Na Taʻua e Ieova o Ia o “Laʻu Uō”
“A o oe Isaraelu e, o laʻu auauna, o oe Iakopo e, o lē na ou filifilia, o le fanau a laʻu uō o Aperaamo.”—ISA. 41:8.
1, 2. (a) E faapefea ona tatou iloa e mafai ona avea tagata ma uō a le Atua? (e) O le ā o le a iloiloina i lenei mataupu?
E TATOU te manaʻomia le alofa mai lava i le taimi na tatou fananau mai ai seʻia oo i le oti. E manaʻomia e tagata ni faauōga māfana ma alofa, ae lē na o le alofa fetosinaaʻi. Peitaʻi, o le vala e sili ona tatou manaʻomia o le alofa o Ieova. E lē talitonu le toʻatele e mafai ona māfana ma vavalalata se faiā a tagata ma le Atua, ona e lē vaaia ma e silisili ese o ia. Peitaʻi ua tatou iloa le mea moni.
2 Ua tatou iloa mai i le Tusi Paia na mafai ona avea tagata ma uō a le Atua, ma e tatau ona tatou manatunatu i a latou faaaʻoaʻoga. Aiseā? Talu ai o le iai o se faauōga ma le Atua, o le sini lea e sili ona tāua i le olaga. O lea seʻi o tatou iloiloina le faaaʻoaʻoga a Aperaamo. (Faitau le Iakopo 2:23.) Na faapefea ona avea o ia ma uō a le Atua? Sa faavae aʻe lana faauōga vavalalata ma le Atua i le faatuatua, ma na taʻua ai o ia o le “tamā o i latou uma e faatuatua.” (Roma 4:11) A o e iloiloina lana faaaʻoaʻoga ia fesili ifo, ʻE faapefea ona ou faaaʻoaʻo i le faatuatua o Aperaamo, ma faamalosia ai laʻu faauōga ma Ieova?’
NA FAAPEFEA ONA AVEA APERAAMO MA UŌ A IEOVA?
3, 4. (a) Faamatala le tofotofoga sili o le faatuatua o Aperaamo. (e) Aiseā na lotomalie ai Aperaamo e ave Isaako e fai ai le taulaga?
3 Seʻi faaata i le mafaufau le toeaina o Aperaamo ua pe tusa ma le 125 ona tausaga, o loo savali lemū i luga o le mauga. [1] O loo mulimuli atu iā te ia lona atalii o Isaako e pe tusa ma le 25 ona tausaga. O loo amo e Isaako fafie, ae o loo uu e Aperaamo le naifi ma mea e faamumū ai le afi. Atonu o le faigāmalaga lea na sili ona faigatā i le olaga o Aperaamo. E lē māfua ona o lona tulaga matua auā sa malosi lava o ia. Peitaʻi, sa faigatā ona na faatonuina o ia e Ieova e ave lona atalii e fai ai le taulaga.—Kene. 22:1-8.
4 Atonu o le tofotofoga sili lenā o le faatuatua o Aperaamo. Ua faapea mai nisi e agaleaga le Atua ina ua ia talosagaina Aperaamo e fai le taulaga i lona atalii. Ae e manatu nisi na lotomalie Aperaamo e faia lea gaoioiga ona e lē alofa i lona atalii. Ua faia e tagata nei faamatalaga ona e lē faatuatua ma e latou te lē malamalama i le faatuatua moni po o le auala e faatino ai. (1 Kori. 2:14-16) Peitaʻi, e leʻi usiusitaʻi Aperaamo e aunoa ma le muaʻi mafaufau i ai, ae sa ia usitaʻi ona sa iā te ia le faatuatua moni. Sa ia iloa e lē mafai ona talosaga mai le Atua e fai se gaoioiga e tumau ona faaleagaina ai o ia. Sa iloa e Aperaamo pe afai e usiusitaʻi iā Ieova, o le a ia faamanuia iā te ia ma lona atalii peleina. O le ā sa manaʻomia e Aperaamo ina ia maua ai lenā faatuatua malosi? Sa ia manaʻomia le poto, ma le malamalama mai i mea o le a tutupu i lona olaga.
