O a Tatou Gaoioiga e Aafia ai Le Faapotopotoga

I le Faataoto 11:11 ua tatou faitau i ai: “O le faamanuia o e amio saʻo e faamamaluina ai le aai; a o gutu o e amioleaga, e lepetia ai.”

O tagata o aai e mulimuli i se auala saʻo e ati aʻe ai le filemu ma le nofo lelei ma atiina aʻe isi, ma manuia ai se aai. O i latou o ē tautala faatuaupua, faatiga ma mea sese e aumaia ai le mapuitiga, le lē fiafia le lē autasi ma faalavelave. E patino tonu lava la lenei pe afai e i ai nei tagata i se tulaga faataaina. E pagatia sea aai i le lē maopoopo, ma le malepelepe ma le faatamaʻia o tulaga tau amio ma le olaola lelei.

O le mataupu silisili ua taʻua i inei e faatatau i molimau Kerisiano a Ieova, a o latou ‘mau ai’ i a latou faapotopotoga pei ni aai. O se faapotopotoga e ati aʻe faale-Tusi Paia, e iloaina tagata faaleagaga ua taaina atu i ai le fiafia, ola, lagolagosua i ona tagata, e aveina atu le viiga i le Atua. E faafiafiaina le Atua ma faamanuiaina ai faaleagaga le faapotopotoga. A o i latou e faatiga, e lē faamalieina, o ē vaavaai masei ma upu leaga i le auala e faia ai mea ua faapei o se ‘aa oona’ e ono faataapeina, e faaoonaina ai isi e lei aafia ai. (Eperu 12:15) O i latou e faatupu faalavelave e masani lava ona mananao i se pule ma se faamoemoe e sili atu. Latou te faatupuina fevaevaeaiga e ala i le faagaepuina aʻe o tala faalogo o i ai le amioleaga, po o le lē faamasino tonu, po o faiga leaga faaituau, ma isi lava mea, i le faapotopotoga po o i le vaega a le au toeaina.

O se tasi faataoto e feagai ma lenei mataupu silisili i se faavae mo tagata taitoatasi, e faapea: “O le laulaufaiva e malolo ai, o le laau o le ola lea; a o le laulaufaiva faapiopio e momomo ai le loto.” (Faataoto 15:4) O le laulaufaiva e tautala lelei ma faamaoni i le agamalu, e i ai le agalelei ma le loto maulalo i lē faalogologo ai. Na te siitia ma ati aʻe ai faaleagaga, ma iu ai ina tuuina atu ai i le maloloina faaleagaga o le faapotopotoga atoa. A o le laulaufaiva faapiopio e faamanuʻaina ma faaleaogaina loto o lana au faalogologo, e leai se lelei po o ni manatu faalaeiau e aveina atu ia te i latou e fesoasoani ai i a i latou i le auala o le ola. I lona auga, o le laulaufaiva leaga e iu ina aumaia ai i isi le oti ma le fano faaleagaga.