O se Meaalofa na Matuā Talisapaia Lava

Afai ae fetaui le meaalofa ma le manaʻoga o lē talia, ma e na te talisapaia, o le a fiafia uma i laʻua ma lē na foaʻiina. E leʻi leva talu ona avatu se faafetai a se tagata e maualuga lana galuega i le malo o Mekisikō, i le lālā a Molimau a Ieova, ona ua maua sana tusi Ia Faalogo i le Faiaʻoga Sili. Ua fai mai se vaega o le tusi a lea tamaʻitaʻi:

“E ese le tāua o mataupu o le tusi. E ui o manatu o loo iai e aumai mai se tusi mai anamuā, ae ua talafeagai ma fetaui mo le olaga i nei aso.

“Ou te mautinoa e ao i mātua ona aʻoaʻo pea a latou fanau i taʻiala ina ia latou iloa le mea e fai, ia mafai ona avea ma tagata aogā, ma ia amioaʻi ma le migao ma le faamaoni i lenei lalolagi ua aunoa ma ia uiga. Ae ia sili ona iloa e fanau, o loo soifua Lē e Silisili Ese, ma e alofa o ia. Talitonu mai, o le a aogā lava lea tusi i laʻu galuega, faapea le matafaioi ua tuu mai i mātua e Lē na Faia i tatou, ina ia fesoasoani i a tatou fanau iti ia tutupu aʻe o ni tagata e alolofa i o latou tuaoi.”

Na iloaina e lenei tamaʻitaʻi le aogā o lesona ua iai i aʻoaʻoga, faapea le faataʻitaʻiga a Iesu Keriso, e pei ona iai i le tusi Ia Faalogo i le Faiaʻoga Sili. E mafai foʻi ona maua sau kopi o lenei tusi e 256 itulau, toe mananaia ona ata. E tutusa ma le mekasini lenei le tetelē o ona itulau. E mafai ona e talosagaina se kopi o lenei tusi e ala i le faatumu o le kuponi o loo i lalo ma meli i le tuatusi o loo i le kuponi po o se tuatusi talafeagai o loo i le itulau e 5 o lenei mekasini.

□ Faamolemole lafo mai saʻu tusi Ia Faalogo i le Faiaʻoga Sili.

□ Faafesootaʻi aʻu mo se suʻesuʻega faale-Tusi Paia e leai se totogi.