Tatalaina Le Misiterio o Tataga Tietie Solofanua

O AI e mafai ona talatalaina le misiterio o tagata tietie solofanua o le Apokalipise? I le Tusi Paia, i le Tanielu 2:47, ua taʻua ai Ieova le Atua “o le faaalia foi i mea lilo.” Talu ai o ia na faagaeeina le Tusi Paia, e aofia ai ma le vaaiga e uiga i tagata tietie solofanua, e mafai la ona ia aumaia tali tatou te manaomia. O lea la, o le iloiloina o lana Afioga mo faamatalaga, ua mafai ai ona tatou talatalaina le uiga o solofanua lanu eseese ma e o tietie ai.—Amosa 3:7; 2 Timoteo 3:16; 2 Peteru 1:21.

O fuaiupu amata e tolu o le Faaaliga, 1:1-3 ua na aumaia se ki e fesoasoani mo le tatalaina o le misiterio. Ua latou faaalia o nei vaaiga e tele e mo mea e tutupu i le lumanai, o lona uiga, e lumanai atu i le tausaga e 96 T.A. ina ua vaaia e le aposetolo o Ioane nei mea uma ma tusia i lalo. Ua talafeagai lea ma lana faaupuga i le Faaaliga 1:10 faapea o mea na iloa i nei vaaiga faatoa tutupu lava pe a mavae ona amata le “aso o lo tatou Alii.”—Faatusatusa le 1 Korinito 1:8; 5:5.

Faatasi ai ma nei mea i le mafaufau, e tatau ona tatou iloiloina solofanua ma e o tietie ai. Mai lava i le amataga e tatau ona maua le malamalamaga sao i le solofanua paepae ma le o tietie ai. Ona maua tonu foi lea o le uiga o isi tagata tietie solofanua i o latou tulaga.

 Iloiloina o Faaliliuga

I le uluai mataupu, sa matauina ai o le tasi o faaliliuga o le solofanua paepae ma le o tietie ai e faapea na fai ma sui a le o le ‘manumalo o le tala lelei, po o le pule malosi.’ Peitai e lei faaliliuina le lalolagi i le tala lelei (evagelia) e uiga i a Keriso ma fuafuaga a le Atua ua siomia ai o ia. Ma, o le mea moni, o le pule malosi e le o tietie ane i le manumalo. Peitai, ua faamalepeina i lalo, vaevaeina, i lenei senituri.

Ae faapefea le faaliliuga faapea o le solofanua paepae ua fai ma sui o le manumalo o le tala lelei ma le mama o le faatuatuaga i le uluai senituri? Ua le amanaiaina ai le mea moni faapea o le faaaliga o ni mea ia o le a oo mai i le lumanai. Ma talu ai na tusia e Ioane le Faaaliga a o avea ma pagota faaaunuua i le motu o Patamo i le tausaga 96 o tatou Aso Taatele, e le mafai la ona fai ma sui o se mea na faia i le uluai senituri.

O se isi faamatalaga sa faapea o le solofanua paepae ua na faataimua mai le gaoioiga a e le o le peresona o Keriso ma o lona Malo ‘ua i totonu’ o i tatou, o lona uiga, i totonu o o tatou loto. Peitai o le gaoioiga a Iesu Keriso ma le faa-Kerisiano sa lei amataina i se taimi a o lumanai o na tusi le Faaaliga. Nai lo lea, o lenei gaoioga ua leva ona avea ma faamaoniga sili i Kerisiano o le uluai senituri a o lei tusi Ioane.

E le gata i lea, ina o fetalai Iesu “ua i ai lava i a te outou le malo o le Atua,” sa ia fetalai i Faresaio lolotu taufaaoleole e tali ai i se fesili na latou faatuina. Sa lei fetalai Iesu i ona soo faamaoni ma taʻu atu i a i latou o le Mala o se mea i ‘totonu o i latou’ i le uiga, o i totonu o o latou loto. Nai lo lea, sa ia taʻu atu i Faresaio le talitonu faapea o ia, o Iesu Keriso, o le sui o le Malo o le Atua, sa faatasi ma i latou i lena mea na tupu.—Luka 17:21; tagai foi i le The Jerusalem Bible ma le The New English Bible.

Ae faapefea le manatu faapea o le tietie i le solofanua paepae o se Anetikeriso? E leai se vaipanoa o le Tusi Paia o taʻua ai o le Anetikeriso o le na manumalo ma mafai ai ona faapea i a te ia, ona “alu atu lea o ia, o loo manumalo, o le a manumalo pea ia,” e pei ona taʻua mo le o tietie i le solofanua paepae. (Faaaliga 6:2) Ua manino faapea po o ai lava o nofo i le solofanua paepae o le a agai atu pea i le manumalo. O lona manumalo o le a le mafai ona le taulau. O le a faaumatiaina ona fili uma.

