E Manatu Mamafa Mai le Atua iā te Oe
O LOO maua i le Tusi Paia fautuaga e sili ona aogā mo i tatou. E ui e lē o se tusi faafomaʻi, ae o loo iai auala aogā e fesoasoani iā i tatou e fesagaʻia ai tulaga faigatā, le femoumouaʻi o mafaufauga, o faalogona ootia, faapea faafitauli i le tino ma le mafaufau.
O le mea e sili ona tāua, ua faamautinoa mai i le Tusi Paia, o Ieova le Atua a o Lē na foafoaina i tatou, e sili atu lona silafia o o tatou manatu ma faalogona, nai lo o se isi lava. E naunau o ia e fesoasoani mai i so o se faafitauli o loo tatou fesagaʻia. Seʻi mātau ni faaaʻoaʻoga se lua, o ni feʻau faamāfanafanaloto mai i le Tusi Paia:
“E latalata mai Ieova i ē e lotomomomo; e faaola e ia o ē ua lotonutimomoia.”—SALAMO 34:18.
“O aʻu o Ieova lou Atua, o loo uuina lou lima taumatau, o Lē e fai atu iā te oe, ʻAua e te fefe. O le a ou fesoasoani iā te oe.’”—ISAIA 41:13.
E faapefea la ona fesoasoani mai Ieova ina ia tatou fesagaʻia faafitauli o le mafaufau? I mataupu o loo sosoo mai, o le a tatou iloa ai e manatu mamafa moni mai Ieova, e ala i le tele o auala aogā.
a O Ieova o le suafa lea o le Atua.—Salamo 83:18.
