Fesoasoani mo se Talavou Lē Mautonu

NA MĀTAU e Sibia, o se teine e 13 ona tausaga, se talavou i lana vasega, e masani ona sau i le aʻoga o tagi. Na taumafai Sibia e fesoasoani iā te ia. I se tasi aso na ia faamatala iā Sibia e faapea, o lona tamā e inu ʻava malosi, ma e sauā i lona tinā.

Fai mai Sibia: “Na fai mai o ia ua lē toe fia ola, ua manaʻo e pule i lona ola. Ona e leai se isi e alofa iā te ia ma e na te lagona lava e pei ua tuua toʻatasi. Ae na ou taʻu i ai o loo iai Se Isi e alofa lava iā te ia, ma o Ia e sili ona tāua i le vateatea aoao. Ona ou faamatala lea iā te ia le finagalo o le Atua mo tagata.”

Na ave e Sibia i le teine le tusi Fesili ua Fesili mai ai Talavou—Tali e Aogā, ma amata ona la suʻesuʻe ai i aso taʻitasi i le mālōlōga. Na amata ona tautalatala le teine, ma toē faatasi ma isi. Na ia tusi iā Sibia e faapea: “Faafetai tele mo lou faauō mai ma le malamalama. Ua pei oe o se uso iā te aʻu. Ua ou iloa nei, o loo iai se isi e alofa iā te aʻu, o Ieova lea.”

Atonu o e iloaina se talavou e mafai ona aogā i ai le tusi Ua Fesili Mai Talavou. E 39 mataupu o loo iai, ma o ulutala o nisi mataupu e faapea: “E Faapefea Ona Ou Faia ni Uō Moni?,” “Ae ā Feusuaʻiga a o Leʻi Faaipoipo?,” “E Faapefea Ona Ou Iloa po o se Alofa Moni?” E maua sau tusi e ala i le faatumu o le kuponi o loo i lalo ma lafo mai i le tuatusi o lou vaipanoa o loo i le itulau e 5 o lenei mekasini.

□ Faamolemole lafo mai saʻu tusi e pei ona faaalia i inei.

□ Faafesootaʻi aʻu mo se suʻesuʻega faale-Tusi Paia e leai se totogi.