Manumalo i Mafatiaga o Talavou

NA TUU atu i se vasega o tamaiti aʻoga i Mekisikō o loo ave le gagana faa-Peretania, ia fai mai ni a latou lauga e pule le tagata i lana mataupu. Na fai mai Maritza: “Sa iai se taimi na ou maua ai i lagona mafatia, ma na aogā tele iā te aʻu mataupu mai le Awake! o Setema 8, 2001, e faatatau i talavou mafatia. Na ou faaaogā manatu o loo iai i le mekasini, ma e maualuga loʻu togi na maua ai. Mulimuli ane, sa ou ave ni kopi o ia mataupu i tamaiti aʻoga faapea ma faiaʻoga.”

Ua mavae le lua tausaga talu lea mea, a o alu atu Maritza i le talaʻiga, na feiloaʻi ai ma se talavou o loo ave foʻi lana mataupu o le gagana faa-Peretania. Na teʻi Maritza ina ua faaali atu e le talavou kopi o mataupu o le Awake! e faatatau i mafatiaga o talavou. E foliga mai e tāua tele ia mataupu i le faiaʻoga, ma ua ia ave i tamaiti uma o lana vasega ni kopi o ia mataupu!

E maua faamatalaga faaopoopo e faatatau i mafatiaga o talavou mai le tusi Fesili ua Fesili Mai ai Talavou—Tali e Aogā. O mataupu o loo iai, “Aiseā Ou te Lē Fiafia ai iā te Aʻu Lava Ia?” “Aiseā ua Ou Matuā Lotovaivai Ai?,” ma le “E Faapefea Ona Faateʻa Ese Oʻu Lagona Tuua Toʻatasi?” E mafai ona maua sau kopi pe a faatumu le kuponi o loo i lalo ma lafo mai i le tuatusi o loo iai, po o le tuatusi talafeagai o loo i le itulau e 5 o lenei mekasini.

□ Ou te talosagaina se tusi e pei o lea.

□ Faamolemole faafesootaʻi mai aʻu e fia fai saʻu suʻesuʻega faale-Tusi Paia e aunoa ma se totogi.