5. O le ā le auala atonu na aʻoaʻoina ai Aperaamo e faatatau iā Ieova, ma o le ā le aafiaga o lenā poto iā te ia?
5 Poto. Na soifua aʻe Aperaamo i Uro. Na tapuaʻi tagata i inā i atua sesē ma e faapena foʻi lona tamā. (Iosua 24:2) Na faapefea la ona aʻoaʻoina Aperaamo e faatatau iā Ieova? Ua faailoa mai e le Tusi Paia, o Semu le atalii o Noa o se tauaiga o Aperaamo. Na maliu Semu ina ua pe tusa ma le 150 tausaga o Aperaamo. Sa malosi le faatuatua o Semu ma atonu na ia talanoa i ona tauaiga e faatatau iā Ieova. E tatou te lē mautinoa, ae atonu o le auala lenā na aʻoaʻoina ai Aperaamo e faatatau iā Ieova. Na ia alofa iā Ieova ona o mea na ia aʻoaʻoina, ma o lenā poto na fesoasoani e atiaʻe ai lona faatuatua.
6, 7. Na faapefea i mea na tutupu iā Aperaamo ona faamalosia ai lona faatuatua?
6 Mea na tutupu. Na faapefea i mea na tutupu iā Aperaamo ona faamalosia ai lona faatuatua iā Ieova? E manatu nisi o mafaufauga e faapogaia ai faalogona ma iʻu atu ai i gaoioiga. Sa pāʻia le loto o Aperaamo i mea na ia aʻoaʻoina e faatatau i le Atua, lea na māfua ai ona ia faaaloalo loloto iā ʻIeova le Atua Silisili Ese, o Lē na faia le lagi ma le lalolagi.’ (Kene. 14:22) Ua taʻua e le Tusi Paia lenā faaaloalo loloto o le “mataʻu i le Atua.” (Epe. 5:7) E tatau ona tatou matataʻu i le Atua ina ia maua ai se faauōga vavalalata ma ia. (Sala. 25:14) O le uiga lenā na uunaʻia ai Aperaamo e usiusitaʻi iā Ieova.
7 Na faatonu e le Atua Aperaamo ma Sara e tuua Uro ae ō atu i se atunuu ese. Ua matutua i laʻua ma o le a nonofo i Kene. 12:10-20; 20:2-7, 10-12, 17, 18) O na mea na tutupu na faamalosia ai le faatuatua o Aperaamo.
faleʻie mo le olaga atoa. E ui na iloa e Aperaamo e tele mea e lamatia ai, ae na ia maumauaʻi e usiusitaʻi iā Ieova. O lona usiusitaʻi na faamanuia ma puipuia ai o ia e le Atua. O se faaaʻoaʻoga, ina ua aveesea lana avā aulelei o Sara ma lamatia ai le ola o Aperaamo, e lē faatasi ona puipuia faavavega i laʻua e Ieova. (8. E faapefea ona tatou maua le (a) poto (e) malamalama i mea na tutupu, lea e faamalosia ai la tatou faauōga ma Ieova?
8 Pe e mafai ona avea i tatou ma uō vavalalata a Ieova? Ioe, e mafai. E pei o Aperaamo, e manaʻomia ona tatou aʻoaʻoina e faatatau iā Ieova. E mafai foʻi ona tatou maua le poto, ma le malamalama mai i mea na tutupu. I aso nei, e tele atu mea ua tatou iloa nai lo o Aperaamo. (Tani. 12:4; Roma 11:33) Ua tumu le Tusi Paia i le poto e faatatau i “Lē na faia le lagi ma le lalolagi.” O mea ua tatou aʻoaʻoina ua uunaʻia ai i tatou e alolofa iā Ieova ma faaaloalo loloto iā te ia. O lenei alofa ma le faaaloalo i le Atua ua uunaʻia ai i tatou e usiusitaʻi iā te ia. Pe a tatou faia faapea, o le a tatou tofo ai i lana puipuiga ma lana faamanuiaga ona o mea e tutupu i o tatou olaga, lea e faamalosia ai lo tatou faatuatua. Pe a tatou auauna iā Ieova ma le lotoatoa o le a tatou maua le faamalieina, filemu ma le olioli. (Sala. 34:8; Faata. 10:22) O le tele o lo tatou poto, ma le malamalama i mea na tutupu, o le atili faamalosia foʻi lenā o la tatou faauōga ma Ieova.
AUALA NA FAATUMAU AI E APERAAMO LANA FAAUŌGA MA LE ATUA
9, 10. (a) O le ā e manaʻomia ina ia faamalosia ai se faauōga? (e) Na faapefea ona faatāua ma faatumauina e Aperaamo lana faauōga ma Ieova?
9 O se faauōga vavalalata e tai pei o se ʻoa tautele. (Faitau le Faataoto 17:17.) E lē faatusaina i se fagu tuu teu taugatā e na o le teuteuga e faaaogā ai. Ae e tai pei o ni fugālaau matagofie e manaʻomia le vai ma le tausiga ina ia ola ai. Na faatāua ma faatumauina e Aperaamo la laʻua faauōga ma Ieova. Na faapefea ona ia faia faapea?
