Lipoti a Ē Faalauiloa le Malo

“Latou Te Le Manumalo Ia Te Oe”

I SE atunuu i Amerika Tutotonu, na avea ai e ni tamaloloa faaauupegaina le 15 o Molimau a Ieova e toalua, na faamalosia mai i o la aiga ma avatu i se vaega o tamaloloa e 75 ua faaauupegaina i laau ma agaese. Sa latou faia se faamaasiasiga leaga i Molimau ma tuuina atu i laua i se isi vaega e tusa ma le 350 tamaloloa ua faaauupegaina foi faapena. Sa latou faatalitalia o le a fefefe uso e toalua ma faalotolotolua ai i lo la solitu faa-Kerisiano pe a la auai i la latou vaega au. (Isaia 2:4) Peitai na tutumau Molimau ma mumusu e auai i gaoioiga tau taua. O lea na lafoina ai i laua i le falepuipui, ae toatele tagata o isi lotu sa faalotolotolua ma o atu i nofoaga maupuepue faatasi ai ma le vaega au.

I le aso na sosoo ai sa toe avatu ai uso i le aai autu mo nisi faamatalaga. A o savavali atu i laua, sa fai atu le au leoleo o laua o le a suia o la mafaufauga ma talitonuga! Na tali atu le au uso: “Moni ua suia o ma mafaufau! o nei la ua ma le toe faia se leaga i se isi tagata: e le o maua o ni gaoi, tagata onana pe mulilulua.” Ina ua faalogo i ai se tagata o le malo, sa ia faaalia le agalelei ma faamalo ia te i laua, ma faapea atu, “Ana fai e pei tagata uma o oulua, o le a ese mea uma . . . ma ia puipuia oulua e lo oulua Atua o Ieova” A faasaolotoina loa i laua.

Ai se a ua sauaina ai Kerisiano fifilemu, le faatupu faalavelave o e tausia tulaga amiotonu a le Atua? Talu ai o i latou “e le ni o le lalolagi” ma i ana gaoioiga faapolotiki. (Ioane 17:16) Maeu se faamafanafanaga o le iloa e ui lava ia tau Satani ma lana lalolagi faasaga i auauna a Ieova, ae latou te le manumalo lava! (Ieremia 1:19) Sa faamaonia le moni o lenei mea i le atunuu lenei, ma e tatau ona faamalo atu i le sui o le malo ona o lona aloaia o le tulaga solitu o Molimau a Ieova.

□ Ua faamaonia foi le moni o upu a Ieremia i se mea na tupu se nuu i Aferika i le mea o faasaina ai le galuega a Molimau a Ieova. Ina ua maea le faamatalaina o faigata na oo i ai i uso ona o le taumafai e fesoasoani i tagata ia aʻoaʻoina atili e uiga i fuafuaga matagofie a Ieova, sa faapea mai le ripoti: “Talu ai le tulaga solitu o Molimau a Ieova, ua faafalepuipuiina ia le toatele o o tatou uso i se tulaga faifai pea. Ua matua sasaina i latou, ma omia i so o se itu ina ia faaleagaina ai o latou loto fuatiaifo faa-Kerisiano. O se tasi mea, ina ua uma ona sasaina faatigaina ae ua le taulau ona gausia ai le tumau o se tasi uso, ona taumafai lea o isi fitafita e fasiotia faanana o ia ae e le tusa ai ma le tulafono. Ina ua iloa e se sui sili o le malo ia latou faufauga leaga, ona ia faasalavei faanana mai lea ma siitia atu le uso i se tasi aai, ma faasaoina ai lona ola.”

O lenei sauaga sa lei taofia ai Molimau a Ieova mai le talaia o le tala lelei e pei ona faatonuina e le Atua. (Mataio 24:14) Ia faatumauina pea i latou e Ieova e ala i lona agaga ma faamanuia i lo latou tutu faamaoni. Ua faapea ma i foi le ripoti i lenei atunuu: “E ui lava i sauaga matuia, e pei o le fia taumafa, faamai, taua faalenuu matuai ma sauaga, a e sa i ai le 17 pasene i e faatelega o le numera o le au talai.” Na faateleina le aofai o e na auai le famanatuga i le 21 pasene, ma o le 21 pasene o le au talai uma na auauna faapaeonia i a Aperila 1984.

O loo fiafia pea o tatou uso e ui ina sauaina i latou. Latou te faalagolago i a Ieova ma faamanatu mai ai upu a Ieremia: “Latou te sii mai le taua ia te oe, a e latou te le manumalo ia te oe; auā o atu ou te ia oe e laveai ia te oe, ua fetalai mai ai Ieova.”—Ieremia 1:19.

[Ata i le itulau 23]

Ua sapasapaia e Ieova ana Molimau sauaina