maua le tusi Ia Faalogo i le Faiaʻoga Sili i le tauaofiaga itumalo a Molimau a Ieova i Aialani. “Na maligi oʻu loimata!” o lana faamatalaga lea ma lona ofo tele. “Sa sili ona ou manatu i ai o se faamanuiaga ona, o le vaiaso lava lea na teʻa nei, na ou lē iloa ai po o le ā o le a ma suʻesuʻeina ma laʻu tama.”

Fai mai lenei fafine, “Sa ou tatalo atu iā Ieova ina ia fesoasoani mai iā te aʻu ia aʻoaʻo o ia i upu moni loloto o le Tusi Paia i se auala faigofie e fiafia o ia i ai, ae ua ou lē iloa po o fea o le a amata ai. O le mauaina o lea tusi ua iai ni ata mananaia, ua avea lea ma tali i laʻu talosaga.”

E faapena foʻi se tusi na maua mai i se tinā i Kalifonia, i Amerika, e toʻalima ni ona alo. Ua fai mai o ia, “Ina ua uma le tauaofiaga ae matou foʻi atu i le faletalimālō, na ou mātauina ai laʻu fanau pito i laiti e toʻatolu o faitau, ma matamata, ma talanoa i mea o loo latou fiafia ai i le tusi Ia Faalogo i le Faiaʻoga Sili.”

Na ia taʻua: “E uiga ese le fiafia ua ou lagona ona o lenei meaalofa mai iā Ieova, ua pei o le fanau mai o se pepe fou, po o se faaipoipoga, po o se papatisoga, o se faaeaga sili lea ua maua mai Lē na Foafoaina le vateatea. O nisi taimi, ou te mautinoa ai o o tatou loimata o le olioli, ua faailoa atu ai i lo tatou Tamā alofa o Ieova le mea e lē mafai e upu ona faamatalatalaina.”

Atonu o le faalogona foʻi lenā e oo iā te oe pe a e matamata ma suʻesuʻeina lea tusi e mananaia ona ata, e 256 itulau, ma e tutusa lona telē ma lenei mekasini. E mafai ona maua sau kopi e ala i le faatumu o le kuponi ma meli mai i le tuatusi o loo i lalo po o le tuatusi talafeagai o loo i le itulau e 5 o lenei mekasini.

□ Ou te talosagaina saʻu tusi Ia Faalogo i le Faiaʻoga Sili.

□ Faamolemole faafesootaʻi mai aʻu mo se suʻesuʻega faale-Tusi Paia e aunoa ma se totogi.