Le “Nuu” Na te Fafagaina le Faitau Miliona Ua Ogotia i Oge

1, 2. (a) O le a le manaoga moni e ao ona faalogoina e e o ainaina le lalolagi? (e) O fea tagata e mafai ona tatou vaai i ai e uiga i lenei mea?

O LE faitau piliona o tagata i le lalolagi e ao ona saili mo “mea ʻai” e faamalieina ai i latou mo le ola e le uma i luga o lenei lalolagi, pe a avea le lalolagi o se parataiso faalekelope. A e o ai ma i fea o le a latou liliu atu i ai? E le o taumafai i le Malo o Isaraelu e faataunuuina le valoaga a le Tusi Paia i le Isaia 27:6 e uiga i le faatumuina o le lalolagi i ona “fua” mo le lelei tumau o le fanau a tagata.

² O le nuu o Isaraelu i le uluai senituri o Tatou Aso na melea lo latou tofiga e manuia ai le fanau uma a tagata. E ui i lea ua na o se vaega totoe toaitiiti o Iutaia faaletino na fetalai atu i ai le Mesia i nei upu: “Ua tuuina mai ia te au le pule uma lava i le lagi ma le lalolagi. O lenei, ia outou o atu e fai nuu uma lava ma soo, ma papatiso atu ia te i latou i le suafa o le Tama, ma le Atalii, ma le Agaga Paia . . . faauta foi, ou te ia te outou i aso uma lava, e oo lava i le gataaga o le lalolagi.” (Mataio 28:18-20) A e faapefea le 19 senituri mulimuli ane ai? O ai i o tatou aso o teu i finagalo le faataunuuga o le Isaia 27:6? Ma ua faapefea ona aafia ai oe ma e ua pele ia te oe?

3. O ai i lo tatou senituri na tofo i le ‘toasa’ o le Atua o loo taʻua i le Isaia 27:4)

³ E ui lava e tausaga i tatou mai mea patino na tutupu, e lelei mo i tatou ona suesueina puupuu mea moni na faatinoina i tausaga o le Taua l a le Lalolagi. I lena taimi sa ia Ieova se mafuaaga tonu e ‘toasa’ ai faasaga i nuu o Kerisinetoma ona o lo latou auai i lena tauvaga faamasaa toto. (Faatusatusa le Isaia 27:4) Na latou faia lena mea na i lo o le tuuina atu o a latou pulega faavaomalo i le Atua Silisiliese ina ua faavaeina lona Malo i le lagi i le 1914 i aao o lona Alo faamamaluina, o Iesu Keriso. Na latou faaopoopo atu fafie i lona toasa i le sauaina o le vaega totoe o Isaraelu faaleagaga, ae maise lava i lo latou faalavelaveina o nei Tagata Aʻoga Kerisiano tuutoina o le Tusi Paia mai le faalauiloaina atu ma le saoloto le faavaeina o lona Malo. E toatele o le vaega totoe o Isaraelu faaleagaga sa latou lolo atu i omiga a le lalolagi, ma ua faapea ai ona le faataunuuina lo latou tiute tauave e avea o se nuu filifilia na faatauina mai lenei faiga o mea a le lalolagi. Latou te lei vaaia le lui o le solitu aʻiaʻi agai i tauvaga a lenei lalolagi, ma sa faapea ai ona latou aafia i le toto, ma mo se vaitaimi na tatau ai foi ia te i latou le aasa o le ‘toasa’ o le Atua.

4. Sa faapefea ona aafia auauna Kerisiano a le Atua i lona ‘toasa’, ma o le a le lesona e ao ona tatou aʻoaʻoina mai lenei mea?

⁴ Pe ana e ola i tua i ina, o le a se manatu i ou uiga faaalia i na omiga i le taimi o taua? E ao ona e manatunatu i na mea, aua a e faia faapea o le a faatumauina ai lau filifiliga i le mea o le a e faia pe a feagai ai ma soo se omiga i le lumanai. I tua i ina i le atonu sa tino mai o le taimi lena e solomuli ai mai le faalauiloaina o le Malo ma taotooto. E toatele sa uia le auala lena, sa i ai le lagona e ao ona na o na latou faatali mo le vave faamamaluina o i latou ina ia faatasi ma Iesu Keriso ua faapaleina. (Luka 22:28-30) Ae peitai, i le mauaina o se vaega o le ‘toasa’ o Ieova o se mea e aoaia ai na lei melea e Kerisiano mo i i lena vaitaimi, ma sa faapea ona fua mai ai. Sa faamalosia ai i latou mo le galuega o loo fotuai mai o le faalauiloa atu lea o le aso o le taui ma sui a le a lo tatou Atua faasaga i le ua taʻua e le perofeta o Isaia o le “Leviatana” i le Isaia 27:1, ua tatou faitau ai:

5. Ua faapefea ona liuliualo mai Ieova i le “Leviatana” o loo taʻua i le Isaia 27:1 i aso nei?

⁵ “O lea aso e faasalaina ai e Ieova o leviatana, o le gata tele vave, o leviatana lava, o le gata taataai, e faasalaina lava i lana pelu maaa, ma le tele, ma le malosi; e fasimatea lava e ia le tanimo o loo i le vai.”