Faasinoga a le Tusi Paia e Iloa Ai

O le faailoaina ma le mautinoa o le tietie i le solofanua paepae ua tuuina mai e “le faaalia foi i mea lilo,” mulimuli ane ai i nei lava faaaliga eseese. I le Faaaliga 19:11-16, ua toe vaaia ai foi se solofanua paepae, ae i lenei taimi ua faatasi ma le faailoaina manino mai o le o tietie ai.

O le mea moni faapea ua vaaia faalua le solofanua paepae i nei faaaliga faavaloaga ua faaalia ai o le solofanua lava lea e tasi ma tiute eseese po o galuega a le tietie ai ua faamatalatalaina nei. I le vaaiga mulimuli ane ai, sa faaigoa mai ai le o tietie. Ua taʻua o ia o le “Faamaoni ma le Moni,” “Le Lokou o le Atua,” ma le “Tupu o tupu ma le Alii o alii.”

 O na tofiga ua leai ai se tau masalosalo po o ai moni le o tietie i le solofanua paepae. E le o se isi ua na o le Alii o Iesu Keriso lava ia! (Faatusatusa Faaaliga 17:14) Peitai i le a le taimi o lona olaga? E tatau ona i ai i se taimi pe a mavae le iuga o le uluai senituri, ina ua tuuina mai le vaaiga o le Faaaliga. Matau, foi, ua tuuina atu i a te ia se palealii tau tupu. O lea i se taimi i le lumanai o le a amataina ai e Iesu Keriso se galuega faapitoa o se Tupu, po o se Taʻitaʻi. Ma o le tauaveina o lena tulaga ua faailoa ai foi o ia o se tagata tau faaauupegaina faatasi ma se aufana, e tietie atu i le “manumalo, o le a manumalo.”

O le isi lenei mea moni e faailoa ai o nei mea e mo le lumanai: E oo mai i le taimi o le apokalipise, ua sili atu i le 60 tausaga ua mavae talu ona uma le soifuaga faalelalolagi o Iesu, faatuina mai i le oti, ma afio ae i le lagi. Ina ua toe foi atu i le lagi, na taʻuina atu i a Iesu ia faatalitali i le itu taumatau o le Atua seia oo mai le taimi i le lumanai e avea ai ona fili e fai ma “mea e tu ai ona aao.”—Eperu 10:12, 13.

Ua Amata Ona Tietie

O lea tietiega i le solofanua paepae sa tatau ona amata i se taimi o le a faapaleina ai Iesu o le Tupu faalelagi o le Malo o le Atua. i lena taimi o le a auina atu ai o ia i e le Atua ma le faatonuga: “Ia pule oe i totonu o e ita ia te oe.” (Salamo 110:2) Peitai o afea o faataunuu ai lenei mea?

O le faapaleina o Iesu Keriso o se Tupu faalelagi ua faamatalaina i le Salamo 45:3-7. Ma i le Eperu 1:8, 9 ua sii mai ai e le aposetolo o Paulo lenei salamo ma faatatauina fuaiupu e 6 ma le 7 i le Alo o le Atua, o Iesu Keriso. O faamatalaga auiliili ma faamaoniga faale-Tusi Paia ua lomia e Molimau a Ieova ua faaalia ai o le faapaleina o Iesu Keriso i le lagi na taunuu i le iuga o le Taimi o Nuu Ese, “tausaga o nuu ese,” i le 1914.—Luka 21:24 *

Ona o lenei la mafuaaga, soo se faaliliuga na te tuuina le tietiega solofanua a tagata i se taimi e muamua atu na i lo le 1914 o le a le tonu lea. I le ma lenei foi, talu ai o le tietie i le solofanua paepae sa taimua, o isi la solofanua ma e o tietie ai o loo mulimuli mai o le a fai ma sui o mea o le a tutupu faatasi, pe ai se taimi pe a mavae, ona amata lana tietiega. O le tietiega a nei tagata o toafa, o le uiga la, e tatau ona tutupu pe a mavae le amataga o le “taimi o le iuga” i le 1914. Ma talu ma lava lena, ua vaaia le faamaoniga o “aso e gata ai.”—Tanielu 12:4; 2 Timoteo 3:1-5, 13.

O Isi Solofanua Ma E O Tietie Ai

O le solofanua lona lua e “mumu.” (Faaaliga 6:3, 4, An American Translation) O le o tietie ai “ua avatu foi le pule . . . na te aveeseina ai le filemu i le lalolagi, a e latou te fefasiai ai.” Sa tuuina atu i a te ia se “pelu tele.” Na faamaonia le moni o lenei mea ina ua vaaia i le 1914 le amataga o le taua e sili ona leaga i le tala faasolopito o tagata uma, le taua faalekelope muamua. I tua i ina, sa taʻua o le Taua Tele. E na o le 21 tausaga mulimuli ane ai ae amata le Taua ll a le Lalolagi, ma sa sili atu lona mataʻutia na i lo le Taua l. Talu mai lena, ua i ai taua faifai pea. O le aofai tuu faatasi, talu mai le 1914, ua aveesea ai e taua le selau miliona o ola.

