O Fea le Taimi e Tatau Ona Amata ai Ona Aʻoaʻo Lau Tama?

● Na tusi se tamāloa i Summerville, i Carolina i Saute i Amerika, ina ua faatoʻā tolu masina talu ona maʻitaga lona toʻalua, o pō uma lava e taoto ai i ona tafatafa ma faitau le tusi o Laʻu Tusi o Tala o le Tusi Paia. Na ia taʻua: “Ina ua fanau la ma tama teine o Bethiah, sa faaauau ona ma faia faapea. E tasi le tala e faitau i pō taʻitasi, seʻia oo ina matou faitauina faatolu le tusi atoa.”

Ua ia taʻua atili: “E amata ane ona tautala Bethiah, ae ua ia iloaina le tele o tagata o loo taʻua i le Tusi Paia, ma toe faataʻitaʻi ma tauloto le tele o tala o loo faamatalaina i le tusi.

E 116 tala o loo i lenei lomiga e matagofie ona ata ma matamata tetele mataʻitusi. O loo tusia e faasolo i taimi na ola ai le toʻatele o tagata o le Tusi Paia, ma e mafai ona malamalama ai le tagata faitau i le faasologa o taimi o le Tusi Paia. Pe afai e fia maua sau kopi o lenei lomiga e 256 itulau, faatumu le kuponi o i lalo ma lafo i se tuatusi talafeagai o loo i le itulau e 5 o lenei mekasini.

□ Ia lafo mai saʻu kopi o le tusi e pei ona taʻua i inei.

□ Faamolemole faafesootaʻi mai aʻu mo se suʻesuʻega faale-Tusi Paia e aunoa ma se totogi.