Fesoasoani Auā le Puipuia o a Tatou Fanau

I le tausaga ua tuanaʻi, na tusi mai ai se fafine mai Virginia i le Iunaite Setete e faaali mai lona talisapaia o le tusi Ia Faalogo i le Faiaʻoga Sili, ma faapea mai: “A o leʻi momoe le fanau a laʻu tama i le pō, e latou te fai mai: ‘Faitau mai se tala mai le tusi a Iesu.’ O o latou tausaga e 4, 6, ma le 7, ma e ese le fiafia o tamaiti i tala.”

Na faamatala mai e lea tinā e faapea: “Sa ou faitauina le mataupu 32, o lona ulutala: ‘Le Auala na Puipuia ai Iesu.’ Ou te fiafia tele i le tala ona ina ua uma ona faamatala le auala na puipuia ai Iesu e Ieova, ua aogā le lesona e maua ai e tamaiti auala aogā e puipui ai i latou lava. Ua fai mai le faamatalaga i le tusi: ‘A faapea e taumafai se tasi e taaloalo ai, fai i ai ma le leotele: “Aua! O le a ou taʻuina oe!”’”

I Mekisikō, o se teineitiiti e lima tausaga e igoa iā Petesaita, ua faamatala mai e lona tinā e faapea ua faalua ona la faitauina le tusi o le Faiaʻoga. Ua mātauina e le tinā e faapea: “Ua faasolo ina matuā leaga le lalolagi, ma ua faateteleina omiga o loo feagai ma a tatou fanau. Fai mai laʻu tama e na te talisapaia le faamatalaga i le auala e puipui ai o ia mai faiga leaga, e pei ona taʻua i le mataupu e 32.”

O le tusi Faiaʻoga, ua aogā tele i le faia o lea tulaga. E mananaia tele ona ata, e 256 ona itulau, ma o lona telē e tutusa ma le mekasini lenei. O lesona o loo iai e faavae i aʻoaʻoga a Iesu Keriso, ma ua faigofie ona faamatalaina, ae o mataupu o loo talanoaina, e mo tagata uma. E mafai ona maua sau kopi e ala i le faatumu o le kuponi o loo i lalo ma lafo mai i le tuatusi o lou vaipanoa o loo i le itulau e 5 o lenei mekasini.

□ Faamolemole lafo mai saʻu tusi Ia Faalogo i le Faiaʻoga Sili.

□ Faafesootaʻi aʻu mo se suʻesuʻega faale-Tusi Paia e leai se totogi.