O le solofanua lona tolu e uliuli, ma o le a o tietie ai e i ai lana fua faatautau i lona lima. (Faaaliga 6:5, 6) Ua valaau mai se leo e manomia le totogi atoa mo le aso e tasi e nao na faatau ai le koini (kuata) e tasi (1.1 L) o le saito pe o le tolu koini (kuata) o le saito taugofie o karite. Ua fetaui lelei lenei mea le faamatalina o le le lava o mea taumafa i se fua e sili atu na i lo soo se isi lava taimi muamua. Ua faamaonia le moni o lena talu mai le 1914. Na amata mai le Taua l a le Lalolagi, ona alu i luga le tau o mea. E faitau miliona na maliliu ona o le fia ʻaai. Talu ma lena, ua faaauau pea le le lava o mea taumafa e le faaitiitia. Ua faatatuina faapea e tusa  ma le 450 miliona tagata ua fia ʻaai seia oo ina matelaina, ma e oo atu i le tasi le piliona ua le lava mea e taumamafa ai. Mai i lea taimi i lea taimi ua faamamafaina ai le ata faanoanoa i oge ma le leiloa mataʻutia o ola e pei ona ripotia mai i Ethiopia i tausaga lata mai nei.

Ae mo le solofanua lona fa, ua tatou matauina e “samasama,” lona foliga mai. O le igoa o le o tietie ai o le “Oti.” (Faaaliga 6:7, 8) Ua faaatagia manino mai ai le fuainumera tele o oti talu ma le 1914 ma pogai le faalenatura, e pei o lele lava o mea taumafa ma oge, taua ma sauaga, mala ma faamai. O le fulu Sepania lea na salalau i le lalolagi aoao i le iuga o le Taua l a le Lalolagi na faapogaia ai le sili atu i le 20 miliona na maliliu. I le taimi nei o faamai o le fatu, kanesa, ma le tele o isi ituaiga o mai ua faitau miliona ua maliliu ai i se tulaga e le i mafuafuaina.

O mea tutupu ua faaatagia mai e nei solofanua ma e o tietie ai ua faamauina foi i se valoaga tai uiga tutusa na aumaia e Iesu e uiga i o tatou aso. Na ia fetalai faapea o “le gataaga o le lalolagi,” o loo tatou ola ai nei, o le a i ai taua faalekelope a o “sii atu le taua e le tasi nuu i le tasi nuu ma le tasi malo i le tasi malo.” Na ia taʻua le “tupu tele o le amio leaga” ma “i lea mea ma lea mea o oge foi, ma faamai.”—Mataio 24:3-12; Luka 21:​10, 11.

Sa I Ai Ea se Solofanua Lona Lima?

Ua faitauina faapea le Faaaliga 6:8: “Ona ou vaai lea, faauta, o le solofanua samasama, ma le tietie ai, o lona igoa o le Oti, ua mulimuli atu foi Seoli ia te ia.” I luga o lenei faavae, ua fautuaina e nisi faapea talu ai o a tatou tagata tietie e toafa ia na taʻua o loo tietie solofanua, e le tatau ea la ona tietie le lona lima i se solofanua?

Ua le o taʻua e le Tusi Paia lena. I tusi tusiga Eleni o le upu mo “solofanua’ e le o i ai i le Faaaliga 6:8 e fesootai ai ma Seoli. Ona o lea, o le tele o faaliliuga o le Tusi Paia ua le faaaogaina le upu “solofanua” e fesootai ma le tagata lona lima. O lea ua lava le matauina faapea o Seoli, le tuugamau taatele o le fanau a tagata, sa mulimuli i tua o solofanua muamua ma e o tietie ai, o loo aoaoina tagata ua afaina i a i latou.

E Faapefea Ona E Aafia I Le Faaaliga?

O le ola ai i le taimi o le faataunuuga o lenei faaaliga o le tietiega a nei tagata e toafa i solofanua o le Apokalipise, o le mea moni o se mea e faamanititino. Ae peitai o se taimi foi o le lotonaunau sili, e manaomia ai le sailiili ifo o le tagata i a te ia lava. Ai se a ua faapea ai? Talu ai o tagata taitoatasi uma i le lalolagi ua aafia i lenei tietiega faafaatusa. Ioe, o oe ma e ua pele i a te oe e aafia uma. E faapefea?

O lenei fesili ua laga ai se itu faigata o le mataupu o le a taliina i le isi lomiga o Le Olomatamata: “How Their Ride Affects You.” Aua nei misia le tali faatosina.

[Faaopoopoga i lalo]

[Ata i le itulau 5]

1914—O le “Tupu o tupu” o loo tietie atu i lana solofanua paepae

[Ata i le itulau 7]

Talu mai le 1914 ua seleseleina ai e Seoli se seleselega saua o le iuga mai tagata tietie solofanua o Taua, Oge ma Faamai