I aso anamua, sa liuliualo atu ai Ieova i le na pulea ona tagata. E pei ona tatou iloa talu ai nei, e aofia ai i lena le emepaea o Papelonia, faapea foi Aikupito ma Asuria. (Isaia 27:12, 13) E te iloa se faatatauga faaonapo nei o upu faafaatusa i le Isaia 27:1? I le vaitaimi o le Taua l a le Lalolagi, sa lei faatagata o tauaina auauna a le Atua i se nuu po o se emepaea e tasi. Ae peitai sa manaomia e Ieova ona liliu atu i le Leviatana faafaatusa, ua igoa, ia Satani le Tiapolo. Ua sosolo atu ai i se auala tau faaoleole i le sami o le fanau a tagata ma faaaoga mea o i luga o le lalolagi e faalavelaveina ai pe faavaatuia ai auauna a Ieova.—Faatusatusa le Faaaliga 17:15.

6, 7. (a) O le a ua avea i aso nei ma “laau tuitui ma laau talatala”? (e) O le a e mafai ona tatou faatalitalia e uiga ia i latou i le lumanai?

⁶ I le tausaga e 1919 ina ua toe fuatai ai ma le aasa e le vaega totoe o Isaraelu faaleagaga la latou talaiga o le Malo, o le taimi foi lea mo Ieova e faapea mai ai:

“Ou te le ita lava aʻu; o ai na te aumaia ia te au laau tuitui ma laau talatala i le taua? Ou te solia i latou, ou te susunuina faatasi lava i latou.”—Isaia 27:4 NW.

⁷ Ina ua iu le Taua l a le Lalolagi, na faatuina aʻo loa Malo Sosoo e tetee atu i le  Malo o le Atua e ala ia Keriso. E mafai ona tatou faatusaina lenei i “laau tuitui ma laau talatala” na tuuina i le ala o Ieova le Atua, e avea o se pupuni po o se faasasaaga. Ua suia nei la e le faalapotopotoga a Malo Aufaatasi Malo Sosoo. E ala i Malo Aufaatasi ua faaleo ai e isi malo o avea ma sui se faaiuga maumauai ina ia le talia le alagaina o le Malo Ia Keriso ua alagaina mo la latou fuafuaga e faasao a latou pulega faalelalolagi. I le “taua i le aso tele o le Atua e Ona le Malosi uma lava” ia Amaketo, o le a ia solia faafaatusa lava “laau tuitui ma laau talatala” uma, nutililiia i latou ma mulimuli ane ona susunuina ai lea i le afi, e liu efuefu ai i latou. Ua faapea ona ia faataitaia ai po o ai moni le Silisiliese i le Vateatea. O lea la, e mafai nei ona e iloa e tusa lava pe e te lei ola i totonu o Kerisiano i tua i le taimi o le Taua l a le Lalolagi, atonu e mafai lava ona aafia ai oe—mo le lelei po o le leaga—i iuga faaiu o mea tutupu sa faataotoina mai i le Isaia 27:1—Faaaliga 16:14-16; 17:1–18:4.

‘Tagofia le Malosi o Ieova’

8. O le a ua faalagolago i ai le toatele o atunuu i aso nei?

⁸ Ua faalagolago sui o Malo Aufaatasi i lo latou lava malosi ma faamoemoe i o latou lava olo faia e tagata. Ae peitai, o lo latou faamoemoe i ai ua le lava lea e taofia i latou mai le faia o e auupega sili ona saua, e gata mai ai auupega sili ona saua, e gata mai ai auupega o taua, le pomu faaniukelea. E pei lava ona masani ai, o le fefe i le faamataʻu mai i le faaaogaina o le pomu faaniukelea ua taofia ai i latou a e le o le Malo Aufaatasi.

9, 10. Ai se a ua poto ai mo i tatou ona faalagolago i se tasi “olo”?

