SUʻESUʻEGA 35
E Tāua iā Ieova Ana Auauna Lotomaulalo
“A ua silasila mai o ia [Ieova] i le tagata lotomaulalo.”—SALA. 138:6.
PESE 48 Ia Savavali ma Ieova i Aso Uma
AOTELEGA *
1. O ā faalogona o Ieova i tagata lotomaulalo? Ia faamatala.
E ALOFA Ieova i tagata lotomaulalo. E na o i latou e lotomaulalo moni e mafai ona iai se faiā vavalalata ma Ieova. I le isi itu, “e silafia mamao mai e ia o lē ua faafefeteina.” (Sala. 138:6) E tatou te mananaʻo uma e faafiafia Ieova ma maua lona alofa māfana. O lea, e iai māfuaaga lelei e manaʻomia ai ona atiaʻe le lotomaulalo.
2. O le ā o le a tatou talanoaina i lenei mataupu?
2 O le a tatou talanoaina i lenei mataupu tali o fesili nei e tolu: (1) O le ā le lotomaulalo? (2) Aiseā e tatau ai ona tatou atiaʻe le lotomaulalo? (3) O ā tulaga e tofotofoina ai lo tatou lotomaulalo? O le a tatou aʻoaʻoina ai, pe a atiaʻe le lotomaulalo, o le a faafiafiaina le finagalo o Ieova ma tatou maua ai aogā.—Faata. 27:11; Isa. 48:17.
O LE Ā LE LOTOMAULALO?
3. O le ā le lotomaulalo?
3 O le lotomaulalo, e lē manatu faamaualuga pe e faasausili. Ua faailoa mai e le Tusi Paia, o le tagata lotomaulalo e iai sana vaaiga paleni i le la faiā ma Ieova le Atua, ma ona uso a tagata. E na te iloa foʻi e i ai mea e sili atu ai tagata uma iā te ia.—Fili. 2:3, 4.
4-5. Aiseā e faapea atu ai o le lotomaulalo moni, e lē uiga atu i se tagata e na ona foliga mai e lotomaulalo?
4 O nisi tagata e foliga mai e lotomaulalo. E foliga filemu mai ma lē gaoiā. Pe e faaalia foʻi uiga faaaloalo ma tauagafau Luka 6:45.
ona o a latou tū ma aganuu, po o le auala na tausia aʻe ai. Ae atonu e faamaualuga o latou loto. O le mea moni, e iai lava le taimi e latou te faaalia mai ai mea o loo totonu i o latou loto.—5 I le isi itu, o tagata e i ai uiga mautinoa ma e lē fefefe e faaali o latou manatu, e lē faapea ai o tagata uma faapena, e faamaualuluga. (Ioa. 1:46, 47) O tagata tautalatala ma tau lē faamasania, e tatau ona faaeteete e aua neʻi faalagolago i o latou tomai, neʻi faamaualuluga ai. Po o le ā lava le ituaiga tagata e iai i tatou, e tatau iā i tatou uma ona galulue e atiaʻe le lotomaulalo.
Na faaalia e le aposetolo o Paulo le lotomaulalo e ala i lona lē faasilia o ia lava (Tagaʻi i le palakalafa e 6) *
6. O le ā e tatou te aʻoaʻoina mai i le faaaʻoaʻoga a Paulo o loo i le 1 Korinito 15:10?
6 Seʻi mātau le faaaʻoaʻoga a le aposetolo o Paulo. Na matuā faaaogā o ia e Ieova, e faavae faapotopotoga fou mai i lea aai i lea aai. Atonu e tele foʻi mea na ia faataunuuina i le faiva, nai lo o isi aposetolo o Iesu Keriso. Peitaʻi, e leʻi faasilia e Paulo o ia lava i ona uso. Na ia lotomaulalo e taʻutino mai: “O aʻu o lē e aupito faatauvaa o le ʻauaposetolo, ma e lē tatau ona taʻua aʻu o se aposetolo, auā na ou sauā i le faapotopotoga a le Atua.” (1 Kori. 15:9) O lea, na taʻu mai ma le faamaoni e Paulo, o le iai o se la faiā lelei ma Ieova, na māfua ona o le agalelei faifua o le Atua ae e lē o ona uiga po o ana galuega. (Faitau le 1 Korinito 15:10.) Maʻeu se lesona o le lotomaulalo o Paulo lea o loo i lana tusi i le faapotopotoga i Korinito, e ui lava na faitio nisi i le faapotopotoga ma manatu e sili atu i latou nai lo o Paulo!—2 Kori. 10:10.
