Filemu ma le Saogalemu—Mai le a le Puna?

A O FAIA e Malo Aufaatasi galuega taua i le tele o ni matata, soo se tasi o faalogologo pea i tala o mea tutupu e tatau ona ioe ua matua le taulau lava Malo Aufaatasi i le vaipanoa tau le filemu ma le saogalemu. Ua ioeina lenei mea e tagata ua matua lagolagoina aʻiaʻi le faalapotopotoga.

O lea, i tuā i le 1153, pe tusa ma le valu tausaga talu lona fanau mai, taʻutino mai le Dag Hammarskjold, o le na avea ma failautusi sili: “O le mea sa moemiti i ai o tatou uluai taʻitaʻi i se lagi fou, o lo tatou faamoemoe sili ina ia faatagaina i tatou e faasaoina le lalolagi tuai.” Ina ua mavae le 26 tausaga sa faamalosia le sui failautusi a le malo o le Iunaite Setete o C. William Maynes e faapea: “O fuafuaga autu a le Komiti mo le Saogalemu ma le Fono Lautele o le tausia lea o le filemu ma le saogalemu faavaomalo . . . Ua e iloa nei faamaoniga o le le taulau o le faalapotopotoga i lana fuafuaga autu.”

Ua Faapefea Ona Talafeagai?

O le mea moni, o le tele o filifiliga taua na aafia ai le filemu ma le saogalemu talu le 40 tausaga sa faia i se tulaga tele i fafo o Malo Aufaatasi. I se 1982, sa faailoa mai ma le faanoanoa tele e le Failautusi Sili o Javier Perez de Cuellar le mea moni faapea “o lenei tausaga, ua tatou vaaia ai mai lea taimi i lea taimi ua tulei esea le Faalapotopotoga po ua teena foi, ona o lenei po lena mafuaaga, i tulaga sa ao ma na tatau foi, ona ia faia ai se vaega e faaleleia ai.” Ai se a ua faapea ai?

Ua faasino nisi i le faatuputeleina o sui o le faalapotopotoga o se tasi o mafuaaga. O le 51 o sui i le amataga ua faateleina nei i le sili atu i le 150, e taitasi ma lana palota tutusa i le Fono Lautele. E ui lava o nisi o nei malo e toaitiiti naua. O lea, o le malo le motu o Saint Christopher ma Nevis, le malo lona 158 lena ua ofi atu nei i le faalapotopotoga, o lona faitau aofai e itiiti ifo i le 50,000, a e ua tutusa a la palota ma Saina, o lona faitau aofai e toeitiiti lava tasi le piliona. E moni o lenei fuafuaga ua tuuina atu ai i alo laiti le avanoa e lagona ai so latou leo; a e peitai e matua faigata tele ona faamalosi au atu i malo tetele ina ia uigā lo latou manatu i filifiliga a le faalapotopotoga.

O le faafitauli lona lua ua laga e Shirley Hazzard: “O le malosi o uunaiga sa le i ai i le Faalapotopotoga a Malo Aufaatasi, se vagana ona ua nofoi i sui ua sili ona manaomia le uunaiga.” I se tasi faaupuga, e fai e le faalapotopotoga filifiliga, a e i lona vaega tele na e le mafaia ona faamalosia i latou. O le tele o faafitauli mamafa i le lalolagi e masani  lava ona talanoa ina i se taimi umi. E pasia aloaia faaiuga—ona faagaloina foi lea. I le 1882 sa uunaia ai le failautusi sili a le UN e faailoa mai ma le faanoanoa “le leai o se faaaloalo mo ana faaiuga e i latou o loo fai agai atu i ai.”

O faafitauli faalefaalapotopotoga na—ma e i ai foi isi e pei ona taʻua e tagata suesue. Ae o loo i ai mafuaaga loloto e sili atu ona uigā ua le taulau ai Malo Aufaatasi.