⁹ E pei ona tatou matauina, o le mea moni ua faamataʻuina ai le faaauau pea ona i ai o malo e le “taua i le aso tele o le Atua e Ona le Malosi uma lava.” O le a se mea ua faamoemoe malo e faia faasaga i le Atua e Ona le Malosi uma lava, o le na tuu le malosi e ofo ai i totonu o aiaiga o atomi taitasi o mea? E tatau ona e mautinoa e le ma faatusaina le malosi o le na Foafoaina mea na i lo o malo ma a latou auupega uma. O i latou uma e talisapaia lenei mea moni—e ioe i ai Molimau a Ieova e tasi lava le ala ua avanoa nei. Ua faataatia mai i isi tuleiga a Ieova:

“Pe seʻi tago o ia i loʻu malosi, ia ma lelei ma ia, e lelei foi o ia ma aʻu.” (Isaia 27:5)

E leai se faalapotopotoga faaletagata e fai ma olo e faamoemoe i ai mo le saogalemu po o le puipuiga mai taua o le lalolagi, ma e matauina foi e le o se olo mo aiga uma o le lalolagi e sosola i ai mo le faasaoina.

¹⁰ E pei lava ona e iloa e toatele tagata i aso nei ua aafia o latou faalogona felafolafoaiga ma gaoioiga e faatatau i le lafoaia o auupega. E faanoanoa lava, ona ua avea lena ma mea e faaseseina ai i latou mai le mea moni faapea o le mataʻutia o le taua o le aso tele o le Atua e Ona le Malo uma lava ia Amaketo ua faamataʻuina ai le faaumatiaga o malo uma lava. Afai e te talisapaia lena mea moni, o le auala poto la mo oe o le liliu atu lea ia Ieova. O Lona “olo” e saili atu i ai e ua mananao ia faasaoina, ua faaigoaina, o lona lava malosi uiga ese. O le a le mafai ona manumalo le faalapotopotoga aoao a Satani le Tiapolo i Kerisiano taitoatasi o e ua taofi mau i le “olo”.

11. E faapefea ona tatou faatatauina upu a Iesu i le Luka 14:31-33 a o tatou tago atu i le “olo” o le Atua?

¹¹ O Ieova ma ana ʻau i lalo le Taʻitaʻi, o Iesu Keriso, ua i ai nei i le savaliga o le taua. O lea a o fai si o latou mamao ese atu, o le auala manaomia ia muai mafaufau, ma filifili, le tagata lava ia ina ia auina atu se savali faafaatusa mo le talanoaina o le filemu manu o mamao, ina ia tausi le filemu i le feagai ma ʻau e sili ona malolosi. O le Kapeteni le ma faatoilaloina o ʻau a Ieova na faatonuina mai lenei auala a o i ai i le lalolagi nei. (Luka 14:31-33) Ma afai e te matua suesue i le mea na fetalai mai ai Iesu i ina, ona e iloa ia lea ua ia faafesootaia ma o tatou uiga agai ia tatou “mea uma.” Tusa lava pe tatou te ola i se oganuu fuatele ma agai i luma po o Atunuu tulaga Tolu o le lalolagi e manaomia ai se matua tauiviga mo mea tau tupe, e ao lava ona suesue o tatou uiga vaaia. Fesili ifo: Pe o tuu moni po o faamuamua e tatou “mea moni’? I le fesootai ai ma lenei mea, faamolemole faitau le Luka 12:15-21.

12. O le a le faamaoniga o i ai ina faapea e toatele tagata i aso nei ua pipii atu i le malosi o Ieova?

 ¹² I le lalolagi atoa, e faitau afe Molimau a Ieova ua uma ona liliu atu ma le le taofiofia ia Ieova, e saili le filemu ma ia. E toatele ua fuafuaina o latou lava olaga totino ina ia tuuina atu le tele o itula i masina taitasi i le galuega o le fai ma soo. O i latou uma lava o e ua tuuina atu lo latou malosi e auauna ai ia Ieova ua i ai i se tulaga e tofo ai i le “manuia [filemu] mai le Atua” ua folafolaina mai e leoleoina ai o outou loto ma o outou mafaufau. (Filipi 4:7) A o i ai le taimi, ua latou fesoasoani pea i isi ina ia ulu atu i lenei fuafuaga filemu a Ieova o ʻau. O fea e tuu ai lenei galuega faasaoola i lou olaga?

