Vala Tāua Lona 2: Faamaoni

“O ē ua faatasia e le Atua, aua neʻi tuueseeseina e se tagata.”—Mataio 19:6.

Le Uiga. O ulugalii e taulau manuia, e manatu i a latou faaipoipoga o se faatasiga tumau. Pe a iai se faafitauli, e latou te taumafai ia foʻia ae lē avea ma faamolemolega e faauma ai le ulugalii. E latou te lagona le filemu o le mafaufau pe a faamaoni le tasi i le isi. E talitonu le tasi i le isi, e na te faatāua le la mafutaga.

Le Tāua. E tele vala ua avea ai le faamaoni ma faavae o le mafutaga i le faaipoipoga. Peitaʻi, afai e iai pea feeseeseaʻiga, o le a avea ai le faamaoni e pei o se mea ua saisaitia ai ma ua leai se fetalitonuaʻi. Ma ua avea ai le tautoga ia lē teteʻa vaganā le oti, ua pei o se feagaiga e leai sona uiga, ma ua mananaʻo e faauma. Atonu o loo nonofo faatasi pea o se ulugalii ae ua leai se fesootaʻiga lelei pe fetalanoaaʻi i mea e tāua iā i laʻua.

Faataʻitaʻi mea nei. Faaaogā fesili nei e fai ma taʻiala e fua ai lou faamaoni.

▪ Pe afai e ma te pisa, pe oso aʻe le lagona ua ou toe salamō ona o le nonofo ma loʻu toʻalua?

▪ Pe e masani ona ou moomoo i le fia faatasi ma se isi ae lē o loʻu toʻalua?

▪ Pe ou te fai atu i nisi taimi i loʻu toʻalua “Ua uma taʻua” pe faapea, “E sili ai le suʻe o se isi e alofa moni iā te aʻu”?

Fai sau faaiʻuga mautū. Mafaufau i ni auala e faamalosia ai le lua mafutaga. (Nisi o manatu: Fai se tusi i lou toʻalua, pe tuu ona ata i luga o lau kesi faigaluega, pe telefoni foʻi i ai i aso uma mai lau galuega.)

E manaia ae fai ni manatu i lou toʻalua i mea e fai, ma fesili i ai po o le ā e sili ona lelei iā te ia.

[Ata i le itulau 4]

O le faamaoni e pei o se pā e puipuia ai lau faaipoipoga

[Ē Ana le Ata]

© Corbis/age fotostock