Karl F. Klein o se uso lotomaulalo na avea ma sui o le Vaega Pule (Tagaʻi i le palakalafa e 7)
7. E faapefea i nisi o uso taʻimua i aso nei ona faaalia le lotomaulalo? Aumai se faaaʻoaʻoga.
7 E toʻatele tagata o Ieova ua faalaeiauina i le talaaga o le soifuaga o le uso o Karl F. Klein, o sē na avea ma sui o le Vaega *
Pule. I le talaaga o lona soifuaga, na lotomaulalo e taʻutino mai le tele o ona vaivaiga ma faafitauli na ia fesagaʻia, mo le tele o tausaga. O se faataʻitaʻiga, i le vaitausaga o le 1920, ina ua uma lana talaʻiga muamua, na faigatā tele iā te ia le galuega talaʻi, ma pe ā ma le lua tausaga e leʻi toe talaʻi. Mulimuli ane, a o auauna i le Peteli, na i ai se taimi na ia teuloto ai le ita ina ua aʻoaʻia o ia. E lē gata i lea, na aafia i le lagona mafatia ae na toe malosi. Na ia olioli foʻi i le tele o faaeaga matagofie. Seʻi mafaufau i le lotomaulalo o lenei uso e taʻutino mai ona vaivaiga! E manatua pea e le toʻatele o uso ma tuafafine le uso o Klein i lona talaaga faamaoni.AISEĀ E TATAU AI ONA TATOU ATIAʻE LE LOTOMAULALO?
8. E faapefea i le 1 Peteru 5:6 ona fesoasoani iā i tatou e iloa ai o le lotomaulalo e faafiafia ai Ieova?
8 O le māfuaaga sili ona tāua e tatou te atiaʻe ai le lotomaulalo, ona e faafiafiaina ai le finagalo o Ieova. Na faamanino mai e le aposetolo o Peteru lea vala. (Faitau le 1 Peteru 5:6.) O loo faamatala i le tusi “Come Be My Follower” upu a Peteru e faapea: “O le faamaualuga e pei o se vailaau oona. E mataʻutia ona aafiaga. O lenei uiga e mafai ona avea ai se tagata tomai ma sē e leai se aogā i le Atua. Ae i le isi itu, o le lotomaulalo, e mafai ona avea ai se tagata e faatauvaa ma sē e tāua iā Ieova. . . . E naunau [Ia] e faamanuia oe ona o lou lotomaulalo.” * Pe e i ai se isi mea e sili atu nai lo o lo tatou naunau e faafiafia le finagalo o Ieova?—Faata. 23:15.
9. E faapefea e le lotomaulalo ona māfana mai ai isi iā i tatou?
9 E lē gata i le faafiafiaina o le finagalo o Ieova, ae e tele aogā e tatou te maua pe a atiaʻe le lotomaulalo. O le lotomaulalo e māfana mai ai isi tagata iā i tatou. Ina ia malamalama i le māfuaaga, ia tuu oe i tulaga o isi. (Mata. 7:12) E tatou te lē mananaʻo e feutagaʻi ma se tasi e pulepuletutū e fai mea i lana auala, ma lē fia taliaina fautuaga mai i isi. I se faaeseesega, e faafouina i tatou pe a faaalia e uso i a tatou feutagaʻiga le ʻtigā alofa, alofa faaleuso, alofa māfana, ma le lotomaulalo.’ (1 Pete. 3:8) Pe a tatou māfana i uso, e mautinoa e māfana mai foʻi iā i tatou, pe a tatou lotomaulalo.
10. E faapefea i le lotomaulalo ona faafaigofie ai o tatou olaga?
10 O le lotomaulalo foʻi e faafaigofie ai o tatou olaga. O le mea moni lava, e tatou te Fai. 10:7) O i latou e tele le tomai e seāseā viiviia pe mātauina e isi. A o i latou e itiiti o latou tomai, o nisi taimi ua sili atu ona viiviia i latou nai lo o le mea e tatau ona i ai. E ui i lea, na taʻutino mai Solomona, e atamai pe a tatou talia le tulaga moni o mea, nai lo o le alu uma o le taimi e mafaufau ai i tulaga lē lelei ua tutupu iā i tatou. (Fai. 6:9) Pe a tatou lotomaulalo, o le a faigofie ona talia le tulaga moni o mea e tutupu i le olaga, ae e lē o mea e tatou te mafaufau e tatau ona i ai.
ono mātauina ni faiga lē tonu o le olaga. Na faapea mai le tupu o Solomona: “Ua ou vaai i auauna o loo tiʻetiʻe i solofanua a ua savavali perenise i le laueleele e pei o ni auauna.” (O Ā TULAGA E TOFOTOFOINA AI LO TATOU LOTOMAULALO?