Faafitauli Sili Ona Loloto

“O lea, e aliali mai e faigofie ona faatuina, e avea o se uluai mea e tatau ona faia, o se faiga e aumaia ai le filemu ma le saogalemu i le va o malo i lalo o mea o loo aumaia i le Tusi Faavae,” sa taʻua e Javier Perez de Cuellar, e faamanatu mai ai faamoemoega o i latou na faavaeina le faalapotopotoga. “O le a ua tupu e lena vaaiga siitia? Sa lei pine a e ufitia i ao o eseesega o Malo sili . . . Ae sili atu, o le mea na tupu ua avea le lalolagi ma lavelave, ua sili atu ona le pulea na i lo o le mea sa faamoemoeina.”

O le mea moni, sa leai lava se avanoa e mafai ai e Malo Aufaatasi ona aumaia le filemu ma le saogalemu. E matua faigata tele le taumafaiga. Ua faamanatu mai ia i tatou e faamatalaga a le failautusi sili upu a le perofeta o Ieremia: “E le o i le tagata e savali ona faatonuina le mea e ui ai o ia.” (Ieremia 10:23) O le fanau a tagata, e gata mai lo latou poto ma le tomai, latou te le mafaia lava ona foia faafitauli o le aumaia o le filemu ma le saogalemu i tagata uma.

Sa faapea mai le failautusi sili o e na faavaeina Malo aufaatasi ua latou fetaiai “ua sili atu ona lavelave” le lalolagi na i lo o le mea sa latou faamoemoeina. E i ai se mafuaaga autu mo lenei tulaga. Ae peitai ua faamanino mai e le aposetolo o Ioane e faapea: “A o le lalolagi uma o loo nofo toilalo i loo leaga.” (1 Ioane 5:19) Ua taʻu mai e le Tusi Paia ia i tatou faapea i aso nei o le o “loo leaga” o Satani, ua mafua ai ona “oi talofa ia te outou o e nonofo i le fanua ma le sami” “ua lotoa tele.” (Faaaliga 12:12) Ua iloa manino nei faiga leaga a Satani ma ana aafiaga ua faaumatia ia taumafaiga a Malo Aufaatasi e aumaia ai le filemu a o lei faavaeina le faalapotopotoga.

Ia manatua foi, o le faalapotopotoga a Malo Aufaatasi ua na o se tama a le lalolagi nei ma ua faapea ona faia i ona uiga. O vaivaiga, o mea leaga, ma le iuvale ua fai ma sui o malo taitasi ua mautinoa foi le i ai i totonu o Malo Aufaatasi. Sa taʻua mai o Alexander Solzhenitsyn na faia sana upu i le 1972: “I le kuata senituri ua mavae, sa faatuina ai Malo Aufaatasi o se faamoemoe tele mo le fanau uma lava a tagata. Faauta, i se lalolagi amio leaga ua tuputupu aʻe ai foi ma le amio leaga.” Ua lapatai mai le Tusi Paia: “Ua fetalai mai Ieova, ‘E leai se filemu i e amio leaga.’” (Isaia 48:22) O se faalapotopotoga “amio leaga” na te le mafaia ona aumaia le filemu ma le saogalemu.

A e Faapefea le Filemu ma le Saogalemu?

O le mea lea, pe o le a i ai ea se eseesega i le faalauiloaina mai o le 1986 o le a avea ma  “Tausaga Faavaomalo o le Filemu”? E le taitai ona taulau, talu ai o faafitauli na uluai taʻua ua le mafoia e tagata. O le “Tausaga o le Filemu’ e le aumaia ai le fanau a tagata ia latalata atu i le filemu ma le saogalemu e pei lava o le “Year of the Child” i le 1979 sa leʻi faamaonia ai le tele o tamaiti faavaomalo po o le “International Women’s Year” i le 1975 sa lei avea ai le lalolagi ma nofoaga e sili ona lelei mo le tamaitai.

Ae peitai, afai e faasaoina le fanau a tagata, e tino mai e tatau ona i ai se tasi na te faia se mea e uiga i le filemu ma le saogalemu. I aso nei, o malo ua faaauupegaina i mea tau faa-niukelea ua i se tulaga e faaumatia ai le tele o ola i luga o le lalolagi. O gaosia pea o auupega masani i le lalolagi ua mafua ai ona maimau le le mafaitaulia o ola i tausaga taitasi. O le filemu moni e foliga ua mamao ese atu e faavavau! Afai ua le mafaia e Malo Aufaatasi ona foia nei faafitauli, o ai la o le na te mafaia?

