O le ā le Manatu o le Tusi Paia?
Po o le ā le Tiapolo?
PE E TE FAAPEA MAI o le Tiapolo . . .
O se foafoaga agaga?
O se uiga leaga i totonu o se tasi?
O se mafaufauga o le tagata?
LE MANATU O LE TUSI PAIA
Na talanoa le Tiapolo ma Iesu ma sa ia “faaosoosoina” Iesu. (Mataio 4:1-4) O lea, o le Tipolo e lē o se mafaufauga po o se uiga leaga, ae o se foafoaga agaga leaga.
ISI MEA E TATOU TE AʻOAʻOINA MAI I LE TUSI PAIA
O le Tiapolo sa avea o ia ma agelu paia i le amataga, peitaʻi “e leʻi tumau lava o ia i le upu moni.” (Ioane 8:44) Na avea o ia ma sē e pepelo ma fouvale i le Atua.
Sa aufaatasi atu isi agelu i le fouvalega a Satani.—Faaaliga 12:9.
Ua faatauaso e le Tiapolo le toʻatele e faatatau i lona tulaga moni.—2 Korinito 4:4.
Pe e mafai e le Tiapolo ona pulea tagata?
E FAAPEA MAI NISI o le pulea e le Tiapolo o se manatu e lē moni, ae o isi e matuā fefefe i le pulea e agaga leaga. O le ā sou manatu?
LE MANATU O LE TUSI PAIA
“O le lalolagi atoa o loo nofo toʻilalo i le pule a lē o loo leaga.” (1 Ioane 5:19) E telē le taaʻiga a le Tiapolo i tagata, peitaʻi e lē o tagata uma e na te pulea.
ISI MEA E TATOU TE AʻOAʻOINA MAI I LE TUSI PAIA
E faaaogā e le Tiapolo faiga taufaasesē ina ia faateteleina ai ana taaʻiga.—2 Korinito 11:14.
E mafai e agaga leaga ona pulea tagata i nisi taimi.—Mataio 12:22.
O le fesoasoani a le Atua e mafai ai ona e taulau e “tetee atu i le Tiapolo.”—Iakopo 4:7.
E te Ono Fiafia Foʻi
TALIINA O FESILI FAALE-TUSI PAIA
Pe e Iai Moni se Tiapolo?
Po o le Tiapolo ua na o se uiga leaga e i totonu o tagata, pe e iai moni lava?
TALIINA O FESILI FAALE-TUSI PAIA
Pe na Faia e le Atua le Tiapolo?
Na faapefea ona iai Satani? Iloilo le māfuaaga na fetalai ai Iesu “e leʻi tumau lava [le Tiapolo] i le upu moni.”
TALIINA O FESILI FAALE-TUSI PAIA
Pe e Mafai e le Tiapolo Ona Pulea Tagata?
E faapefea ona taaʻina e le Tiapolo tagata, ma e faapefea ona e ʻalofia ana mailei?