10 Sa faaauau ona faatumauina e Aperaamo lona mataʻu ma le usiusitaʻi i le Atua. O se faaaʻoaʻoga, ina ua ia faimalaga ma lona aiga ma ana auauna i Kanana, sa faaauau ona ia faalagolago iā Ieova i le faia o filifiliga tetele pe lāiti. A o toe tasi le tausaga fanau Isaako, o le taimi lea ua 99 tausaga o Aperaamo, na faatonu ai o ia e Ieova e peritome tane uma o lona aiga. Pe na masalosalo Aperaamo iā Ieova ma taumafai e fai se faamolemolega e ʻalofia ai le faia o lea faatonuga? E leai, sa ia maufaatuatuaina Kene. 17:10-14, 23.
Ieova ma usitaʻi iā te ia “i le aso lava lenā.”—11. Aiseā na popole ai Aperaamo iā Sotoma ma Komoro, ma na faapefea ona fesoasoani Ieova iā te ia?
11 Na faamalosia e Aperaamo lana faauōga ma Ieova e ala i le usiusitaʻi iā te ia e oo lava i mea lāiti. Na ia manatu e mafai ona ia talanoa iā Ieova i so o se mea, e oo lava i fesili faigatā sa ia mafaufau i ai. O se faaaʻoaʻoga, sa popole Aperaamo ina ua fetalai Ieova o le a ia faaumatia Sotoma ma Komoro. Aiseā? Sa ia atuatuvale ina neʻi faaumatia faatasi tagata lelei ma tagata leaga. Atonu sa ia popole i lona tauaiga o Lota ma lona aiga lea sa nonofo i Sotoma. Na maufaatuatuaina e Aperaamo Ieova, “le Faamasino o le lalolagi uma.” O lea, na ia talanoa atu ai ma le lotomaulalo iā Ieova e faatatau i ona popolega. Sa onosaʻi Ieova i lana uō ma faaali mai iā te ia lona alofa mutimutivale. Na faailoa mai e Ieova pe a ia aumaia se faasalaga, e na te saʻili mo tagata lelei ina ia faasaoina i latou.—Kene. 18:22-33.
12, 13. (a) Na faapefea i le poto ma mea na tutupu iā Aperaamo ona fesoasoani iā te ia i se taimi mulimuli ane? (e) E faapefea ona iloa sa maufaatuatuaina e Aperaamo Ieova?
12 O le poto na aʻoaʻoina e Aperaamo ma mea na tutupu iā te ia, na fesoasoani e faamalosia ai pea la laʻua faauōga ma Ieova. Mulimuli ane, ina ua talosaga mai Ieova iā Aperaamo e fai le taulaga i lona atalii, sa ia iloaina o Ieova o sē e faapalepale, alofa mutimutivale, maufaatuatuaina, ma saunia le puipuiga. Sa matuā mautinoa foʻi e Aperaamo, e lē faafuaseʻi ona agaleaga Ieova iā te ia. E faapefea ona tatou iloa?
13 A o leʻi tuua e Aperaamo ana auauna, na ia faapea atu: “Faatali atu i inei ma le asini, ae seʻi ma ō atu ma le tama i o e tapuaʻi ai i le Atua, ona ma toe ō mai ai lea.” (Kene. 22:5) O le ā na uiga i ai Aperaamo? Pe na pepelo o ia o le a la toe foʻi mai ma Isaako, ae na ia iloa o le a osi le taulaga iā Isaako? E leai. Ua faapea mai le Tusi Paia na iloa e Aperaamo e mafai e Ieova ona toe faatū mai Isaako mai i le oti. (Faitau le Eperu 11:19.) O lea, na iloa e Aperaamo o Ieova na māfua ai ona maua la laʻua tama e ui ua la matutua. (Epe. 11:11, 12, 18) Na iloa e Aperaamo e leai se mea e faigatā iā Ieova. E leʻi iloa e Aperaamo le mea o le a tupu i lenā aso. Ae o lona faatuatua, na ia iloa ai o le a toe faatū e Ieova lona atalii, ina ia mafai ona faataunuu ai folafolaga uma a le Atua. O le māfuaaga lenā ua taʻua ai Aperaamo o le “tamā o i latou uma e faatuatua.”
