Mea o Loo Iai i le Toto
E masani ona tui uma vaega o le toto pe a tui le toto o se isi e foaʻi i se isi. Ae i le tele o tagata, ua na o le vaega faasuavaia e faaaogā, ae toe faafoʻi le isi vaega i le tagata. O nisi atunuu, e tui ma faaaogā vaega uma o le toto, ae ua tele lava ina vaevae le toto i vaega autū eseese, ma faia i ai suʻesuʻega, ona faaaogā lea mo togafitiga. Ia mātau mai vaega autū e fā o le toto, lo latou aogā, ma le tele o lea mea i le toto.
VAEGA FAASUAVAIA e tusa ma le 52 i le 62 pasene o le toto. O se suāvai e samasama vaivai, e feaveaʻi ai sela o le toto, polotini, ma isi mea.
E 91.5 pasene o le vaega faasuavaia o le toto e fai mai le vai. O polotini, lea e vavae mai ai vaega ninii o le vaega faasuavaia, e faia ai le 7 pasene o le vaega faasuavaia (e aofia ai albumins, e 4 pasene o le vaega suavaia, globulins, e tusa ma le 3 pasene, ma le fibrinogen, e itiiti ifo ma le 1 pasene). O le 1.5 pasene o loo totoe o le vaega faasuavaia, o loo fai i isi mea aogā, ma homone, ma kasa, o electrolytes, o vaitamini, ma otaota naitorosene.
SELA PAPAʻE o sela papaʻe, e itiiti ifo ma le 1 pasene o le toto atoa. E latou te osofaʻi ma faaumatia siama.
SELA FAATOʻA TOTO o ia sela, e itiiti ifo ma le 1 pasene o le toto atoa. E aogā e tupu ai ʻaluʻalu toto, ma a lavea le tino, e polokaina le tafe ese o le toto.
SELA MŪMŪ o ia sela, e mai le 38 ma le 48 pasene o le toto atoa. E faaolaolaina le tino atoa i le fafagaina i le okesene, ae aveese le ʻea po o le karaponi taiokesaita, ua uma ona faaaogā.
Ua tele vaega ninii e mafai ona vaevae i ai le vaega faasuavaia o le toto, ma e faapena foʻi isi vaega autū o le toto. O se faataʻitaʻiga, o le hemoglobin, o se vaega o sela mūmū o le toto.
[Siata]
VAEGA FAASUAVAIA
VAI 91.5%
POLOTINI 7%
ALBUMINS
GLOBULINS
FIBRINOGEN
ISI MEA 1.5%
ISI MEA AOGĀ
HOMONE
KASA
ELECTROLYTES
VAITAMINI
OTAOTA NAITOROSENE
[Ē Ana le Ata]
Itulau e 17: O mea o loo iai i le toto: Na faatupeina lenei taumafaiga i sona vaega po o le vaega atoa, mai tupe o le National Cancer Institute, National Institutes of Health, i lalo o le konekarate N01-CO-12400. O mea o loo taʻua i lenei lomiga e lē faapea o manatu na o le Matagaluega o Soifua Mālōlōina ma Auaunaga mo Tagata, ma e lē faapea ua talia e le Malo o le Iunaite Setete vai po o vailaau o loo taʻua, ina ia e faaaogāina mo togafitiga
[Pusa/Ata i le itulau 16]
Togafitiga e Sui ai le Tui o le Toto
I le ono tausaga ua tuanaʻi, ua afe ma afe vitiō e faatatau i le toto (Transfusion-Alternative Strategies—Simple, Safe, Effective) ua tufaina e Komiti o Mataupu Tau Falemaʻi a Molimau a Ieova mo ē galulue i falemaʻi, i gagana e tusa ma le 25. * O loo faamatala mai ai e fomaʻi lauiloa togafitiga aogā ua faia nei mo maʻi, e aunoa ma le tuiina o le toto. Ua amanaʻia e nei tagata faamatalaga. O se faataʻitaʻiga, i le faaiʻuga o le 2001, ina ua māeʻa ona matamata le Faalapotopotoga e Vaaia Toto (NBS) i le United Kingdom i vitiō, na avatu se tusi i le atunuu atoa mo i latou uma e pulea mea e teu ai toto, ma tagata e galulue faapitoa i toto. Na faalaeiauina lo latou matamata i vitiō ona ua “faateleina le malamalama e faapea o se tasi o sini o le tausiga lelei faafomaʻi, o le ʻalofia lea o le tuiina o le toto i so se taimi e mafai ai.” Na taʻua i le tusi e faapea “e aogā le manatu o loo iai i le vitiō, ma e matuā lagolagoina e le NBS.”
[Faaopoopoga i lalo]
^ pala. 27 Faafesootaʻi se tasi o Molimau a Ieova ina ia matamata i le polokalame o le DVD ma vitiō, Transfusion Alternatives—Documentary Series, faia e Molimau a Ieova.
[Pusa/Ata i le itulau 17]
Vaevaeina o le Toto le Faaaogāina o Vaega Ninii o le Toto mo Togafitiga
Ua mafai ona suʻe ma vavaeese vaega ninii o le toto ona o se faiga e taʻu o le fractionation (vaevaeina). O se faataʻitaʻiga: O le suāsami, e tusa e 96.5 pasene le vai o loo iai, ma e mafai ona vaevaeina ma maua mai ai le magnesium, bromine ma le masima. E faapena le vaega faasuavaia o le toto, lea e silia ma le ʻafa o le toto o loo faia aʻe ai. E silia ma le 90 pasene le vai o loo iai, ma a vaevaeina, ona maua mai ai lea o polotini, e iai le albumin, fibrinogen, ma globulins.
A o faia se togafitiga, atonu o le a faatonuina e se fomaʻi ia faatele se vaega faasuavaia o le toto e tui i se maʻi. O se faataʻitaʻiga o lea mea, o le vai ua taʻu o le cryoprecipitate, lea e tele lava le polotini e maua mai ai, e ala i le faamalō o le vaega faasuavaia o le toto i le aisa, ma toe faaliusuavai. O lea vaega faasuāvai o le toto, e tele mea faatoʻa toto o iai, ma e ave i maʻi e taofi ai le piliki. O nisi togafitiga, e faaaogā ai mea ua faia mai se vaega ninii o le toto, po o sona vaega autū. * O nisi polotini mai le vaega suavaia o le toto, e faaaogā mo tui ina ia puipui atili mai siama pipisi. O le tele o togafitiga ua faia mai mea ninii o le toto, o loo maua ai polotini mai le vaega suavaia o le toto.
E tusa ma le Science News, “e faitau afe polotini o loo iai i le toto o le tagata, ae e itiiti ifo ma le afe le aofaʻi ua mafai ona iloa e saienitisi.” A o agaʻi i luma le poto e tusa o le toto, atonu o le a maua nisi mea e aogā mo togafitiga mai polotini.
[Faaopoopoga i lalo]
^ pala. 33 Ua faaaogāina foʻi mea ninii mai toto o manu.
^ pala. 1 This article is taken from the box article g-E 8/06 pages 8 and 9.