Mea Taua Mai Le Tusi Paia—Eseta 1:1—10:3

Faasaoina Tauatua Mai le Faaumatiaga

O le faataumaoiina e mogea ai le tino a e paga lona aʻiaʻi o talavou ma e matutua, o e iti ma fafine, ua matua faaumatia e aunoa ma se tasi o totoe. E leai se tasi e mafai ona tetee atu i le fuafuaga, aua o le faatonuga mo le faasalaga ua faamauina i le faamaufaailoga a le tupu. Ioe, o le a oti tagata Iutaia e pei o povi e leai so latou fesoasoani!

O le mea moni o le vaaiga lea o mea sa ia Hamanu, le palemia o Peresia anamua. Sa ia fuafuaina lenei fasiotiga tagata matautia ona o le faapouliuligia i lona ita tele i le Iutaia Moretekai. Ae peitai a o faatalitali fiafia Hamanu mo lona manumalo, sa tatalo tagata Iutaia mo le faasaoina. O le iuga? O loo faaalia i le tusi faamaniti tino o le Tusi Paia o Eseta. Sa tusia lava e Moretekai, o se tala e faamalosia ai le faatuatua o le auala na sau ai le fesoasoani tauatua, atoa ma le faatuatua o se fafine talavou—na faasaoina ai le nuu.

Avea Eseta ma Masiofo

Faamolemole faitau le Eseta 1:1–2:23. Pe tusa o le 484 T.L.M. sa faia ai e le tupu o Peresia o Asueru (Aretasesa 1) se tausamiga tele. Ae peitai sa teena e le Masiofo o Vasati lona faatonuga ina ia auai. Sa tuuesea e le tupu toatamai o ia mai lona tulaga ma fuafuaina ina ia toe maua se masiofo fou. Ina ua uma ona suesueina o fafine lalelei uma i le malo, sa ia filifilia le teine lalelei Iutaia e igoa ia Hatesa, o le na saunia mo lenei vaega e Moretekai o lona tausoga. Sa natia e lenei teine talavou le mea moni o ia o se Iutaia, i le faaaogaina lea o lona igoa Peresia o Eseta.

◆ 1:3-5—Ai se a na faia ai nei tausamiga?

E tusa ai ma le tusitala o Herodotus, sa valaauina e Aretaseta se tasi fonotaga e fuafua ai se osofaiga faavaegaau faasaga ia Eleni. Atonu o le faatasiga lava lea e tasi. E le taumatea, sa fia faaalialia e Aretaseta le mamalu ma le tamaoaiga o lona malo e faaalia ai le malualii ma lona tomai e tauaveina le osofaiga i Eleni i luma o aloalii ina ia ioe ai i lana taumafaiga.

◆ 1:8—O le a le tulafono e faatatau i le inu ʻava?

E tino mai o le tu a Peresia e tauanau e le tasi le isi ia inu se vaega faatapulaaina i nei faatasiga. Ae peitai ua faia e le tupu se faaesega i lenei faatasiga. E le ma iloa pe na iu i se tulaga pulea pe leai foi lenei inuga, e le o taʻu maia e le Tusi Paia.

◆ 2:19, 20—Ai se a na nofo ai Moretekai ‘i le faitotoa o le tupu’?

E foliga mai o Moretekai o se tasi o alii ofisa a le Tupu o Asueru. O nei tane ua i ai le pule e masani lava ona nonofo i le faitotoa, e faatali ai aua se mea e finagalo ai le tupu. Atonu o le tulaga o Moretekai o se tofi faaaloalogia. Aua a na le o lea, semanu e vave ona faateʻa o ia e Hamanu. O le mea lea na i ai Moretekai i se tulaga na ia iloa ai ma faaleaogaina le taupulepulega e tagata valeina le tupu.

Lesona mo i Tatou: Sa faaalia e Eseta le taua o le le teu anoai i lona talosagaina o ni maa taua po o ni ofu matagofie a o lei alu atu i luma o le tupu. Sa ia faatagaina le tagata lilo o lona loto, faatasi ai le “loto agamalu ma le filemu,” e maua ia le finagalo malie o le tupu. (1 Peteru 3:1-5) E faapena foi, le vaega totoe faauuina na aoaoina talu mai le 1919 sa latou maua le finagalo malie o le Tupu o Iesu Keriso.

Fouvalega a Hamanu

Faitau 3:1–5:14. Na avea e Asueru le tagata Amaleka e igoa ia Hamanu ma palemia. Ae peitai, o loo teu pea i le mafaufau o Moretekai faapea “e tau o Ieova le taua ma Amaleka mai lea tupulaga i lea tupulaga” na ia teena ai lona ifo atu ia Hamanu. (Esoto 17:8-16) I lona fia taui ma sui, sa faatauanau ai e Hamanu faamaualuga le tupu ina ia faaumatia tagata Iutaia!

