O le Soifuaga o Iesu ma Lana Faiva

Aʻoaʻoina o se Fafine Samaria

A O faimalaga atu mai Iutaia i Kalilaia, sa agai atu Iesu ma ona soo e ui atu i le itumalo o Samaria. Tusa o se taimi faaaoauli na latou malolo ai i tafatafa o se vaieli i tala ane o le aai o Sukara, ina ua vaivai i latou. O lenei vai na eliina e Iakopo i senituri ua mavae, ma o loo i ai pea e oo mai i aso nei, e latalata ane i le aai faaona po nei o Nablus.

A o malolo ai i ina Iesu, sa o atu lona au soo i le aai e faatau mai ni mea e ai. Ina ua sau se fafine Samaria e utu vai, sa faatalosaga i ai: “Au mai ia ia te au, ou te inu.”

O le tu masani e leai se fesootaiga a tagata Iutaia ma Samaria ona o uiga manatu faapito sa teu fatuina. O lea sa faateia le fafine ma fesili atu ai: “Pe faapefea ona e fai mai i se mea e inu ia te aʻu, o le fafine Samaria?”

Sa tali atu Iesu pe ana fai na te iloa po ai ia, semanu ua ia ole atu i a te ia mo le “vaiola.” Na fetalai o ia o lenei vai, o le a avea ma “vaipuna, e puna i luga i le ola e faavavau.”

Sa tali atu le fafine: “Le Alii e, au mai ia te au lena vai.”

Ona fetalai atu lea o Iesu: “Alu ia oe, valaau i lau tane.”

A e tali o ia: “E leai saʻu tane.”

Na faamautinoaina e Iesu lana tali. “Ua tonu lau upu, E leai sau tane; aua sa ia te oe tane e toalima; o ia foi ua ia te oe i ona po nei; e le sau tane lea.”

Sa tali atu ma le maofa le fafine faapea: “Le Alii e, ua ou iloa nei o oe o le perofeta.” O le faailoaina atu o ona faanaunauga faaleagaga, ua ia matauina ai o tagata Samaria e tapuai i le Mauga o Keresema, a o tagata Iutaia e o i Ierusalema.

Peitai na faasino atu e Iesu e le o le mea taua le nofoaga e tapuai ai. Na ia faamatala “o le Atua o le agaga lava ia; o e tapuai ia te ia, e tatau ona tapuai atu ai i le agaga ma le faamaoni.”

Na matua faateia lenei fafine. Sa faapea mai o ia: “Ua ou iloa o le a maliu mai le Mesia, (o le na igoa ia Keriso), pe a maliu mai o ia, e faailoa mai mea uma ia te i matou.”

Ona fetalai atu lea o Iesu i a te ia: “O aʻu lava lenei, o le tautala atu ia te oe.” Manatu i ai! O lenei fafine na sau i le aoauli e utu vai, atonu ina ia alofia ai mai le vaaiga a fafine o le aai o e inoino i a te ia ona o le auala o loo ola ai o ia, ae o lea ua faaalia i ai le finagalo fiafia o Iesu i se mea na te lei tautinoina i isi. O a iuga? O le a faamatalaina i la tatou mataupu e sosoo ai. Ioane 4:3-26.

◆ Ai se a na maofa ia le fafine Samaria ina ua fetalai atu Iesu i a te ia?

◆ O le a ua aʻoaʻo atu e Iesu i a te ia e uiga i le vaiola ma po o fea e tapuai ai?

◆ E faapefea e Iesu ona faailoa atu po o ai o ia i a te ia, ma ai se a ua maofa ai i nei mea ua faailoa mai?

 [Ata atoa i le itulau 9]