14. O ā luʻi o loo e fesagaʻia i le auaunaga iā Ieova, ma e faapefea ona fesoasoani le faaaʻoaʻoga a Aperaamo iā te oe?
14 I aso nei, e lē o talosaga mai Ieova e Eso. 23:2; 1 Tesa. 2:2) Pe a talosagaina oe e faia se mea faigatā, ia mafaufau i le faaaʻoaʻoga mataʻina o le faatuatua ma le lototele o Aperaamo. O le manatunatu loloto i faaaʻoaʻoga a tane ma fafine faamaoni, o le a uunaʻia ai i tatou e faaaʻoaʻo iā i latou ma mafuta vavalalata atu ai i la tatou Uō, o Ieova.—Epe. 12:1, 2.
fai ni taulaga i a tatou fanau, ae ua ia talosaga mai ia usiusitaʻi i ana faatonuga. O nisi taimi, atonu tatou te lē malamalama i le māfuaaga o ana faatonuga, pe faigatā foʻi ona tatou usiusitaʻi i ai. Pe e faapena ou lagona? O nisi e faigatā iā i latou le galuega talaʻi. Atonu e matamumuli ma faigatā ona talanoa i tagata e lē masani ai. Ae o nisi e fefefe e matilatila ese i latou i totonu o galuega po o aʻoga. (SE FAAUŌGA E MAUA AI FAAMANUIAGA
15. Aiseā e tatou te mautinoa ai, e leʻi salamō lava Aperaamo i lona usitaʻi ma le faamaoni iā Ieova?
15 Pe na salamō Aperaamo i lona usitaʻi i faatonuga a Ieova? Ua faapea mai le Tusi Paia na maliu Aperaamo “ina ua matuā toeaina lava, ua matua tele ma ua faamalieina o ia i le olaga.” (Kene. 25:8) E ui ua 175 ona tausaga, ae na faamalieina Aperaamo pe a toe mafaufau i lona olaga. Aiseā? Talu ai o lana faauōga ma Ieova, o le mea lenā sa sili ona tāua pea iā te ia. E ui sa matua tele Aperaamo ma faamalieina o ia i le olaga, ae pe faapea ai e leʻi iai sona faanaunauga e ola i le lumanaʻi?
16. O ā mea o le a fiafia ai Aperaamo i le Parataiso?
16 Ua faapea mai le Tusi Paia, na faatalitali Aperaamo “i se aai e iai ona faavae moni, o le tufuga ma o lē na fausia lea aai, o le Atua lea.” (Epe. 11:10) Na talitonu Aperaamo e iai le aso o le a vaai ai i lenā aai, po o le Malo o le Atua i le taimi e pule ai i le lalolagi. Seʻi faaata i le mafaufau le fiafia o Aperaamo, pe a ola i le lalolagi parataiso ma faaauau ona faamalosia la laʻua faauōga ma le Atua! O le a fiafia o ia i le iloaina na fesoasoani lana faaaʻoaʻoga o le faatuatua i auauna a le Atua mo le faitau afe o tausaga. O le a ia iloaina i le Parataiso, o lana taulaga i le mauga o Moria, na faaata ai se mea e sili atu ona tāua. (Epe. 11:19) O le a ia iloaina ai foʻi o ona tigā i le taimi na sauni ai Isaako mo le taulaga, na fesoasoani i le faitau miliona o tagata faamaoni e malamalama i le tigā o faalogona o Ieova, ina ua auina mai lona Alo o Iesu Keriso e fai ai le togiola mo tagata. (Ioa. 3:16) Ua fesoasoani le faaaʻoaʻoga a Aperaamo iā i tatou e matuā talisapaia ai le togiola, o le faailoaga silisili o le alofa.
17. O le ā ua e maumauaʻi e fai, ma o le ā o le a iloiloina i le mataupu o loo sosoo mai?
17 Seʻi o tatou maumauaʻi e faaaʻoaʻo i le faatuatua o Aperaamo. E pei o Aperaamo, e tatou te manaʻomia le poto ma le malamalama mai i mea e tutupu i le olaga. A o faaauau ona tatou aʻoaʻoina e faatatau iā Ieova ma usiusitaʻi iā te ia, o le a tatou vāai i ana faamanuiaga ma lana puipuiga. (Faitau le Eperu 6:10-12.) Tau ina ia avea Ieova ma a tatou Uō e faavavau. I le mataupu o loo mulimuli mai, o le a iloiloina ai isi faaaʻoaʻoga e tolu o auauna faamaoni na avea ma uō vavalalata a le Atua.
^ [1] (palakalafa e 3) O igoa muamua o Aperaamo ma Sara, o Aperamo ma Sarai. Ae i lenei mataupu o le a tatou faaaogāina igoa na faaigoa ai i laʻua e Ieova i se taimi mulimuli ane.