“Faafetai Ona o le Faailoa Mai o se Tamā Alofa”

● Na tusi se teine e 19 tausaga mai i Amerika i mātū: “Sa ou ola aʻe i se aiga e toʻaʻaga i le lotu, ma ou te iloa o Keriso o loʻu Faaola. Peitaʻi, e tele tausaga o oʻu fefe i le faamasinoga a le Atua i le aso o lona toʻasā, lea o le a susunu ai e faavavau tagata i le afi i seoli. Ona ou faitau lea i la outou tusi, O ā Aʻoaʻoga Moni a le Tusi Paia?

“Ina ua uma ona faitau i ni nai mataupu, sa ou matuā lagona le toʻafilemu. Sa pei ua alu ese atu se elefane lapoʻa mai i loʻu fatafata. Ua ou iloa nei o Ieova o le Atua e alofa, agalelei ma alofa mutimutivale. E finagalo o ia e iai sa ma faiā, ma ia lē faavae lenā faiā i le fefe iā te ia. O loo ou fuafua e asiasi atu i le Maota mo Sauniga a Molimau a Ieova i le Aso Sa nei! Ua ou matuā fiafia lava. Faafetai ona o le faailoa mai o se Tamā alofa, ae e lē o sē na faia se afi i seoli.”

O loo talanoaina foʻi i le tusi Aʻoaʻoga a le Tusi Paia, isi mataupu tāua. E aofia ai i nei mataupu le tulaga o ē ua maliliu, le faamoemoe o le toetū, le auala e faaleleia ai olaga faaleaiga, le tulaga o le Atua ma Iesu Keriso, ma le pogai ua lē taofia ai e le Atua puapuaga. E mafai ona e talosaga atu mo se kopi o le tusi, e ala i le faatumu o le kuponi o loo i lalo, ma lafo atu i se tuatusi talafeagai o loo maua i le itulau e 5 o lenei mekasini.

□ Ia lafo mai saʻu kopi o le tusi e pei ona taʻua i inei.

□ Ia faafesootaʻi mai aʻu e tusa ai ma le faia o saʻu lesona faale-Tusi Paia e aunoa ma se totogi.