Faatumuina le “Fogaeleele Uma” i ona “Fua”

13. O le a ua faailoa mai e le Isaia 27:6 e tatau ona tatou faatalitalia i o tatou aso?

¹³ O le a sa avea ma vaega faalelalolagi a Isaraelu faaleagaga ina ua mavae lona toe faafoisia i le finagalo malie tauatua ina ua mavae le Taua l a le Lalolagi? Ua faailoa mai lenei mea i upu faagau loto o le Isaia 27:6:

“O ona po amuli e sosolo ai aa o Iakopo; e fuga mai ma matala o Isaraelu, ona tumu ai lea o le fogaeleele uma i ona fua.”

Manatu i le moni o na upu i aso nei. O lou faia faapea o le a avatu ai ia te oe ni mafuaaga faaopoopo e avea ai oe o se tasi o tagata o Ieova, ae afai ua uma ona e faia faapea, ia sili atu ona mausali i le auai i totonu o tagata tapuai moni o Ieova tusa lava po o a tofotofoga ma faafitauli e mapuna aʻe.

14. Ua faapefea ona faataunuuina le Isaia 27:6 i tagata o le Atua?

¹⁴ Talu mai le tausaga e 1919, o le tulaga e pei ona valoia mai i le Isaia 27:6 ua i ai pea sona faatelega i totonu o tagata tapuai o Ieova, ina ua faia le uluai tauaofiaga mo le lautele a Molimau a Ieova i Cidar Point Ohio. Mo se faaaoaoga, e lei leva ona mavae lena a e amata loa ona lomia e le Watch Tower Society lana mekasini fou. O le Golden Age ua igoa nei o le Awake! E pei e tino mai sa mauaa i lea taimi Iuta faaleagaga.

15. O le a le lumanai fiafia na tuuina atu i tagata tapuai moni e amata i le 1918?

¹⁵ Ae peitai i uluai tausaga na toe faasaolotoina ai ma toe faafoisia ai i le finagalo malie o Ieova, sa amata ai ona fua mai Kerisiano moni e avea ma “faatoaga a Ieova.” (Isaia 61:3) I le 1918, le tausaga mulimuli ane o le Taua l a le Lalolagi, na lauga atu ai le Peresitene o J.F.Rutherford i se mataupu ofoofogia i le lautele “E Faitau Miliona o loo Ola Nei e le oo i ai le Oti.” Faatasi ai ma sina vaega toaitiiti o le vaega totoe o soo fanauagagaina o le Tupu ua pule nei, Iesu Keriso, na tuua i le lalolagi ina ia tauaveina le galuega ua tofia mai e le Atua lea ua tuuina atu i o latou luga, pe o se fuafuaga maotua ea lea?

16. (a) Na faapefea ona tali atu le vaega totoe i le avanoa sa tuu i o latou luma? (e) O le a le “fua” na latou olioli ai, ma o le a le iuga?

¹⁶ Pe o le a faapefea ona faaaoga e Ieova nei Kerisiano e faatumuina le “fogaeleele uma i fua”? Sa taimua le vaega totoe o Isaraelu faaleagaga, a e a faapefea ona “fua” e faatumuina ai le fogaeleele uma? Sa maua e le vaega totoe le “fua,” e aofia ai le tala lelei o le Malo o le Atua ua faavae i aao o Keriso, ona o le lelei ma le susua na latou mananao ai e fetufai ma o latou uso a tagata. Ua uma ona valoia mai e Ieova le toaitiiti e fai ma toaafe, ma le ua faatauvaa e fai ma nuu malosi, ma ua faamaonia i lenei mea le leai o se le taulau i le vaega a le Atua. (Isaia 60:22) Sa lei pine a e faatasi atu loa “le motu o tagata e toatele” o “isi mamoe” i le Leoleo Mamoe Lelei o Iesu Keriso.—Faaaliga 7:9-17; Ioane 10:16.

17, 18. O le a ua e molimauina e faatatau i le ‘faatumuina o le fogaeleele uma i ona fua’?

¹⁷ Atonu o e fia iloa le tulaga o Kerisiano moni i aso nei. Ua 94 nei lala o le Watch  Tower Society i le kelope atoa. O faapotopotoga maopoopo tiotio o Molimau a Ieova e 48,000 ua i ai nei i atunuu e 203. E avatu le viiga uma lava i le Atua moni ona o lenei mea, ma o nei taualumaga aoga ua mafai ona faapaiaina ai lava Afioga le masese, e ui lava ina e lei oo mai “le gataaga,” e pei ona valoia mai i le Mataio 24:14.