E faapefea i lenei tulaga ona tofotofoina ai lo tatou lotomaulalo? (Tagaʻi i palakalafa e 11-12) *
11. O le ā le auala e tatou te tali atu ai pe a aʻoaʻia i tatou?
11 I aso taʻitasi, e tele avanoa e tatou te maua e faaalia ai le lotomaulalo. Ia mātau nisi o nei faaaʻoaʻoga. Pe a tatou maua aʻoaʻiga. E tatau ona tatou manatuaina pe a faaalu e se tasi se taimi e aʻoaʻi ai i tatou, atonu e telē se mea sesē ua tatou faia e aunoa ma le iloaina. I na taimi, atonu e muamua lava ona tatou faaalia le tetee i le aʻoaʻiga. E tatou te ono faitioina le tagata na aʻoaʻia i tatou, po o le auala na aumai ai le aʻoaʻiga. Ae pe a lotomaulalo, o le a tatou taumafai malosi e maua se vaaiga paleni.
12. I le Faataoto 27:5, 6, aiseā e tatau ai ona tatou talisapaia se tasi na te aumaia se aʻoaʻiga mo i tatou? Ia aumai se faataʻitaʻiga.
12 O se tagata lotomaulalo e talisapaia aʻoaʻiga. Seʻi fai se faataʻitaʻiga: Seʻi faapea o loo e i ai i se sauniga faa-Kerisiano. Ina ua uma ona outou talanoa ma uso ma tuafāfine, ua musumusu atu se isi iā te oe ma faapea atu o loo pipii se fasi meaʻai i ou nifo. E mautinoa e te mā. Ae e te talisapaia le fai atu o lenā tagata iā te oe. O le mea moni, e te ono mafaufau e maʻimau pe ana vave fai atu se isi iā te oe! I se tulaga talitutusa, e tatau ona tatou lotomaulalo e talia se aʻoaʻiga mai i se uso e lototele, e aumai i le taimi e tatou te manaʻomia ai. E tatou te vaai i lenā uso o se uō, ae e lē o se fili.—Faitau le Faataoto 27:5, 6; Kala. 4:16.
Aiseā e manaʻomia ai le lotomaulalo pe a maua e isi ni faaeaga o le auaunaga? (Tagaʻi i palakalafa e 13-14) *
13. E faapefea ona tatou faaalia le lotomaulalo pe a maua e isi faaeaga o le auaunaga?
13 Pe a maua e isi ni faaeaga o le auaunaga. Na taʻutino mai e se toeaina e igoa iā Jason e faapea, “Pe a maua e isi ni faaeaga, e iai taimi ou te mafaufau pe aiseā e leʻi tofiaina ai aʻu.” Pe e te mafaufau faapena? O se mea lelei le “aapa atu” e faia mea e tele i le auaunaga iā Ieova. (1 Timo. 3:1) Peitaʻi, e tatau ona leoleoina o tatou mafaufauga. Pe a tatou lē faaeteete, o le a tatou faatagaina le faamaualuga e tupu aʻe i o tatou loto. O se faaaʻoaʻoga, e ono amata ona manatu se uso Kerisiano e sili atu lona agavaa mo se tofiga. Pe e mafaufau foʻi se avā Kerisiano e faapea, ʻE sili atu ona agavaa laʻu tane nai lo o uso la!’ Peitaʻi, pe a tatou lotomaulalo moni, o le a tatou teena la lenā agaga faamaualuga.
14. O le ā e tatou te aʻoaʻoina mai le auala na tali atu ai Mose ina ua maua e isi ni faaeaga?
14 E mafai ona tatou faaaʻoaʻo i le auala na tali atu ai Mose ina ua maua e isi faaeaga. Na talisapaia e Mose lona tofiga e taʻitaʻiina le nuu o Isaraelu. Ae o le ā lana tali atu ina ua faataga e Ieova isi e latou te galulue faatasi? E leʻi lotoleaga Mose. (Nu. 11:24-29) Na lotomaulalo Mose e faataga isi e latou te tauaveina lana avega, o le faamasino o tagata. (Eso. 18:13-24) O lona uiga, ua faaleleia le auaunaga mo tagata Isaraelu lea na tofia ai o ia e faamasino. Sa faamuamua e Mose le lelei o isi nai lo o le maua o faaeaga. Maʻeu se faaaʻoaʻoga lelei mo i tatou! Ia manatua, pe a tatou mananaʻo moni e faaaogā i tatou e Ieova, e tatau ona sili atu lo tatou lotomaulalo i o tatou tomai. E ui “e maualuga Ieova, a ua silasila mai o ia i le tagata lotomaulalo.”—Sala. 138:6.
