Pe na e faitau māeʻaeʻa i lomiga taʻitasi o Le Olomatamata o lenei tausaga? O lea, pe mafai ona e taliina fesili o loo mulimuli mai?

E faapefea ona tatou maua aogā pe a faaalu se taimi e talanoa, faalogo ma manatunatu ai e faatatau iā Ieova?

O le a tatou faia ai filifiliga e sili ona lelei, avea ma faiaʻoga lelei, faamalosia ai lo tatou faatuatua, ma faalolotoina lo tatou alofa mo Ieova.​—w22.01, itu. 30-31.

E faapefea ona tatou maua aogā pe a tatou maufaatuatuaina Ieova ma le vaega faalelalolagi o lana faalapotopotoga?

O le taimi lenei e maufaatuatuaina ai le auala e faia ai e le Atua mea, e ala i le lē fesiligia o faatonuga e aumaia ma faaiʻuga e faia e toeaina. Pe a gāpā le puapuaga tele, e tatou te nofosauni e usitaʻia so o se faatonuga, e tusa pe e foliga mai e lē aogā ma e lē talafeagai.​—w22.02, itu. 4-6.

O le ā na uiga i ai le agelu ina ua ia faamatalaina atu iā Sakaria se “fua e tautau i le lima o [le kovana o] Serupapelu”? (Saka. 4:8-10)

O lenei vaaiga na faamautinoa atu ai i tagata o le Atua, e ui ina foliga mai o se meanoa le malumalu fou na fausia, ae o le a faamāeʻaina e tusa ma le tapulaa e finagalo i ai Ieova.​—w22.03, itu. 16-17.

E faapefea ona avea i tatou ma ʻfaaaʻoaʻoga i le tautala’? (1 Timo. 4:12)

E tatou te tautatala ma le agalelei ma le faaaloalo i le talaʻiga, pepese mai i o tatou loto ma fai ma masani le tali i sauniga, tautatala i upu moni ma atiaʻe ai isi, ae ʻalofia upu masoā.​—w22.04, itu. 6-9.

Aiseā ua tuufaatasi ai tino ma foliga o manufeʻai e fā (malo) o loo taʻua i le Tanielu mataupu e 7 i se manufeʻai se tasi o loo faamatalaina i le Faaaliga 13:1, 2?

E lē o faaata mai e le manufeʻai o loo taʻua i le Faaaliga mataupu e 13 se malo patino se tasi, e pei o Roma. Nai lo o lea, o loo faaata mai ai malo faapolotiki uma ua pulea tagata.​—w22.05, itu. 9.

O le ā se auala autū e faaalia ai lo tatou maufaatuatuaina o le faamasinogatonu a Ieova?

Pe afai na faatigā pe agasala mai se tasi iā i tatou, e tatou te taumafai ina ia aua le teulotoina le ita, ma tuu atu le mataupu i aao o Ieova. O le a ia toe faaleleia mea uma na faaleagaina ona o le agasala.​—w22.06, itu. 10-11.

O le ā e tatau ona manatua e se uso o loo faia se tatalo i se sauniga?

E lē faaaogāina tatalo e aʻoaʻia ai le faapotopotoga, pe faia ai ni faasilasilaga. E lē manaʻomia ona faia le “tele o upu,” aemaise lava i le amataga o le sauniga. (Mata. 6:7)​—w22.07, itu. 24-25.

O le a faapefea ona “toetutū i le faamasinoga” i latou “na faia mea leaga”? (Ioa. 5:29)

O le a lē faamasinoina i latou e fua i mea na latou faia a o leʻi maliliu. Ae o le a iloiloina i latou e fua i o latou uiga ma amioga pe a mavae lo latou toetū.​—w22.09, itu. 18.

O le ā le faalauiloaga mataʻina na faia e J. F. Rutherford i se tauaofiaga iā Setema 1922?

Na ia faalauiloa atu i se tauaofiaga sa faia i Cedar Point i Ohio, i le Iunaite Setete o Amerika: “Ua pule le Tupu! O outou o ona sui, ma e tatau ona faailoa atu o ia i le lautele. O lea, ia faalauiloa, faalauiloa, faalauiloa, le Tupu ma lona Malo!”​—w22.10, itu. 3-5.

O ā auala e tolu o loo faamatilatila mai i le Isaia mataupu e 30 ua fesoasoani mai ai le Atua ina ia tatou tumau?

Ua faailoa mai i lenei mataupu (1) e faafofoga ma tali mai o ia i a tatou tatalo, (2) e na te saunia mai le taʻitaʻiga mo i tatou, ma le (3) e na te faamanuia i tatou i le taimi lenei ma le lumanaʻi.​—w22.11, itu. 9.

Aiseā e tatou te faapea atu ai na iai se faataunuuga i aso anamua o upu o loo i le Salamo 37:10, 11, 29, ma o le a iai lona faataunuuga i le lumanaʻi?

E talafeagai lelei le auala o loo faamatalaina ai e Tavita le tulaga sologa lelei i Isaraelu, e pei o le taimi o le pulega a Solomona. Na faasino atu Iesu i se parataiso i le lumanaʻi ma taʻua ai upu o loo i le fuaiupu e 11. (Mata. 5:5; Luka 23:43)​—w22.12, itu. 8-10, 14.