O le tagai atu i talafaasolopito ua aliaʻi mai ai se tali e aumaia ai se faamoemoe. E tusa ma le 3,000 tausaga ua mavae sa tusia ai e se tupu fitafita o Sasae Totonu, o le Tupu o Tavita, e uiga i se pule i le lumanai o le o le a taulau ona aumaia o le filemu faavaomalo. I lana tatalo atu o lenei pule, sa faapea mai Tavita: “E fua mai mauga le manuia mo le nuu, ma mauga iti e fua mai le amiotonu. O lana nofoaiga e tupu olaola mai ai le ua amiotonu; e manuia tele ai seia leai se masina.”—Salamo 72:3, 7.

O le a le pule o le a mafai ona aumaia o lenei filemu e faavavau? Sa faasino atu e Tavita, e le i se faalapotopotoga faalelalolagi, a e i lona Atua, o Ieova, o le e ala i lana pulega o le a tupu ai lenei mea. Pe sa na o ni moomooga o mafaufauga ea lenei mea? E leai. O le atalii o Tavita o Solomona sa faalagolago i lea lava Atua e tasi, ma i lana pulega, na faaalia ai e Ieova Lona mana i se auala faaletino i le aumaia lea o le filemu i malo o Solomona, na faatuina i se nofoaga sa sili atu ona vevesi i taua i le lalolagi atoa. O Solomona sa le o se tupu—fitafita, i lea, i le taimi o lana pulega, “sa nofo i lalo o lona vine, ma lalo o lona mati, e gata mai i Tanu, [i le itu i matu], e pau mai Peresepa [i Saute], i ona po uma o Solomona.”—1 Tupu 4:25.

O le mea moni, e lei tumau lena filemu. Sa pauu atu Isaraelu i ala amioleaga o le lalolagi ma leiloa ai lo latou saogalemu mai le Atua. Ae ui i lea, e sili atu i le lua senituri mulimuli ane, ao auai Asuria saua i se feagaiga o le filemu e ala i faatosinaga tau faamataʻu, sa valoia e Isaia le oo mai o le Tupu na faatagaina e Solomona. Na ia tusia: “E igoa foi o ia o le Silisili ese . . . o le Alii o le filemu. E leai se mea e gata mai ai ona tele o lona malo ma le filemu o lona malo.”—Isaia 9:6, 7.

O ai lena “Alii o le filemu”? I le sili atu i le 700 tausaga ina ua mavae Isaia, a o taumafai le Emepaea o Roma e faamalosia lana faauigana o le filemu ma le saogalemu faavaomalo, sa afio mai loa lena Tupu i le nuu o Tavita, i Iutaia, i le tagata o Iesu Keriso. Sa ia taʻu atu i tagata o lona atunuu e uiga i le Malo o le Atua, lea o le a avea ai o ia ma tupu o lenei Malo e faalelagi, o lea o le a mafaia ona foia faafitauli o aafiaga a Satani ma le le taulau o  taumafaiga a le tagata e pulea ia lava. E foliga mai sa sili ona fiafia tagata o le atunuu o Iesu i le puleaga a Roma ma iu ai ina fasiotia Iesu i se faamasinoga le tonu. Ui i lea, ua faaalia manino mai e talatuufaasolo, sa toe faatuina mai o ia nai le oti ma afio atu i le lagi, ma faatali ai mo le taimi atofaina a le Atua mo ia e amata ai lana pule o se Tupu o le Malo o le Atua.

O le mea moni, o le faataunuuga o valoaga ua faailogaina ai o tatou aso nei o le taimi o le a tupu ai lena mea mataʻutia. O le fanau mai o le Malo o le Atua i le lagi ma le lafoina ifo o Satani mulimuli ane ai i le lalolagi na taʻitaʻiina atu ai i le “lotoa tele” o Satani ma lona faamafuaina o le “oi talofa ia te outou o e o nonofo i le fanua ma le sami.” (Faaaliga 12:7-12) O le iuga? O taua ma isi puapuaga faaletagata, e pei ona valoia mai e Iesu. Ua avea le lalolagi ma mataaga o le “atuatuvale o nuu i le fememeai.”—Luka 21:25, 26; Mataio 24:3-13.

