Ua Malosi Ona o “se Tusi ua Tuai”

▪ A o auai se tamaʻitaʻi Molimau a Ieova i le galuega talaʻi i Pasili i Amerika i Saute, na la talanoa ma se fafine na fai ane, e iai le tusi tuai na toe malosi ai le maʻi o le tinā o lona toʻalua. Na fesili le Molimau po o le ā lea tusi. Ae tali mai le fafine, “O se tusi ua tuai lava,” ma na ia avane le tusi a lana tama tama ua leva ona iai, Laʻu Tusi o Tala o Le Tusi Paia.

Na taʻua e le fafine e faapea, na maua le tinā o lana tane i le maʻi o le loto mafatia, ma lē mafai ai ona tuua lona moega ona e fefe ina neʻi oti, toe fefe i le pogisa. Na aumai e le tama a le fafine le tusi, Tala o le Tusi Paia ma faitau i le loomatua. Na mou atu lagona mafatia o le loomatua ona na faalaeiauina o ia i mea na faitau atu e le atalii o lana tama.

Na fai mai le Molimau: “Na ou fai i le fafine, o Molimau a Ieova e lolomia le tusi lea ma ou te toe sau ma aumai sana kopi fou, ae na fai mai e aumai ni tusi se lua ma laʻua ma le loomatua. Ina ua ou alu e momoli tusi, na fai mai e toe avatu ma nisi. Ua 16 nei tusi ua foaʻi e lenei fafine ma ana uō!”

E mafai ona e talosaga mo sau kopi o Laʻu Tusi o Tala o Le Tusi Paia, o loo iai tala e 116 e uiga i tagata ma mea na tutupu i le Tusi Paia. I le 30 tausaga ua teʻa, ua silia ma le 72 miliona kopi o lenei tusi ua lomia. Pe a fia maua sau tusi, faatumu le vaega i lalo ma lafo i i le tuatusi o loo i lalo po o le tuatusi o loo i le itulau e 5 o lenei mekasini.

□ Ia lafo mai saʻu kopi o le tusi e pei ona taʻua i inei.

□ Ia faafesootaʻi mai aʻu e tusa ai ma le faia o se suʻesuʻega faale-Tusi Paia i le aiga e aunoa ma se totogi.