Mea Pipii i Vae o Moo
Pe na Teʻi Lava ua Iai?
Mea Pipii i Vae o Moo
▪ E matuā ofo lava saienitisi ona e mafai e le moo ona totolo i mea lamolemole, e iai le fāʻalo lamolemole o fale, ae lē paʻū! Aiseā ua mafai ai ona faia lea mea e le moo?
Ua fai mai le Tusi Paia, o le moo e “tago atu [i] ona lima.” (Faataoto 30:28) Ioe, e tai pei lava vae o le moo o ni lima, ma e faigofie ona pipii i mea lamolemole. E iai patu lāʻumiʻumi i tamatamaʻivae o le moo, ma e faitau afe mea e pei o ni lauulu ua lilofia ai. O loo pipii i nei lauulu le selau ma selau o isi lauulu ninii. I le va o nei lauulu ninii, o loo iai le malosi e lava lelei e pei o se kalave lea e mafai ai ona mau i se tioata lamolemole, tusa lava pe e ū i luga ona vae!
Ua mananaʻo tagata suʻesuʻe ia fai ni mea faapipii e mafai ona pipii i mea lamolemole, e pei o vae o le moo. * Ua fai mai le mekasini Science News, “e tele mea faafomaʻi e mafai ona aogā i ai, e fai ai fusi manuʻa e lē matalatala pe a susū, ma fai ai ni mea e sui ai filo o loo suʻi ai tīpiga,” faapea ma le tele o isi aogā.
I le faaiʻuga o lenei mataupu puupuu, o le ā la sou manatu? Pe na teʻi lava ua iai mea pipii i vae o moo? Pe na faia e se isi?
[Faaopoopoga i lalo]
^ pala. 5 O loo fai foʻi suʻesuʻega a saienitisi i le polotini lea e fai e maso o le sami, ona o lea e mafai e nei meaola ona pipii i mea susū.
[Ata i le itulau 26]
O le vaaiga pe a ū i luga se moo tokay
[Ata i le itulau 26]
Lauulu ninii i vae o le moo
[Ē Ana le Ata i le itulau 26]
Gecko: Breck P. Kent; close-up: © Susumu Nishinaga/Photo Researchers, Inc.