Pe a Oti se Tasi o le Fanau

▪ Ua sili ona faigatā le oti o se tamaitiiti, aemaise lava i ona mātua. O se tinā na maliu lana tama tama e 16 tausaga i se taavale na lavea ma mū ai, ua fai mai o ia ma le faanoanoa: “E lē o tuu mai e le Atua i tatou e sui i a tatou fanau, ma e na te lē o tuu mai foʻi e tatou te feoti faatasi ma a tatou fanau.”

Ae e lē faapea ai ua leai se faamoemoe o lenei tinā, ona ua ia fai mai: “Ua taʻu mai e le Atua le mea moni e tupu pe a oti, ma ua aogā lea iā i maʻua ma laʻu tane ia lē lagona ai le ita pe aunoa ma se mafaufau lelei.” Na ia faailoa mai e “lē o le Atua ua māfua ai lenei mea i la ma tama, ae o lana fuafuaga, ia toe tutū mai i latou o feoti i se lalolagi parataiso. E pei o loo ma vāai atu faalemafaufau o loo ola pea ma le malosi ma fiafia la ma tama faatasi ma ana uō ma le aiga.”

O lea la, e ui ina iā i laʻua se faamoemoe mautinoa i le folafolaga a le Atua e tusa o le toe tū, ae o loo la manaʻomia pea se faamāfanafanaga, ma ua maua e lenei tinā lea faamāfanafanaga mai i ana uō e toʻatele. Ua ia fai mai: “O le tele o manatu mai le Tusi Paia ma galuega alofa ua fai mo i maʻua, o loo taʻua i le polosiua Pe a Maliu se Tasi e Pele iā te Oe. Na ma faalaeiau tagata uma e ma te masani ai ia faitau i ai ona malamalama ai lea i le lagona faanoanoa lea o loo iā i maʻua, ma o le a iai pea mo se taimi.”

Atonu o oe po o se tasi e te iloaina o le a mafai ona maua le faamāfanafanaga e ala i le faitauina o le polosiua Pe a Maliu se Tasi e Pele iā te Oe. E mafai ona maua sau kopi e ala i le faatumu o le kuponi o loo i lalo ma lafo mai i le tuatusi o lou vaipanoa o loo i le itulau e 5 o lenei mekasini.

□ Faamolemole lafo mai saʻu polosiua, Pe a Maliu se Tasi e Pele iā te Oe.

□ Faafesootaʻi aʻu mo se suʻesuʻega faale-Tusi Paia e leai se totogi.