Na faapea mai Pamela, “A o faia togafitiga o loʻu kanesa, e masani ona ou lagona le matuā fefe. Ae ina ua ou tatalo iā Ieova le Atua, na ou lagona le toʻafilemu ma na mafai ai ona ou onosaʻia loʻu tulaga e aunoa ma le fefe. Ou te lagona pea le tigā o loʻu maʻi ae ua fesoasoani le tatalo e faatumauina ai se vaaiga saʻo. Pe a fesili mai nisi po o ā mai aʻu, ou te fai atu, ʻO lea a ou te maʻi, ae ou te lagona le fiafia!’”

O le mea moni, e tatou te lē faatalitali seʻiloga ua maua i se maʻi pe lofia i se faafitauli ona faatoʻā tatalo lea. E tatou te fesagaʻia uma faafitauli, ma e tatou te manaʻomia le fesoasoani e fesagaʻia ai na faafitauli. Pe mafai ona fesoasoani mai le tatalo?

Ua faapea mai le Tusi Paia: “Ia tuuina atu iā Ieova ou popolega uma, o ia lava e na te tausia oe. E na te lē tuua lava le tagata amiotonu ia tautevateva.” (Salamo 55:22) Maʻeu se manatu faamāfanafanaloto! E faapefea la ona fesoasoani le tatalo iā te oe? Pe a e tatalo i le Atua i le auala saʻo, o le a ia aumaia mea e te onosaʻia ai ou faafitauli.​—Tagaʻi i le pusa “ Le Fesoasoani e Maua Mai i le Tatalo.”