E iai le tiute tauave a mātua e aʻoaʻo ai a latou fanau e faatatau iā Ieova. (Efe. 6:4) Ua saunia e le faalapotopotoga a Ieova le tele o mataupu, vitiō, ma pese e fesoasoani i mātua. E faapefea ona e faaaogā na mea e aʻoaʻoina ai lau fanau?

• Suʻe se mataupu. O loo maua i le JW.ORG mataupu uma ua saunia mo le fanau iti e aofia ai vitiō ma tala mai i le Tusi Paia e faitau i ai. a Ina ia maua na mataupu, tā i totonu i le pusa e suʻe ai le upu, “Tamaiti” po o “Talavou.”

• Filifili mataupu talafeagai. O mataupu ua saunia i le vaega “Tamaiti” e fesoasoani iā te oe e filifili ai mataupu e talafeagai ma lou alo.

• Ia faaaofia ai oe. Aua le tuua na o lou alo e matamata i vitiō pe faatumu mea e tusitusia mo tamaiti e tau ina faapasi ai lona taimi. Nai lo o lea, ia iloilo faatasi ma ia ma fesoasoani e atiaʻe se la faiā ma Ieova.