Sa fai atu Moretekai ia Eseta ina ia faasalavei ane, faamanatu atu ia te ia faapea, a fai na te le faia, “e tupu mai le tuusaunoaina ma le laveaiina o sa Iuta mai se tasi mea.” Talu ai o le lumanai o tagata o Ieova ma lana faamasinoga faasaga ia Amaleka ua avea ma finauga, o lea ua mautinoa ai e Moretekai o le a aumaia e le Atua le faasaoina. (1 Samuelu 12:22) Ua faalatalata atu Eseta i le tupu a lei amia—o se matua sala e ono oti ai! A e na faasaoina e Asueru lona ola ma au atu i le tausamiga na ia saunia. I lona foi atu i le fale, sa matua ita tele Hamanu ia Moretekai ona o lona le ifo ia te ia, ua ia fuafuaina ai se fasiotiga o Moretekai.

◆ 3:7—O le a na aafia i le faia o le le Puro?

O le “Puro” e aliali mai o se upu Peresia o lona uiga o le “vili” O vili la e masani lava ona faia e tagata suesue i fetu e pei o se mea faataulaitu. E faapena la, le faia o lenei vili ina ia iloa tino ai le taimi e sili ona lelei mo Hamanu e faataunuu ai ana fuafuaga mo le fasiotia o sa Iuta.

◆ 4:3—Ai se a na anapopogi ai Moretekai ma sa Iuta?

Aua o se mala faalemalo ua lata tele mai, ma o le taimi lea o le faanoanoa ma manatunatuga loloto. (Failauga 3:4) Ua latou matua manaomia lava le taʻitaʻiga tauatua. O le anapogi o le faailoga lea o lo latou liliu atu ia Ieova mo le malosi ma le poto manaomia. Pe a fesagai ma faigata, e le liliu atu ea ia Ieova i le tatalo?—Eperu 5:7.

◆ 5:6-8—Ai se a na faatuai ai ona faailoa e Eseta i le tupu?

Sa lei faavaivaia Eseta e lona loto, talu ai ua sao o ia mai le oti. Ae peitai, o le mea moni sa ia manao ia maua muamua le finagalo lelei o le tupu. O lea, sa ia toe valaaulia ai o ia i le isi taumafataga. Sa aafia foi le taʻitaʻiga tauatua, talu ai o le taimi sa va aʻi ua tuu ai mo nisi fuafuaga.

Lesona mo i Tatou: Sa faaalia  e Eseta le faatuatua, loto tele, ma le loto malie e usitai i le faatonuga a Moretekai. O i latou ua avea ma nisi o le vaega totoe faauuina tau mai le 1919 na latou faaalia lo latou matua faatuatua, loto tele, ma le loto malie e galulue ma sui tuai o le faatoanofotane a Keriso. O ni faaaoaoga e sili ona lelei!

Ua Taofi Fuafua Lilo

Faitau le 6:1–7:10. Sa mafatia tele Asueru i le le maua o sana moe, e le taumate sa i ai le uunaiga tauatua. Atonu sa i ai sona faalogona o loo i ai se mea ua ia le taulau ai, ona aumaia lea ia te ia le tusi o faamaumauga, atonu o tusi e faitauina i ona luma. E lei tauia lava Moretekai ona o lona faailoa atu o se fuafuaga lilo ia tagata valeina le tupu, sa fesili atu le tupu ia Hamanu mo se fautuaga i se taui talafeagai. Sa manatu Hamanu ia te ia o le ua faaneeneeina e le tupu ma fautuaina ai se sauniga faalialia. Ae peitai na faateʻia o ia ina ua faatonuina ia faafaupue nei mamalu uma i luga o Moretekai! Sa iloa lelei e faufautua a Hamanu o le faailoga lenei o lona matua pau lava. A o lei uma le talanoaina o lenei faamaina, a e ua faanatinati atu nei Hamanu i le taumafataga lona lua na saunia e Eseta. I ina sa valaaulia ai loa e le tupu Eseta ia faailoa atu lona manao. “Seʻi e faaola mai ia te au i loʻu ole atu, ia faaola foi loʻu nuu i loʻu faatoga atu,” sa talosaga atu ai le masiofo loto tele. I le faaalia atu o ia o lo sa Iuta, sa ia faaalia ai le fuafuaga a Hamanu. Sa faatoga atu Hamanu ma le mataʻu ina ia faasaoina lona ola a e na i lo o lea, o le oti—i luga o le laau na fuafuaina mo Moretekai!

◆ 7:4—Ai se a o le a avea ai o se mea leaga mo le tupu le faaumatiaina o sa Iuta?

Pe ana fuafuaina e Hamanu le faatauina atu o sa Iuta e avea ma pologa, atonu e mafai ona avea lenei o se manuia mo Asueru. Ae peitai o le faaumatiaina o ni tagata atoa o se malo o le a iu ina le maua ai tupe e tele e sili atu na i lo o le 10,000 taleni o siliva na folafolaina atu e Hamanu na e totogiina. O le a iu foi ina mavae ai le tupu ma lana masiofo pe ana faapea e manuia le fuafuaga na faia mo le faaumatiaina o sa Iuta—o se matua faaleagaina aʻiaʻi totino!

