Sa Taofimau o Ia i Ona Talitonuga

▪ O Mokeni, ua fitu ona tausaga, ma na tofia lana vasega i aso faamanatu talu ai nei, e faitau se tala e uiga i le Kerisimasi. Na faamanatu e Mokeni i lana faiaʻoga, e lē ōgatusa le faamanatuina o lea aso ma le Tusi Paia. Na malamalama le faiaʻoga ma tuu iā te ia e filifili se tala e faitau, e tusa ma lona lotofuatiaifo.

I se taimi mulimuli ane ina ua fai le laugātogi a le aʻoga, na valaaulia ai le aiga o Mokeni ina ia auai. Na faateʻia Mokeni ona na ia mauaina le faailoga o le lototele ona o le taofimau i ona talitonuga. Ina ua fesiligia pe na faapefea ona ia maua le lototele, sa ia faamatala e faapea, e faitau faatasi ma lona aiga i le tusi, Ia Faalogo i le Faiaʻoga Sili, o loo iai lesona e uiga i le soifuaga ma aʻoaʻoga a Iesu Keriso.

E tumu lenei tusi e 256 itulau i ata felanulanuaʻi, ma ua maua ai e mātua se auala e faia ai ni talanoaga fiafia ma a latou fanau. O loo aofia ai mataupu e pei o “Le Māfuaaga e Lē Tatau ai Ona Tatou Pepelo,” “Pe e Fiafia le Atua i Patī Uma?,” ma, “Le Fesoasoani Ina ia Aua Tatou te Fefefe.”

Pe a fia maua sau kopi, ia faatumu le kuponi o loo i lalo ma lafo mai i le tuatusi o loo iai po o se tuatusi talafeagai o loo i le itulau e 5 o lenei mekasini.

□ E aunoa ma se totogi, ou te talosagaina se kopi o le tusi o loo taʻua i inei.

□ Faafesootaʻi aʻu mo se suʻesuʻega faale-Tusi Paia e leai se totogi.