Pe e te manaʻo e tele mea e te aʻoaʻoina mai i au lava suʻesuʻega o le Tusi Paia? E mafai ona e faataʻitaʻia nisi o auala nei, ina ia mafai ona e uaʻi lelei i au suʻesuʻega:

• Filifili se nofoaga talafeagai. Pe a mafai, ia filifili se nofoaga e lē gasu pe pogisa, ae e malamalama lelei. E mafai ona e faaaogā se kesi po o se laulau, pe e te alu foʻi i fafo i se nofoaga e talafeagai.

• Saʻili se nofoaga tuufua. Na filifili Iesu e tatalo i “le taeaopō” a o iai “i se nofoaga e tuufua.” (Mare. 1:35) Pe afai e lē maua se nofoaga e iai na o oe, ia faailoa atu lau faasologa i lou aiga po o se tasi o loo lua potu faatasi, ma talosaga i ai ina ia aua neʻi faalavelave mai i taimi o au suʻesuʻega.

• Ia uaʻi lelei. ʻAlofia mea e tosina ese ai. Pe afai o loo faaaogā lau telefoni po o le tablet e fai ai au suʻesuʻega, ia tapē le leo pe oomi le airplane mode ina ia ʻalofia ai mea e faalavelave mai. Pe a tau lou mafaufau i se mea o loo e manaʻo e fai, ia faamau i lalo ae faaauau pea au suʻesuʻega seʻi uma ona fai lea. Pe afai ua faigatā ona e uaʻi lelei i au suʻesuʻega, ia fai sina koma pe savalivali foʻi.