¹⁸ Ioe, ua toeitiiti lava tolu miliona Kerisiano a galulue faatasi nei ma le Watch Tower Society i le kelope atoa. O lenei faitau miliona e mafuli tele atu i “isi mamoe” a Keriso, o e ua loa ona uunaia malosi le galuega o le molimau atu i le lalolagi atoa, ma ‘o le fiafia ia Ieova o lo latou malosi lea, po o lo latou olo.’ (Neemia 8:10) O lea, o i tatou taitoatasi i aso nei ua i ai le avanoa e faatumuina ai faaleagaga ma auai i le ‘faatumuina o le fogaeleele uma i fua.’

19. O le a atonu e te olioli ai i le faatumuina o le “fogaeleele uma,” ma o le a lou lagona i ai?

¹⁹ Tatou te mafai lava ona mautinoa o le a le faatagaina e Ieova lenei “fua” o le “fogaeleele uma,” o le fanua o le galuega a ana Molimau, e faaumatiaina. O le a le faaaogaina le galuega talai a ana Molimau! O le fuata faaleagaga po o “fua” e pei ona faatinoina ai e Kerisiano moni e mo le fafagaina o i latou uma lava o e mananao i ai. O le a aofia ai i lea, i se taimi, le toe faatutuina mai o le faitau piliona o tagata feoti ia o le a toe tulai mai i lalo o le Pulega Faameleniuma a Iesu Keriso. Sei manatu i le uiga o lea mea mo oe i le lumanai! I lea taimi, e toatele foi Isaraelu faaletino o le a toe faatutuina mai. O nisi o i latou atonu sa aafia i le faataunuuga itiiti o le valoaga i le Isaia mataupu 27. E le o se mea ofoofogia ea lea mo oe e te ola ai i lea taimi, o le a mafai ai ona e faamatala pe na faapefea ona fai o sau vaega i le faataunuuga tele, i aso nei o le ‘faatumuina o le fogaeleele uma i ona fua.’?—Faatusa Faaaliga 22:2, 3.

Aumaia le Iuga i Ala o “Leviatana”

20. O le a o loo taatia nei i luma mo le “Leviatana” ma o le a le iuga e faatatau i le Silisili o Ieova?

²⁰ O lea o Aikupito faafaatusa, o lenei faiga leaga o mea ua pule ai nei Satani le Tiapolo e avea mona atua, o le a le toe i ai. O le a liuliualo atu loa Ieova i le Leviatana faafaatusa, le e sosolo, le gata pepelo i totonu o le sami o le fanau a tagata. O le a le toe i ai o ia ma malo, e oo lava i aufaatasiga a malo o le a le toe i ai. O le a le toe i ai o ia o se saoloto, o se aumaia le leaga ma le iuvale i le fanau a tagata lea na maliu ai Iesu Keriso. (Isaia 27:1) Ioe, o le a tuuina Satani le Tiapolo i le to e le gata i le Afe o Tausaga o le Pulega a Iesu Keriso le Alo o Tavita, o le Suli tonu o le Malo. O le a avea le 144,000 o Isaraelu faaleagaga ma suli faatasi ma ia i le lagi, le Leona faafaatusa o le ituaiga o Iuta. (Roma 8:16, 17; Faaaliga 5:5, 9, 10; 7:1-4) O Ieova le Atua Silisili Ese o le a faapaiaina e faavavau e avea o se Alii Silisili Ese i le vateatea. O le a olioli ma tofo ai le faalapotopotoga faalevateatea i le lagi ma le lalolagi a Ieova i le filemu talafeagai lelei e faavavau. O le a olioli Ieova mo taimi uma, e oo lava i le faavavau ona o lana faalapotopotoga faalevateatea ua autasia.

E Mafai ona e Manatua?

□ Ai se a na lagona ai e Kerisiano moni le ‘toasa’ o Ieova i le amataga o lenei senituri, ma o le a e mafai ona tatou aʻoaʻoina mai i lenei mea?

□ Pe a faatusatusa atu i malo, e faapefea ona tatou ‘tago atu ia Ieova o lo tatou olo’? (Isaia 27:5)

□ Ua faapefea ona faatumuina le “fogaeleele uma” i “fua” i o tatou aso? (Isaia 25:6)

□ O le a le faataunuuga i le lumanai o le Isaia 27:1 tatou te faatalitalia ma le mautinoa?

[Fesili mo le Suʻesuʻega]

[Ata i le itulau 17]

Ua faamoemoe nisi faapea o le a mafai e tagata ona foia le tau faamataʻu mai o le taua faaniukelea, a e o i latou o e popoto mai nuu uma ua latou ‘tago i le malosi o Ieova’

 [Ata i le itulau 18]

O le faatelega i le fafagaina lelei o Kerisiano i mea faaleagaga ua faaalia lea i le faateleina o lala o le Watch Tower Society

Spain

Brazil

Canada