O le ā Sou Manatu e Uiga iā Iesu?

Pe e te manatu iā Iesu o se pepe fou faatoʻā fanau, o se tagata ua toeitiiti maliu, po o se Tupu faamamaluina?

Ua faaalia i le Tusi Paia o Iesu o le Tupu malosi. Ae o le ā le uiga o lenei mea mo oe?

E toʻatele e talitonu na maliu Iesu mo i latou. Peitaʻi, e mafai faapefea i le maliu o se tagata e toʻatasi i le toetoe 2,000 tausaga ua mavae, ona maua ai e isi le ola i aso nei?

E valaaulia ma le māfana oe e faafofoga i tali mai le Tusi Paia o nei fesili. O nei faamatalaga o le a faailoa mai pe a faatasitasi Molimau a Ieova e faamanatu le maliu o Iesu i le Aso Tofi, Aperila 5, pe a goto le lā.

Faamolemole fesili atu i Molimau a Ieova i lou vaipanoa, i le taimi tonu ma le nofoaga e faia ai.