◆ 7:8—Ai se a na ufitia ai mata o Hamanu?

Sa lei ufitia e Hamanu ona lava mata i le masiasi po o le salamo. O le mea moni o e mautofi i le faamasinoga sa latou ufitia ona mata atonu ina ia faailoa atu ai le maasiasi po o le faasalaga o le oti.

Lesona mo i Tatou: I le afaina o lona ola, sa faailoa atu ai e Eseta ma le loto tele o ia o le sa Iuta. Talu mai le 1931, sa faapena foi ona afaina tagata o le Atua i sauaga i le faailoina atu lea o i latou o Molimau a Ieova. (Isaia 43:10-12) E faapena ea lou loto tele?

Faasaoina Tagata o le Atua

Faitau 8:1-10:3. Ua avea nei Moretekai ma palemia e sui tulaga ia Hamanu. I le toe tuuina foi o lona ola i se tulaga matautia, sa toe faalatalata atu foi Eseta i le tupu e aunoa ma se faatagaina ma faatonuga atu ina ia faia ni laasaga e tatalaina ai le fuafuaga leaga a Hamanu. Sa finagalo i ai le tupu ma faatagaina ai loa Moretekai e pule i upu e tusia i le igoa o Asueru. E ui lava o le tu a Peresia o tulafono ua uma ona faamauina e le toe mafai ona tatalaina, o lenei tulafono fou ua faatagaina ai sa Iuta e puipuia i latou lava.

Ua alu atu le puapuaga ai sa Iuta! Ua le toe avea o ni tagata ua leai se fesoasoani, ua tuuina atu nei ia i latou ni nai masina e saunia ia i latou mo lo latou puipuiga. Mulimuli anei, au oo mai le aso 13 o le masina o Atava (Fepuari-Mati) O ni tagata se toa 75,000 o e na ita i sa Iuta. O lea ua galo ia te i latou o lenei manumalo e mai ia Ieova. Ua poloaiina nei e Moretekai ina ia faia se Tausamiga o Puro i le aso 14 ma le 15 o Atara.

◆ 8:5—Sa faapefea ona faaalia e Eseta le faautauta?

Sa fuaina lelei ma le faaeteete e Eseta ana upu, i lona faatoga atu i le tupu ina ia liliueseina le tusi o le manatu o Hamanu “o le na tusi atu.” Ma le faaaloalo lava, sa ia alofia le taua o le aia tatau a le tupu i lenei mea. E faapena foi i Kerisiano ona faaaloalo pe a molimau atu i luma o sui o le malo.

◆ 8:17—Na faapefea ona faailoa atu e tagata o i latou o sa Iuta?

Fai mai le Septuagint faapea o nei tagata Peresia “sa peritomeina ma fai ma tagata o sa Iuta.” O le mea moni o le avea o le poloaiga mulimuli ma faailoaga o le lagolagoina tauatua o sa Iuta, e toatele tagata Peresia ua avea ma tagata o sa Iuta ua liliuina. E faapena foi aso nei, o le “motu o tagata e toatele” o “isi mamoe” ua latou tutu faatasi ma le vaega totoe faauuina.—Faaaliga 7:9; Ioane 10:16; Sakaria 8:23.

◆ 9:10, 15, 16—Ai se a na le avea ai e sa Iuta le vete?

O le poloaiga a le tupu na tuuina atu ia le pule ia i latou e avea le vete. Ae peitai o lo latou le faia faapea, na faaalia moni ai faapea o la latou fuafuaga o le fia faasaoina o i latou, a e le ina ia latou tamaoaiga ai.

Lesona mo i Tatou: E pei o sa Iuta i aso o Eseta, ua tagi sa ai ma le tonu e Molimau a Ieova malo ma faamasinoga mo le puipuiga mai fili. Ae maise lava talu mai le Taua ll a le Lalolagi sa tatau ai lava ona faia lenei mea ona o osofaiga faagaeeina e taʻitaʻi lotu i tagata o le Atua. Faatasi ai ma le faamanuiaga a Ieova, na mafai ai ona manumalo mai i le tele o tauiviga iloga i faamasinoga.

Ua avea le tusi o Eseta ma puna o le faamoemoe ma faamalosiau i Molimau a Ieova i aso nei. Ua latou iloa o le ita faifai pea o Satani ia i latou ua le o toe umi ae iu i lona faia o se taumafaiga malosi mulimuli ina ia faaumatia ai i latou. A e o le mea moni o le auala tonu o le a puipuia ai i latou e Ieova e lei faailoa maia. (Esekielu 38:16-23) A e peitai ua latou mautinoa faapea, e pei o aso o Eseta, o le a le tuulafoaia e Ieova ona tagata. I le taimi tonu, o le a ia tuuina atu ia i latou le “mapusaga ma le faasaoina.”