“Ua Lē Mafai Loʻu Fia Faitau i Ai”

▪ I le tausaga ua teʻa, na maua ai se tusi fou i tauaofiaga a Molimau a Ieova i le lalolagi aoao, ua fuafua e fai ai suʻesuʻega o aʻoaʻoga autū o le Tusi Paia. O lenei tusi e 224 ona itulau, ua tumu i ata felanulanuaʻi. O le igoa o lenei tusi, O ā Aʻoaʻoga Moni a le Tusi Paia?

Na tusi mai se tasi tagata: “Ua lē mafai loʻu fia faitau i ai. Ua taaofaʻi uma mai e le tusi lenei ia vala lelei o isi tusi muamua ia na faaaogā e fai ai suʻesuʻega.”

Ua fai mai se isi tagata: “O ona itulau taʻitasi, e faalaeiauina ai le tagata e faitau atili i ai. Ou te fiafia foʻi i le auala o loo faamatala ai i le faaiʻuga o mataupu, le isi mataupu o loo sosoo mai. Ua tele vaega ua ootia ai loʻu loto ma maligi ai oʻu loimata. O le tele naʻuā o mea mananaia o lenei tusi, a ou tago e faamaumau, e toe maua ai se isi tusi!”

Ua tusi mai se isi tagata ma lona loto faafetai tele: “O le mea moni, e ese le tāua o lenei tusi i le itu faaleagaga, ma o le a avea o se tusi e sili ona aogā i le aʻoaʻoina o tagata fou.”

Ia talosaga mai mo sau tusi O ā Aʻoaʻoga Moni a le Tusi Paia? Ua maua i gagana e sili atu ma le 140. Faatumu le vaega o loo i lalo ma lafo mai i le tuatusi o lou vaipanoa o loo i le itulau e 5 o lenei mekasini.

□ Faamolemole lafo mai saʻu tusi O ā Aʻoaʻoga Moni a le Tusi Paia?

□ Faafesootaʻi aʻu mo se suʻesuʻega faale-Tusi Paia e leai se totogi.