Pe na Latou Feola Moni Lava i le Umi Lenā?

E tusa ai ma faamatalaga a le Tusi Paia, e 930 tausaga na ola ai Atamu, o Setu e 912, a o Metusela e 969—toe 31 tausaga atoa le afe! (Kenese 5:5, 8, 27) Pe na tutusa le uumi o na tausaga ma o tatou aso, pe sa na o ni vaitaimi pupuu, e tutusa ma le uumi o masina i o tatou aso e pei ona manatu i ai isi?

I faamatalaga a le Tusi Paia lava ia ua iloa ai e tutusa le uumi o tausaga i tua i inā ma o tatou aso. Manatu i le mea lenei: A faapea o le umi o le tausaga e pei ona taʻua i le Tusi Paia e tutusa ma le masina i le taimi lenei, o lona uiga la na avea tane nei ma tamā a o laiti lava: Na avea Kainano ma tamā a o leʻi atoa le ono o ona tausaga, a o Maalaelu ma Enoka na avea ma tamā ae faatoʻā sili laʻitiiti lava i le taʻi lima o la tausaga.—Kenese 5:12, 15, 21.

E lē gata i lea, sa manino lelei i tagata anamua le eseesega i le va o aso, masina, ma tausaga. (Kenese 1:14-16; 8:13) O le mea moni, e fesoasoani tele le faamatalaina faasolosolo mai e Noa o mea na tutupu e tatou te iloa ai le umi o se masina. Pe a faatusatusa le Kenese 7:11, 24 ma le Kenese 8:3, 4, ua faaalia ai o le lima masina mai le aso 17 o le masina lona lua e oo i le aso 17 o le masina e fitu—e tusa ma le 150 aso. E aliali mai la, sa faaaogā e Noa le fua e taʻi 30 aso i le masina, a faaopoopo faatasi masina e 12 ua tasi le tausaga.—Kenese 8:5-13. *

Ae na mafai faapefea e se tagata ona ola mo le 900 tausaga po o le sili atu foʻi? Ua taʻu mai e le Tusi Paia iā i tatou na faia e le Atua le tagata e ola e faavavau, ae ona o le agasala a Atamu ua oo mai ai le lē lelei atoatoa ma le oti i tagata. (Kenese 2:17; 3:17-19; Roma 5:12) O i latou sa ola a o lumanaʻi le Lolo sa latalata tele i tuā i le lelei atoatoa na i lo i tatou i aso nei, ma e mautinoa lava o le pogai lea o le uumi o taimi na latou feola ai. O se faaaʻoaʻoga o Metusela, o lona valu ai lea o tupulaga mai iā Atamu.—Luka 3:37, 38.

Ae ui i lea, ua lē o toe umi nei ona soloiesea atoatoa lea e Ieova le Atua o āuga uma o le agasala a Atamu, mai iā i latou e faatuatua i le toto maligi o lona Alo, o Iesu Keriso. “O le oti, o le totogi lea o le agasala; a o le ola e faavavau, o le mea foaʻifuaina mai lea e le Atua, i lo tatou Alii o Keriso Iesu.” (Roma 6:23) Ua lē o toe umi ona avea lea o tausaga e 969 o Metusela o se taimi e matuā puupuu lava!

[Faaopoopoga i lalo]

[Ata i le itulau 30]

(Tagaʻi i le lomiga mo le ata atoa)

1000

Metusela

Atamu

Setu

900

 

 

 

800

 

 

 

700

 

 

 

600

 

 

 

500

 

 

 

400

 

 

 

300

 

 

 

200

 

 

 

100

Tulaga masani o tagata i aso nei