15. O ā suiga fou ua feagai ma le toʻatele?
15 Pe a feagai ma suiga fou. I tausaga talu ai, o le toʻatele ua i ai agavaa mo le tele o tausaga, na suia o latou tofiga. O se faaaʻoaʻoga, i le 2014, na tofia ovasia itumalo ma a latou avā i isi vala o le auaunaga faataimi atoa. O le tausaga foʻi lenā, na amata ai ona lē toe avea i latou ua atoa le 70 tausaga ma ovasia o matagaluega. O uso ua 80 tausaga pe sili atu, ua lē mafai ona toe avea ma sooupu o le ʻautoeaina. E lē gata i lea, i nai tausaga ua mavae, e toʻatele foʻi sui o le aiga Peteli ua toe tofia i le fanua. O isi ua lē toe auauna faapitoa faataimi
atoa ona o le faalētonu o le soifua mālōlōina, tiute tauave i le aiga, po o isi tulaga.16. Na faapefea ona faaalia e o tatou uso ma tuafāfine le lotomaulalo e faamasani i suiga fou?
16 E lē faigofie i le toʻatele o na uso ma tuafāfine na suiga. E mautinoa, na matuā pele iā i latou tofiga na iai mo le tele o tausaga. O nisi na lagona le “mafatia” a o tau faamasani i o latou tofiga fou. E leʻi umi, ae masani. Aiseā? Talu ai na sili atu lo latou alolofa iā Ieova. Na latou iloa, na tuuina atu i latou i le Atua ae lē o se galuega, se faaeaga po o se tofiga. (Kolo. 3:23) E latou te fiafia e auauna pea iā Ieova ma le lotomaulalo i so o se faaeaga. E latou te “taʻu atu o [latou] popolega uma iā te ia,” ma iloa e manatu mamafa mai o Ia iā i latou.—1 Pete. 5:6, 7.
17. Aiseā e tatou te lotofaafetai ai i le faalaeiau mai o le Afioga a le Atua, e atiaʻe le lotomaulalo?
17 Pe e tatou te lē lagona ea le lototalisapaia, a o faalaeiau i tatou e le Afioga a le Atua e atiaʻe le lotomaulalo? Pe a tatou atiaʻe lenei uiga matagofie, e lē gata o le a aogā iā i tatou faapea ma isi. Ua mafai ai ona tatou feagai ma faigatā o le olaga. Ae e sili atu ona tāua, ua tatou mafuta vavalalata atu ai i lo tatou Tamā i le lagi. Maʻeu le faafiafiaina o i tatou i le iloa, e ui o ia o “Lē ua Silisili ma Maualuga,” ae e alofa ma e tāua iā te ia ana auauna lotomaulalo!—Isa. 57:15.
PESE 45 O Manatunatuga o Loʻu Loto
^ pala. 5 O le lotomaulalo, o se tasi o uiga e sili ona tāua e manaʻomia ona atiaʻe. O le ā le lotomaulalo? Aiseā e tatau ai ona tatou atiaʻe le lotomaulalo? O ā auala e tofotofoina ai lo tatou lotomaulalo, pe a suia tulaga o mea? O le a talanoaina i lenei mataupu nei fesili tāua.
^ pala. 7 Tagaʻi i le mataupu “Jehovah Has Dealt Rewardingly With Me” i Le Olomatamata o Oketopa 1, 1984 i le faa-Peretania.
^ pala. 8 Tagaʻi i le mata. 3, pala. 23.
^ pala. 53 FAAMATALAGA O ATA: A o iai i le fale o se uso, na lotomaulalo le aposetolo o Paulo e fiafia faatasi ma isi, e aofia ai ma talavou.
^ pala. 57 FAAMATALAGA O ATA: Ua talia e se uso se fautuaga faale-Tusi Paia mai i se uso talavou.
^ pala. 59 FAAMATALAGA O ATA: E lē o matauʻa le uso matua i le uso talavou ua maua se faaeaga i le faapotopotoga.