Papatisoga o Pepe—Ai se a Ua Le Ioe Ai Nisi O Faifeau!

SA MANANAO Aleni ma Sonia e papatisoina la laua pepe e pei lava ona masani ai. O le mea na faateʻia ai i laua ina ua le gata ina teena e la laua faifeau o le lotu Egelani le faia o le sauniga a e na ia faaopoopo mai foi ma lenei lapataiga: “Fai e oulua.” O le mafuaaga? E le o se mea e masani ai ona o o Aleni ma Sonia i le lotu.—The Christian Century, Iuni 3-10, 1981.

E toatele lava foi nai isi ulugalii sa teena faapena i vaitaimi talu ai nei—o se faailoga manino lena o le suia o le vaaiga a nisi lotu i le papatisoina o pepe. Manatu i le lotu Katoliko Roma. Ina ua uma se iloiloga a le Vatikana ll, na suia ai e le lotu lana aiaiga tau le papatisoina o pepe, a e e tatau nei i matua ona uluai faamaonia o le a la tausia ae le pepe o se tasi o le lotu Katiliko. Sa poloaiina e le Vatikana: “Afai e le uigā nei faamaoniga, ua ia ia loa lea se faavae mo le taofia o le sakalameta; ma afai e mautinoa lava lo latou le auai e oo lava la ina le faatinoina le sakalameta.”—L’Osservatore Romano, “Instruction on Infant Baptism,” Tesema 1, 1980.

Ua matua ese lenei mea mai aso ua mavae, e tusa ai ma upu a se faifeau Katoliko o Joseph M. Champhlin, “sa papatisoina ai e misionare maelega pepe faapaupau na lafoai i le auala,” ma o faifeau sa “lapataia matua ia aua nei faatuai i le Papatisoina o pepe pe a atoa le masina ona o le tiga o agasala o le tino iuvale.”

O a mea o i tua o nei uiga ua suia? O se mea e tasi, ua iloa nei e taʻitaʻi lotu o le papatisoga e le avea ai se tasi ma Kerisiano. O le faaitiitia o tagata e auai i lotu ma le leai o se tuutoina e pei ona masani ai i tagata Katoliko papatisoina, ua avea nei ma mafuaaga moni o le popole. “Ai se a e faaopoopo ai le lotu i le faafitauli i le papatisoina lea o tamaiti ua toe lava ina faamaonia o le a le avea o ni tagata matutua e faia ni gaoioiga?” na finau mai ai se tasi mataupu i le U.S. Catholic.

O lea o le mataupu fou fitā i le papatisoga, ua faaalia ai se va matuia i totonu o faifeau.  E pei ona matauina e se tusitala Katoliko o Joseph Martos faapea, o le toatele o faifeau e masani lava ona latou le talitonu i le papatisoina o pepe o se “sauniga o malosi uiga ese e aumaia ai foi ma iuga le vaaia i le solu.” Ia i latou, o lenei vaaiga ua leva, ua tuai.

O lea, e le tioa ona fetoai le toatele o tagata Katoliko faamaoni. Pe le o aʻoaʻoina ea e le lotu faapea o pepe e lei papatisoina e mafai ona oo atu i le afi i hele po o le faapuapuagatia foi i pulekatolio? Afai e moni lenei mea, ua taumanatu ai nisi, ai se ala ua faafitia ai le papatisoga i so o se tulaga? O ni fesili taua nei. Sa matauina e se faifeau Katoliko o Vincent Wilkin le aofaiga o i latou na feoti a e le mafaitaulia, e faigofie lava ona manatunatu i le tupu ae o le aofaiga tele o le fanau a tagata.”

O lea la, sei o tatou tagai puupuu lava i le papatisoga o pepe—faatalatuufaasolo ma faale-Tusi Paia.