O le Ala a Tagata po o le Ala a le Atua?

O valoaga a Iesu, na oo mai ia i tatou ua toeitiiti atoa le 2,000 tausaga ua mavae, ua maua ia faamatalaga e sili atu ona saʻo tulaga o le lalolagi na i lo o faamatalaga o folafolaga i le faatoa faavaeina o Malo Aufaatasi i le 40 tausaga ua mavae. O le le taulau o lena faalapotopotoga ona o le “fememeai” ua na ona faamatilatila mai ai le moni o valoaga a le Tusi Paia. E moni lava, i upu a Isaia, ‘e tagi lotulotu o le savali o le faaleleiga’ ona o le tiga ina ua latou le taulau.—Isaia 33:7.

Ua faamatilatila mai ai i lenei mea lea mafuaaga mulimuli ua le mafai ai ona manuia Malo Aufaatasi i le aumaia o le filemu i le lalolagi. Ua ui i le ala e faasagatau atu ai i le ala a le Atua. Ina ia tusa ai ma fuafuaga faatulagaina a Ieova, o le filemu o le a aumaia, e le mai le aufaatasi o malo o le lalolagi, a e mai i le suia atoatoa e le Malo o le Atua (Tanielu 2:44) Sa faapea mai Dag Hammarskjold sa ia galue ina ia “faasaoina le lalolagi tuai.” Afai sa ia uiga i inei i le faiga o mea o loo sau e faavae i faiga faapolitiki o malo tutoatasi, o lona uiga ua maimau ona faamoemoega i le le taulau ona faataunuuina mai lava i le amataga. O lea moni o le “lalolagi tuai” e tatau ona faava le ala mo le faiga fou. “O le a mavae atu foi le lalolagi.” (1 Ioane 2:17) E leai se mea na te mafai ona faasaoina mai ai o ia, e le mafai foi e Malo Aufaatasi.

Ona ua tuuina atu ia te ia le manatu faapito faavaomalo o malo, ua na o le tasi le auala moni e aumaia ai le filemu ma le saogalemu. Ua na o le Malo lava o le Atua e mafai ona aumaia le ituaiga o filemu lea ua leva ona momoo i ai le tagata talu lona tulieseina mai le faatoaga i Etena. O se tasi lenei o faamatalga o le saogalemu o le a maua mai i gaoioiga a le Malo: “E soloiesea foi e [le Atua] loimata uma i o latou mata; e leai foi se toe oti, po o se faanoanoa, po o se aue, e leai foi se toe puapuaga; aua ua mavae atu mea muamua.”—Faaaliga 21:4.

Pe i ai se faalogona e le moni lena folafolaga? O le mea moni, ua lava lena o le faamoemoe ua tatou maua, ma i le isi lomiga o loo sau o le The Watchtower o le a talanoaina ai  i se tulaga sili ona loloto pe ai se a ua faapea ai? A e i le taimi nei, matou te fia faatepa oe i se mea sili ona taua: E lei uma le talafaasolopito o Malo Aufaatasi. E i ai se vaega taua a lena faalapotopotoga e faia i taualumaga o le a tutupu i le lumanai. Ua matou faalaeiauina oe ina ia e faitau isi mataupu e lua o loo sosoo ai, o loo talanoaina ai le lumanai o le faalapotopotoga a Malo Aufaatasi e tusa ai ma valoaga o le Tusi Paia.

[Ata i le itulau 5]

O taumafaiga e aumaia le filemu e matua faigata tele mo Malo Aufaatasi

[Ē Ana le Ata]

Ata o fitafita Amerika

[Ata i le itulau 6]

‘Aua o le lalolagi uma o loo nofo toilalo i loo leaga.’ E aofia ma Malo Aufaatasi i lenei mea

[Ata i le itulau 7]

E le mafai ona sili atu ni amio lelei a Malo Aufaatasi nai lo o malo taitasi o loo faia aʻe ai