“E Manaia Tele i le Aʻoaʻo Atu!”

O le faamatalaga lenā na tusia e se Molimau a Ieova i Panama e auauna faataimi atoa e faatatau i le tusi O ā Aʻoaʻoga Moni a le Tusi Paia? O se tusi e felanulanuaʻi ona ata, e 224 itulau, ma ua tele ina faaaogā e suʻesuʻe ai le Tusi Paia. Na tusi mai o ia: “E uigaese, ona e lē tele ni faamatalaga, e manino, toe faigofie ona talitonu ai. E manaia le faiga o faaopoopoga, e oso ai lava le fia suʻesuʻe atili.”

Na faapea mai se faiaʻoga o le Tusi Paia mai Missouri i le Iunaite Setete: “E ese loʻu fiafia ona o le faigofie o faamatalaga. Ua sili foʻi ona sologa lelei le faasologa o mataupu.” O le taimi lava na maua ai lea tusi, na ave loa e le faiaʻoga i se fafine sa suʻesuʻe muamua, ae na toe faamaamulu.

Na fai mai le faiaʻoga: “E leʻi uma ona faitau le uluaʻi mataupu, ae ua telefoni mai e taʻu mai lona fiafia tele i le tusi.” Na fai mai le fafine, e pei lava na tusia lea tusi mo ia, ma sa manaʻo ai loa e faaauau lana suʻesuʻega. Na taʻua faapea e le faiaʻoga, ina ua uma ona suʻesuʻeina uluaʻi mataupu e sefulu, e ese lona fiafia ona o le vaai atu i le fiafia tele o le fafine i ai.

E itiiti ifo ma le lua tausaga talu ona maua mai lea tusi, ae o lenei ua sili atu ma le 50 miliona kopi o le tusi ua lolomiina i gagana e sili atu i le 150. E mafai ona maua sau kopi pe a e faatumuina le kuponi i lalo ma meli mai i se tuatusi talafeagai o loo i le itulau e 5 o lenei mekasini.

□ Faamolemole lafo mai saʻu tusi o loo faaalia i inei.

□ Faafesootaʻi aʻu mo se suʻesuʻega faale-Tusi Paia e leai se totogi.